Al Gore

er búinn að græða vel á dómadagsspám sínum um hlýnun af mannavöldum.

Það eru nú 3 ár síðan jöklar áttu að heyra sögunni til samkvæmt útreikningum þessa vísindamanns.

Fjörtíuþúsund fífl í París trúðu samt öllu eins og nýju neti sem frá þessari stjörnu kemur. Allir nema Kínverjar eiga að minnka hagvöxt til þess að draga úr losun CO2.

Reykvískir skattgreiðendur þurfti að borga undir Dag Bé. og hjörðina hans til Parísar. Á meðan lýsir Óli Borgarstjóralækir því hvernig einelti Dags og meðreiðarsveina hans hefði bitnað á heilsu sinni þegar verst gegndi. Eru læknar læknum verstir spyr maður sig? Hann nefndi einnig Björku Vilhelmsdóttur sem hrekkjusvín við sig. Þetta gengi er aldeilis búið að taka til hendinni í heimsbúskapnum á meðan það slær 700.000 kall á klukkutímann 24/7/365.

Nú verður Grensásvegurinn þrengdur til að greiða fyrr umferðinni og spara útblástur eins og Hofsvallagatan og Borgartúnið. Á meðan keyra bílstjórar í svig á götunum til að forðast að lenda í holunum í malbikinu.

Mér finnst upplagt að bjóða Al Gore hingað á kostnað skattgreiðenda í Reykjavík og láta hann segja okkur frá nýjustu kenningum sínum í loftslagsmálum.

Athugasemdir

[Helgi Armannsson (IP-tala skráð) 25.1.2016 kl. 05:26]

nei Halldór eru hitatrúar menn ekki bunir að fá nóg af því að lata hafa sig að fíflum

[Ómar Ragnarsson, 25.1.2016 kl. 08:42]

Það er stórfrétt hjá´þér að nokkur maður hafi nokkurn tíma spáð því að allir jöklar yrðu horfnir á þessu ári.

Væri ómaksins vert að upplýsa frekar um það?