Leita í fréttum mbl.is

Fjölmenning

er hugtak sem GGF tyggur hvort eftir öðru. Það talar eins og hér hafi verið samþykkt að á Íslandi eigi að ríkja fjölmenning. Eins og sú sem ríkir í Ghettóum múslíma í vestrænum löndum. Hverfi þar sem lögregla landsins fer ekki inn í. Þar sem sharía lög séu æðri innlendum.

Jón Magnússon hæstaréttarlögmaður skrifað grein í Mogga um þetta mál. Þessi texti er svo einstaklega skynsamlegur um þetta efni að ég set hann hérna ef einhverjum skyldi hafa skotist yfir hann :

Jón segir:(þessi bloggari feitletrar að vild)

"

Hvað er fjölmenning? Eitthvað sem er gott? Eitthvað sem færir fólk saman og býr til betri heim, upplýstari og ríkari að menningu og góðmennsku? Í orðræðu þeirra sem nota þetta óljósa hugtak, þá virðist oft, sem fólk trúi því að fjölmenning sé af hinum góða og muni færa þróuðum ríkjum mikla blessun. Þessi huglæga þráhyggja án vitrænnar skilgreiningar hefur heltekið marga oftast á fölskum forsendum.

Ísland hefur alltaf verið fjölmenningarland í þeim skilningi að við höfum lært um siði, menningu og sögu fjarlægra þjóða og tileinkað okkur hugmyndir til framróunar í verkmenningu, listum og lögum. Við lærðum um sögu Grikklands og Róm og baráttu Voltaire og annarra heimspekinga fyrir almennum lýðréttindum. Saga Evrópu er saga fjölmenningar. Þjóðirnar lærðu hver af annarri og tóku upp það besta í lögum, hugmyndafræði og verkmenningu annarra þjóða. Fræðsla um fjarlæg lönd og menningu fór fram í skólastofum og margir heilluðust af ýmsu, sem leiddi til þess að þeir hinir sömu lögðu lönd og álfur undir farartæki og hemisóttu framandi þjóðir og kynntu sér framandi menningu og miðluðu síðan af reynslu sinni.

Sú fjölmenning sem hér er lýst er allt annað en hugtakið fjölmenning þýðir nú. Í dag byggir fjölmenning vinstri elítunar og íslömsku yfirráðahyggjunar á því að menning og gildismat nýrra minnihlutahópa sé sambærileg menningu og gildismati meirihlutans. Það þýðir að meirihlutinn getur ekki búist við því eða vænst þess að minnihlutahópurinn taki tillit til menningar meirihlutans. Það felur um leið í sér að meirihlutinn verður að þola afstöðu og gjörðir, sem meiri hlutinn hafnar eins og í tilviki Evrópu í dag hvað varðar múslima. Fjölmenningarhugmyndin í dag segir að lítilsvirðing múslima og ofbeldi gagnvart konum og virðingarleysi fyrir þeim sem aðhyllast aðrar trúarskoðanir, sé hluti fjölmenningarinnar, sem okkur beri að láta afskiptalausa. Þeir sem leyfa sér að hafa aðra skoðun eða menningu minnihlutahópsins eru sakaðir um rasisma eða hatursumræðu. Í tímans rás hefur þessi fjölmenningarhugmynd lamað skynsamlegar umræður um innflytjendamál. Þessi skilgreining fjölmenningar og vígorðið sem þetta hugtak er orðið í dag, er fjandsamlegt þjóðlegri menningu og þjóðlegum gildum.

Við sem höfnum þessari fjölmenningar skilgreiningu teljum nauðsynlegt að það sé sameiginleg menning, sem er í menntakerfinu, vinnureglum og velferðarkerfi og framkvæmd laga. Það er ekki til að refsa fólki sem er í minnihluta, heldur til að tryggja að allir geti tekið fullkominn þátt í þjóðfélaginu og séu jafnir fyrir lögunum.

Fjölmenningartrúboðum nútímans annaðhvort sést yfir þá staðreynd eða vilja ekki viðurkenna að það er stór hópur af velmenntuðu fólki sem aðhyllist Íslam og er ákveðið að troða því frumstæðasta sem þar er að finna fyrst upp á aðra múslima og síðan ef þeir geta upp á samfélagið allt. Að hafna þeirri fjölmenningu er ekki rasismi heldur heilbrigð skynsemi.

Afsökunin fyrir því að gera ekki neitt er óskin um að fá að lifa í friði óáreittur. En lífið er barátta og hver tími býður upp á ný tækifæri og nýjar ógnir. Fólk verður að vera reiðubúið til að bregðast við hvoru tveggja af einurð og skynsemi ef vel á að fara.  Nú steðjar að ógn nýrrar heildarhyggju, Íslamismans, sem verður að bregðast við. Það er áskorun sem við stöndum frammi fyrir.

Við erum rík þjóð, sem hefur tekið og tekur vel á móti fólki af mismunandi trúarbrögðum. Við erum öll jöfn fyrir lögunum og lögin verða að taka á öllum með sama hætti. Íslenskur borgari sem hvetur til glæpa eða fremur þá, á að þola refsingu án þess að trú hans eða uppruni skipti máli. Sérhvern Íslending sem reynir að grafa undan íslenska ríkinu og íslenskri þjóðmenningu ætti að ákæra fyrir landráð. Við getum ekki eftirlátið fólki að fara eftir þeim lögum sem því hentar og brjóta önnur, til að þjóna furðuhugtakinu "fjölmenning". Við bjóðum fólki úr öðru menningarlegu umhverfi velkomið til landsins, en við krefjumst þess að það aðlagist samfélaginu og fari að lögum okkar og siðum.

Góð fjölmenning er allt annað en það inntak sem lagt er í orðið fjölmenning í dag. Góð fjölmenning er sú að kynna sér menningu og siði annarra og nýta eftir föngum. Sú fjölmenning sem grefur undan siðum og reglum þjóðfélags okkar eins og fjölmenningarpostular opinberrar umræðu á ljósvaka- og öðrum fjölmiðlum boða, er fjölmenning sem leiðir til menningarlegrar uppgjafar íslensku þjóðarinnar. Þá mun þjóðin týna tungu sinni og menningu. Eru gælur við hugtakið fjölmenningu á forsendum minnihlutahópa þess virði að við glötum íslenskri þjóðmenningu og kristilegum gildum?"

Betur hefur ekki verið skrifað um fjölmenningu það ég hef séð. Ég vona að sem flestir geti tileinkað sér þessa skilgreiningu Jóns á þessu skrumskælda hugtaki sem er notað af GGF gegn okkur hinum af því að það heldur að við skiljum það ekki.

Þetta er alveg eins og þegar kommarnir reyndu að troða á okkur díalektískri efnishyggju í gamla daga með vorkunnarsvip vegna þess hve heimskir við hinir vorum. En án þess að skilja hugtakið sjálfir. Það þurfti Hannes Hólmstein Gissurarson til að greina þetta hugtak og reka ofan í þá og þá kom í ljós að þeir höfðu ekki hugmynd um hvað þetta fyrirbrigði var. Þeir höfðu aldrei lesið fræðin sem ekki var von því þau voru svo vitlaus. Þeir lásu bara kilina á bókunum meðan Hannes las allt bullið og rak það svo ofan í þá. Eftir það hættu þeir kommarnir með allt vísindabull í kring um kommúnismann sem brátt sannaði sitt rétta eðli og þeir sögðust aldrei hafa verið kommar heldur kratar.

Ég sá svo að Jón var ekki dús við textann þegar ég lýsti atburðum á Landsfundi þannig að forystan hefði gólað á þá "rasistana Jón og Gústaf Níelsson" Fannst eins og ég væri að að kalla þá þetta. Klaufalega orðað kannski en klaufalegar skilið.

Ég var bara að vísa til þess sem þetta lið kallar okkur alla sem reynum að andæfa. Mér er slétt sama sjálfum. En mér er ekki sama ef Jón verður fúll út í mig, sem skipar háborð vina minna og þykir leitt að þetta megi svona skilja.

Greinin að framan sannar það, að Jón er hvorki rasisti né fasisti heldur húmanisti af vandaðri gerð sem ber hag lands og þjóðar fyrir brjósti.Sannur Íslendingur eins og þeir eru báðir hann og Gústaf eins og þeir gerast bestir.

Fjölmenning er hugtak sem menn verða að skilja áður en þeir nota það.

 


« Síðasta færsla | Næsta færsla »

Athugasemdir

1 Smámynd: Valdimar Samúelsson

Halldór þetta var góð grein hjá Jóni og gott mál að rifja hana upp aftur. Ég hef oft spurt þessa spurningu. Hver og hvenær var samþykkt á alþingi eða annarstaðar að Island yrði fjölmenninga þjóðfélag. Menn hreykja sig og segja að þessi fjölmenning muni bjarga menningu okkar. Ég vil minna á það að ekkert Arabískt land sýnir hvort öðru vináttu og hefir aldrei verið og það er ekki heldur friður milli landa sem tilheyra Íslam. 

Valdimar Samúelsson, 21.1.2016 kl. 09:21

2 Smámynd: Halldór Jónsson

Satt segirðu Valdimar. Veistu hvað mér datt í hug þegar ég las innslagið frá þér. Þetta er bara eins og maður setti Borgarstjórnarmeirihlutinn í stað Arabískt land þá sér maður hliðstæðu. Innan vinstri manna er aldrei friður innbyrðis og þeir eru alltaf í bardaga eins og Dagur og Hjálmar eru við íbúa Reykjavíkur, hvort eru ellismellirnir í Vesturbænum, foreldrar skólabarna, húsbyggjendur, bílaeigendur eða vegnjulegt fólk  sem þarf að losna við ruslið sitt. Allt skal lamið og barið. Óli borgarstjóralæknir lýsti því á útvarpi Sögu hvernig þau Dagur, Björk og þeir vinstri menn hefðu lagt sig í einelti í borgarstjórninni sem sýnir innrætið í þessu liði.Þetta líkist mest panarabisma sem berst innbyrðis og útávið við öll tækifæri.

Halldór Jónsson, 21.1.2016 kl. 11:47

3 Smámynd: Einar Karl

Það eru engin múslimagettó í Evrópu sem lögreglan fer ekki inn í og þar sem Sharíalög eru æðri landslögum. Þessu var haldið fram á FOX News í fyrra en reyndist tóm vitleysa. Fylgdist þú ekkert með umræðu um þetta?

Prófaðu að gúggla "No go zones" myth. Eða biddu barnabörnin að hjálpa þér ef þú kannt ekki að gúggla.

Einar Karl, 21.1.2016 kl. 11:47

4 identicon

Stokkholmur, Gautaborg, Kaupmannahofn, Paris, Brussel og London.

Allt borgir med muslimagettoum sem logreglan fer ekki inn i nema

med sersveit. Thar eru einnig sharialog radandi. Fra hvada

planetu kemur thessi Einar Karl.?

Talandi un olaesi. Honum ferst all hrapalega.

Sigurdur Hjaltested (IP-tala skráð) 21.1.2016 kl. 12:59

5 identicon

það gleymist líka oft hvernig kristnum mönnum er mismunað í þeirra löndum, hvað segja fjölmenningarsinnar við því? Nýjast var að þeirra sprengdu kristið klaustur við Mosul frá árinu 500 í loft upp, eitt elsta klaustrið á þessu svæði. Það kemur aldrei tíst frá þessum fjölmenningarsinnum um þau mál, kristnir flýja Mosul í Írak, kristnir Armenar minntust að 100 ár eru liðin frá þjóðarmorði á þeim í fyrra en ekkert kemur frá fjölmenningarsinnum. Gildir fjölmenning kannski bara í eina áttina, kristnir eiga að hýsa heimsins þjóðir? 

brjánn (IP-tala skráð) 21.1.2016 kl. 14:03

6 Smámynd: Predikarinn  -  Cacoethes scribendi

Einar Karl

Það vvoru til dæmis fréttir í nokkrum þýskum fjölmiðlum í haust sem voru einnig endurfluttar í íslenskum fjölmiðlum að löggæslumenn þyrðu ekki inn í ákveðin gettó eða hverfi af þessum sökum. Hætrtu þessu Biedermannheilkenni sem þú ásamt GGF er haldið.Get a grip!

Predikarinn - Cacoethes scribendi , 21.1.2016 kl. 14:31

7 Smámynd: Einar Karl

Sigurður Hjaltested. Nei. Þetta er einfaldlega ekki satt. Ég þekki fólk í ÖLLUM þessum borgum og þekki vel til í a.m.k. þessum sænsku borgum. Þar eru ENGIN slík hverfi þar sem lögreglan hættir sér ekki inn í. Hvað þá að þar gildi Sharia-lög.

En EF svo er hlýtur þú að geta bent á eina TRAUSTA heimild fyrir því.

Lesið þetta: http://www.snopes.com/politics/religion/nogozones.asp

Einar Karl, 21.1.2016 kl. 16:30

8 identicon

Þetta er ábyggilega bara áróður og lýgi...

http://news.investors.com/ibd-editorials/110514-725124-sweden-cedes-control-of-muslim-areas.htm

Sjálfur búin að búa í París í tæp 3 ár og upplifað það sama.

Brussel er einna verst hvað þetta varðar og Kaupmannahöfn á

eftir.

http://10news.dk/?p=1369

Einar, fara að vakna. Þetta er búið að vera meira og minna í

fréttum síðast liðin 5 ár hið minnsta.

Annars veit ég ekki hvað gleraugu þú ert að nota, en þau hljóta

að vera blind.

Sigurður K Hjaltested (IP-tala skráð) 21.1.2016 kl. 17:16

9 identicon

Sælir - Halldór, og aðrir gestir, þínir !

Einar Karl !

Hún er með eindemum: bíræfni þín, að afneita þeim staðreyndum, sem fram hafa komið / og eru að koma:: dags daglega, um óhæfu lifnað þessarra SKÍTHAUGA gerpa - hinna Múhameðsku, sem ótal dæmin eru um.

Múhamðska packið - er NÁKVÆMLEGA samsvarandi öðrum áþekkum, Kommúnistum og Nazistum, sem við var að etja, fyrr: á tíð.

Reyndu að fara að rumska: til ívið betri vitundar, Einar Karl !

Með beztu kveðjum sem endranær - fremur þurrum, til Einars Karls, og annarra: honum viðlíkum /

Óskar Helgi Helgason (IP-tala skráð) 21.1.2016 kl. 18:22

10 Smámynd: Ómar Bjarki Kristjánsson

Eg held það sé vanmetið hve útlendingafóbíuskrif Mogga hafa mikil áhrif á eldra fólk aðallega.

Eg held að sumt eldra fólk sé jafnvel pínulítið hrætt.  Það heldur, ef það les Mogga að staðaldri, að hér upp í fásinni sé barasta að koma þúsundir flóttamanna í hverri viku, flestir muslimar.  

Ástæða þess að útlendingafóbía kann að leggjast sæmilega í margan innbyggjann af eldri kynslóðum, er ekki síst sú, að Lýðveldið Ísland er beisiklí grundvallað á:  Ísland fyrir íslendinga.  

Grunnhugsunin á bakvið fullt sjálfstæði, sem kallað var, var einmitt ekki síst að íslendingar áttu að vera allsstaðar og ráða öllu í hvívetna.

Það gekk svo langt á sínum tíma, að danir fengu ekki einu sinni við haldist hérna að neinu ráði td. í atvinnurekstri.  Íslendingar boluðu þeim í burtu og aðallega sjallar hirtu góssið.

Ómar Bjarki Kristjánsson, 21.1.2016 kl. 19:34

11 Smámynd: Predikarinn  -  Cacoethes scribendi

ÓBK

Þarftu nánast í hvert sinn sem þú skrifar á bloggið að hafa rangt fyrir þér ? Þvílíkt og annað eins .............   surprised

Predikarinn - Cacoethes scribendi , 21.1.2016 kl. 19:57

12 Smámynd: Einar Karl

Óskar Helgi Helgason:

dapurlegt að sjá fullorðinn mann tjá sig svona. Ert þú að lýsa flóttafólkinu sem var sýnt í sjónvarpinu í gær?  Ert þú að kalla það fólk "skíthaugagerpi" og "pack"?

Er ekki í lagi hjá þér?  Hefur það fólk eitthvað gert til að verðskulda svona haturs- og fordómafull ummæli?

Ég held, Óskar Helgi, að það sért þú sjálfur sem sért andlegt skíthaugagerpi.

Einar Karl, 21.1.2016 kl. 20:11

13 identicon

Komið þið sælir - á ný !

Einar Karl !

''Flóttafólkið'' þitt: sem annarra ísmeygilegra sporgöngumanna Heimsvaldasinna, er hreinn og klár innrásarlýður - hérlendis: sem annarrs staðar í veröldinni.

Sjáðu: hvað Slavnesku þjóðirnar, sem og Ungverjar og fleirri eru að etja við, þessa dagana, t.d.  

Hjá mér - er ekki um neitt hatur að ræða á þessum mannskap: heldur og,, miklu fremur,, fullkomin andúð, á þeirri Steinaldar villimenningu, þar sem þessi lýður ber með sér, þar sem hann nær, að koma sér fyrir.

Veltu aðeins betur fyrir: Sögu aldanna Einar Karl, áður en þú tekur til við, að senda mér, eða öðrum þeim, sem ÞORUM að andæfa óskapnaðinum, hér:: á Mbl. vefnum, eða annarrs staðar: yfirleitt.

Svona - til frekari upprifjunar fyrir þig, minni ég á ártölin : 711 - 1453 - 1492 - 1526, og 1683, í sögu nágranna álfu okkar í austri (Evrópu) Einar Karl, áður en þú tekur til við, að reyna að svara mér: nokkuð frekar !

Krossferðir 21. aldar: í samvinnu við Hindúa- og Bhúddatrúar fólk, sýnist mér verða næstu skrefin, í baráttunni við villimenninguna, sunnan frá Arabíuskaganum, því miður !!!

Með - þeim sömu kveðjum, sem seinustu /   

Óskar Helgi Helgason (IP-tala skráð) 21.1.2016 kl. 20:32

14 Smámynd: Ásdís Ólafsdóttir

pabbi minn var fæddur 1913 bóndi sagði oft þegar talað var um blöndun á fólki. Ekki dettur manni í hug að blanda saman mismunandi hunda kyni.

Ásdís Ólafsdóttir, 21.1.2016 kl. 20:36

15 identicon

.... og: bæta vildi ég við Einar Karl, að full nógsamlegt verkefni er landsmönnum, að losna við:: OG YFIRBUGA þjófa bæli innlendu (innfæddu) embættis- og stjórnmála gerpanna, þó ekki séu sókt frekar til útlanda, alls lags vitbótar vandamál, aukinheldur !!!  

Sjáum - subbu- og sóðaskap: alþingis / stjórnarráðs og dómstólanna, t.d. !!!

Sem og: svonefndra lífeyrissjóða / ekki síður !!! 

ÓHH

Óskar Helgi Helgason (IP-tala skráð) 21.1.2016 kl. 20:45

16 Smámynd: Jóhann Kristinsson

Það er skammarlegt að lesa skýrslu UNICEF að nær 10% barna á Íslandi eru vannærð og jafnvel fara hungruð til hvílu á hverju kvöldi. Hvar er Góða Gáfaða Fólkið (GGF)?

Svo horfir maður á forsætisráðherrann og hans vara skeifu kissa erlenda einstaklinga og bjóða þau velkomin á Ríkisspenan. Einhverra hluta vegna held ég að börn þessa fólks fari ekki hungruð til hvílu.

Hvað hefur gerst á Íslandi, siðan ég fór frá landinu 3. janúar 1971 til náms í USA?

Hverslags óþverrar er þetta GGF?

Ég skammaðist mín þegar ég var spurður af hverju Íslendingar færu svona illa með börn af því að þau vissu hvaðan ég kom.

Einhverra hluta vegna þá er ég viss um að eitthvað af GGF reinir að afsaka það, að það séu fleirri börn sem eru vannærð í öðrum löndum. En af hverju þurfa Íslendingar að miða sig við verri aðstæður í öðrum löndum?

Fjármálaráðherra fór í síðustu viku og gaf siðspilltum Kínverskum bankalýð 2.3 miljarða króna í erlendum gjaldeyri. Hvað ættli að það hafi verið hægt að hjálpa mörgum íslenskum fátækum börnum fyrir þá peninga?

Það á að eyða 3 - 5 milljörðum á ári í erlent fólk sem er verið að hleypa á Ríkisspenan, hvað ættli að það sé hægt að hjálpa hungruðum fátækum börnum fyrir þá peninga?

Svo er Reykjavíkurborg að taka heitar máltíðir af eldriborgurm á helgum og hátíðisdögum, spara 6 milljónir á ári með því segir GGF. En það er hægt að eyða 200 milljónum í að þrengja Grensásveginn. Hvað er hægt að gefa eldriborgurm heitar máltíðir á helgum og hátíðisdögum í mörg ár fyrir 200 miljonir?

Hvað er GGF fólkið að hugsa? Er fjölmenningarvæðingin meira virði en að sjá fátækum börnum og öldruðum fyrir mat?

Kveðja frá Houston

Jóhann Kristinsson, 21.1.2016 kl. 22:18

17 Smámynd: Ómar Bjarki Kristjánsson

Ps.  Það er nefnilega svo stutt síðan að svokallað lýðveldi var komið á.  Eldra fólk man þetta vel og fyrstu árin á eftir.mÍsland sem lýðveldi var stofnsett sem einsleitt samfélag norræna afleggjarastofnsins sem einangraðist hér í denn.  Því var bókstaflega haldið að fólki á sínum tíma.  Einsleitninni.  Heyrðu!  Þeir útrýmdu meir að segja mállýskum!  Þetta er ótrúlegt að lesa, - en samt satt.   Þessegna eru engar mállýskur á Íslandi.  Þeim var útrýmt!  Gott að hafa til hliðsjónar dani að þessu leiti.  Í Danmörku eru ótal mállýskur og kemur það mörgum innbyggja hér uppí sjallafásinni á óvart.

Ómar Bjarki Kristjánsson, 22.1.2016 kl. 08:46

18 Smámynd: Einar Karl

Jóhann,

lestu UNICEF skýrsluna. Þar er EKKI talað um að 10% barna séu vannærð á Íslandi, heldur að hópur barna "búi við skort" en það getur skv. skýrslunni þýtt að t.d .barn eigi ekki tvenn skópör sem passa, búi við þrengsli, o.fl.

Við getum og eigum ða draga úr því, en við getum auðvitað LÍKA tekið við flóttamönnum sem flýja stríð og hörmungar. 

Einar Karl, 22.1.2016 kl. 09:48

19 Smámynd: Einar Karl

Ásdís Ólafsdóttir, fólk er ekki hundar. Fólk af ólíkum uppruna og með ólíkan húðlit er ekki ólíkar hundategundir. En með þessum sömu rökum afa þíns voru áður fyrr í gildi í Bandaríkjunum (og eflaust víðar) lög sem bönnuðu t.d. hjónabönd svartra og hvítra. Ekki fyrr en árið 1967 kvað Hæstiréttur Bandaríkjanna endanlega upp úr að slík lög væru brot á stjórnarskrá. Þau lög þykja skammarleg í dag. Við vitum betur nú en árið 1913.

Einar Karl, 22.1.2016 kl. 09:54

20 Smámynd: Ómar Bjarki Kristjánsson

Þetta er samt mikilvægt innlegg hjá Ásdísi, að mínu mati.

Þetta var viðhorfið.  Það má greina enn þetta viðhorf ef talað er við eldra fólk.

Ísland var náttúrulega landbúnaðarsamfélag og stutt síðan að eiginlega allir voru í landbúnaði.

Fólk í landbúnaði þekki vel til stofna, ræktunnar o.s.frv. sbr. Séra Guðmundarkynið.

Þetta viðhorf náði líka til mannstofnsins.  Sumir hámenntaðir menn hér uppi voru að tala um mannkynbætur o.s.frv.  Hámenntaðir.

Þetta er eldra fólk núna alið upp við.

Svo er Mogginn að hræða það með allskynns draugasögum og ekki bætir ÚS málið. 

Ómar Bjarki Kristjánsson, 22.1.2016 kl. 10:15

21 Smámynd: Halldór Jónsson

Ásdís gamla vinkona úr íhaldinu,

Þeir kommarnir eru nu ekki aldeilis á því að Mendelslögmálið gildi um fólk alveg eins og hunda. Þó hef ég tekið eftir því að stjórnmálaskoðanir og líka lífsstíll leggjast stundum í ættir.

Þeir voru nú nátturuglöggir bræðurnir á Hrauni

Halldór Jónsson, 22.1.2016 kl. 11:50

22 Smámynd: Halldór Jónsson

Nú skil ég loksins skrifin hans Einars Karls sem var búinn að loka inni bloggsíðu okkur til mikilla vonbrigða. Nú er hann kominn aftur en flettingar á síðunni hans eru í lágmarki af hverju sem það er nú. En þá kemur hann á meira lesnar síður með boðskap sinn. Og hver er boðskapurinn núna? Jú, héer er síðasta færslan hjá honum þar sem hann skýrir endurkomu sína svofellt:

"g hef ákveðið að endurvekja a.m.k. um sinn þessa bloggsíðu úr dvala til að skrifa um mikilvægt mál.

Ég rakst hér á svo svæsinn hatursáróður að mér blöskraði og tel fulla ástæðu til vara við þeim málflutningi sem viðgengst hér á sumum bloggsíðum.

Þegar nasistar vildu afmennska gyðinga og magna upp andúð gegn þeim og hatur, kölluðu þeir þá andstyggilegum ókvæðisorðum eins og afætur og sníkla.

Þegar Hútú-leiðtogar vildu magna upp hatur gegn Tútsíum í Búrúndí og Rúanda voru notuð orð eins og afætur og sníklar.

OG þessi orð - afætur og sníklar - eru notuð nú fyrir nokkrum dögum íbloggpistli á síðu Valdimars Jóhannessonar, í grein sem hann þýddi og birti af amerískri hatursboðskapssíðu.  Á síðu Valdimars eru þessi orð notuð um múslima. Þau eru notuð til að kynda undir ótta og óvild. Þau eru notuð til að auka HATUR.

Ég reyndi að rökræða við Valdimar í athugasemdum við pistil hans en hann nennti ekki að ræða við mig og eyddi út athugasemdum frá mér. Svo gerist það að bloggarinn Halldór Jónsson endurbirti sömu ljótu greinina.

Valdimar Jóhannesson og Halldór Jónsson eru að nota bloggsíður sínar hér á Moggabloggi til að dreifa hreinum og ómenguðum hatursáróðri. Þetta eru bloggarar sem fleiri hundruð lesa á hverjum degi.

Valdimar og Halldór dreifa hatursáróðriÞeir boða hatur. Skrif þeirra eru líklega brot á 233. grein hegningarlaga.

Ég vil ekki beita mér fyrir því að þagga niður í rasistum og hatursveitum, en slík skrif eiga heldur ekki að fá að birtast athugasemdalaust.

Morgunblaðið verður svo sjálft að gera upp við sig hvort slíkur hatursáróður sé í lagi á bloggsíðum mbl. "

Með endurkomunni hefur hann frelsi til að dreifa skrifum sínum svo að eftir verði tekið.  Með pistlinum birtir hann stórar myndir af okkur Valdimari, líklega hefur hann ekki átt mynd af Hitler.

Halldór Jónsson, 22.1.2016 kl. 11:57

23 identicon

"Nei. Þetta er einfaldlega ekki satt. Ég þekki fólk í ÖLLUM þessum borgum og þekki vel til í a.m.k. þessum sænsku borgum. Þar eru ENGIN slík hverfi þar sem lögreglan hættir sér ekki inn í. Hvað þá að þar gildi Sharia-lög."

http://www.svd.se/55-no-go-zoner-i-sverige-minner-om-parallellsamhallen_4051399

http://swedenreport.org/2015/05/18/police-yes-there-are-no-go-zones-in-sweden/

Nafnlaus (IP-tala skráð) 22.1.2016 kl. 17:03

24 identicon

Svona til að undirstrika síðasta innleggið, þá er franska sjónarhornið hér, en Frakkar hafa mikla reynslu í þessum efnum: 

http://www.gatestoneinstitute.org/5128/france-no-go-zones

þessi svæði eru til og ástæðulaust að afneita raunveruleikanum eins og hann kemur fyrir.

jónas (IP-tala skráð) 22.1.2016 kl. 18:24

25 Smámynd: Jóhann Kristinsson

Einar karlgreyið er í afneitun eins og allt GGF, en að hóta bloggurum tveggja ára fangelsi af því hann er ekki sammála bloggurum, er einum og langt gengið.

Kveðja frá Houston

Jóhann Kristinsson, 22.1.2016 kl. 19:36

26 identicon

Fjölmenning getur verið góð ef vel er að staðið, og aukið víðsýni og sannmenntun, en það verður aðeins þegar rétt er að staðið og um samhæfanlega hópa sem búa yfir gagnkvæmri virðingu í garð hvers annars er að ræða. Gettóvæðing þar sem engin menningarleg blöndun er að eiga sér stað, heldur gagnkvæm andúð og ofstopi er ekki jákvæð. Við getum ekki litið framhjá því að mikill fjöldi hatursfullra manna býr á Vesturlöndum, menn eins og þessi sem er að hrella sænska ellilífeyrisþega í strætisvagni https://www.youtube.com/watch?v=r1ohcGIi-y4 Við þurfum að breyta kerfinu með betra bakgrunnstékki svo við fáum bara inn fólk sem er mjög ólíklegt að styðja hryðjuverk og breyta því einnig á þann veg að mönnum sem gerast sekir um svona hegðun eða aðra skuggalega hegðun sem gefur í skyn hatur á innfæddum eða einhverjum öðrum hópi innflytjenda í samfélaginu sé tafarlaust vísað úr landi, ekki á að veita varanlegan ríkisborgararétt nema að löngum tíma liðnum, en á meðan má samt veita sama aðgang að sjúkrahúsum og svo framvegis. Það þarf líka að breyta lögunum á þann veg að hér sé tilkynningaskylda þegar fólk verður vitni að undarlegri hegðun, og þeim fylgt fastar eftir en til dæmis barnaverndarlögum sem í raun skipa okkur líka að tilkynna um misnotkun. Annars fáum við fjölda fleiri sorgleg dæmi eins og það sem gerðist nýlega í Bandaríkjunum, að öfgasinnað par myrti tugi manna. Nágrannarnir voru hræddir við þau og fannst þau skuggaleg en létu yfirvöld ekki vita af ótta við að vera talin rasistar: http://www.dailymail.co.uk/news/article-3344736/Neighbors-Saudi-husband-wife-San-Bernardino-shooters-noticed-acting-suspiciously-did-NOT-report-fear-racial-profiling.html Það þarf að gera svona heigulshátt og ótta um eigið mannorð ólöglegan, þegar hann getur verið á kostnað annarra, og koma upp samfélagi þar sem slíkir nágrannar fá jafn þungan dóm og morðingjarnir fyrir að hafa ekki tilkynnt verknaðinn. Ef við breytum lögunum á skynsamlegan hátt og stöndum betur að því að velja inn fólk og taka eins vel á móti því sem á skilið að búa hér og kostur er þarf enginn að óttast fjölmenningu og hún verður bara auðgandi á allan hátt fyrir samfélag okkar. Menning er lifandi hlutur í þróun og það á ekki að óttast þróun. 

Sigurður (IP-tala skráð) 22.1.2016 kl. 20:21

27 identicon

Viljið þið hætta að blanda litarhætti manna inn í umræður um menningarmismun. Það gera ekki nema rasistar sem blanda þessu saman.

Einar (IP-tala skráð) 22.1.2016 kl. 20:54

28 identicon

Athugasemd beind til þeirra sem blanda viðhorfum til hjónabandra svartra og hvítra inn í umræðuna og annað sem er óskylt. Að blanda kynþáttahatri inn í umræðu um áhyggjur af menningarárekstrum er að normalisera kynþáttahatur.Þessi ruglingur veldur líka því að svona fólk eins og hjónin í Bandaríkjunum sem var minnst af hér fyrir ofan verður til og sekt þeirra mikil sem vilja þöggun um öryggismál.

Einar (IP-tala skráð) 22.1.2016 kl. 20:57

29 Smámynd: Ómar Bjarki Kristjánsson

Fyrst byggði fasistar og rasistar sínar kenningar og upplegg aðallega á líffræðilegum rökum.  Síðan menningarlegum.

Ómar Bjarki Kristjánsson, 22.1.2016 kl. 20:58

30 identicon

Kynþáttahatur er ennþá til og er ennþá að myrða fólk. Bara lítill hluti sturlaðra einstaklinga aðhyllist kynþáttahatur. Margir hafa áhyggjur af sambúð við fólk af annarri menningu. Að rugla saman þessum hlutum, ruglar saman áhyggjum hinna mörgu við hatur hinna fáu. Það hefur mikil áhrif á menn með lélega greind, sem eru stór hluti þjóðarinnar, og eykur hættuna á endurkomu kynþáttahaturs og ætti því að vera saknæmt athæfi. 

Einar (IP-tala skráð) 23.1.2016 kl. 02:43

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Halldór Jónsson
Halldór Jónsson

verkfræðingur, flugdellukall, tennis-og badmintonspilari

-ekki góður í neinu af þessu-

Heimsóknir

Flettingar

  • Í dag (29.3.): 1
  • Sl. sólarhring: 5
  • Sl. viku: 44
  • Frá upphafi: 3417961

Annað

  • Innlit í dag: 1
  • Innlit sl. viku: 41
  • Gestir í dag: 1
  • IP-tölur í dag: 1

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband