Leita í fréttum mbl.is

Formaður VG Forseti?

Katrín Jakobsdóttir leiðir frambjóðendur afgerandi sem næsti Forseti Íslands.

Hún er formaður í VG-grænu framboði. Hún tók við af Steingrími J. Sigfússyni sem var formaður kvöldið fyrir kjördag 2009.

Hlustið á myndbandið hér á eftir:

Steingrímur J. Sigfússon sveikst aftan að þjóðinni með kosningaloforði sínu í Sjónvarpi kvöldið fyrir kjördag 2009 (myndband afhjúpar hann!)

Greypileg kosningasvik formanns VG og leiðitamra í flokki hans varðandi umsókn um inngöngu í Evrópusambandið sitja enn í mörgum. Hefur pólitíkus nokkurn tímann tekið U-beygju jafn-hratt og gróflega fyrir ráðherrastóla?

Orð Steingríms J. Sigfússonar hér á eftir eru á tæru: hvernig hann narraði þjóðina með eindregnu kosningaloforði fyrir maíkosningarnar 2009 um að fara EKKI í aðildarviðræður, en sneri algerlega við blaðinu með þátttöku sinni og annarra í VG í ESB-umsókn Össurar og Jóhönnu strax þá um sumarið. Sjáið þetta afhjúpandi hálfrar mínútu myndband, daginn fyrir kosningarnar 2009:

https://www.youtube.com/watch?v=AIBuEnFQ6ac

Hver getur nokkurn tímann trreyst kommúnistaflokki sem hefur þannig formann. Tilbúinn að selja hvað sem er fyrir eigin vegtyllu. Svo heldur hann því líka fram í alvöru að hann hafi bjargað þjóðinni!! Það eina sem er alveg öruggt er að hann bætti myndarlega við tekjustaflann og eftirlaunin sjálfs sín.

Katrín Jakobsdóttir er arftakinn. Er hún ekki meðábyrg þegar hún greiddi alltaf atkvæði með formanninum? Hefur flokkurinn VG eitthvað breyst? Er þetta ekki sama fólkið og þá?

Eiga kjósendur auðvelt með að gleyma þessu?

Nógu auðveldlega til þess að fimmti hver kjósandi styðji Katrínu Jakobsdóttur til embættis Forseta Íslands? 

Hver treystir VG eða formanni þess flokks?


« Síðasta færsla | Næsta færsla »

Athugasemdir

1 identicon

Ekki ég. Fljótsagt, þótt ég þekki hana nú og finnist þetta vera vænsta manneskja út af fyrir sig. Það er bara ekki nóg. Ég get ekki séð neinn þeirra, sem nefndir hafa verið til þessa, fyrir mér sem forseta. Þegar var verið að segja frá portúgalska forsetanum, þá datt mér í hug, hvort ekki mætti finna einhvern þjóðhollan lögmann í embættið. Ég veit bara ekki, hver það ætti að geta verið. Ég get ekki hugsað mér að kjósa neinn þeirra, sem nefndir hafa verið, svo að ég vona, að fleiri komi fram áður en lýkur.

Guðbjörg Snót Jónsdóttir (IP-tala skráð) 25.1.2016 kl. 14:29

2 identicon

Ef mig misminnir ekki þá hefur Katrín margsinnis sagt að hún hyggst ekki bjóða sig fram til forseta Íslands, ekki frekar en ég.  Þessar vangaveltur almennings eru reistar á sandi.  Þannig er háttur Íslendinga, þeir nærast á tittlingaskít og gróusögum.

Hilmar (IP-tala skráð) 25.1.2016 kl. 18:19

3 Smámynd: Anna Sigríður Guðmundsdóttir

Halldór. Þegar maður hefur fylgst með stjórnmálum og dagblaða/fjölmiðlaumræðum í tæplega áratug, sem stýrt hefur verið, og er enn, af valdhöfum fjölmiðla, lánshæfismatsfyrirtækja og fjármálafyrirtækja, þá er auglýsinga-blekkingaleikrit fjölmiðlavaldhafa alveg augljós.

Katrín Jakobsdóttir er hvorki betri né verri en aðrir blekktir/kúgaðir þingmenn/ráðherrar.

Mjög lengi hefur Katrín Jakobsdóttir verið á auglýsinga-forréttindalista forsetaframbjóðenda allra fjölmiðla, þrátt fyrir að hafa svikið öll stærstu kosningaloforð frá árinu 2009?

Á hvaða lýðræðisgrunni byggist fjölmiðlastýrða skoðanakönnunar-traustið á Katrínu Jakobsdóttur til að sitja á forsetastóli Íslands?

Það er ekki til neins að kjósa lýðræðislega, þegar baktjaldahönnuðir kúgunarafla undirheima-fjármálaspillingarinnar banka/lífeyrissjóðastýrðu, hanna, sérsníða, og auglýsa atkvæða-skoðanakannanir í gegnum opinbera valdafjölmiðla.

Ég trúi ekki öðru en að þú vitir hvernig baktjaldakaupin gerast á eyrinni Halldór minn, því þú ert greinilega ekki fáfróður nýgræðingur í pólitíkinni á Íslandi.

M.b.kv.

Anna Sigríður Guðmundsdóttir, 25.1.2016 kl. 19:59

4 Smámynd: Ómar Ragnarsson

Það væri næstum því hægt að skipta um nafn og láta lýsinguna á Kartínu passa við Ólaf Ragnar Grímsson, þegar hann bauð sig fram til forseta.

Þá sögðu hægrimenn að Ólafur væri nýbúinn að vera formaður "kommúnistaflokks" sem hefði margsvikið loforð um að reka herinn úr land með kjörorðinu "Ísland úr NATO - herinn burt!", minntu á framgöngu hans sem "Skattmanns" og hvers kyns ógagn, sem af honum hefði orðið.

Formaður Sjálfstæðisflokksins hét því opinberlega að verða aldrei háður honum að einu eða neinu leyti.

Nú má sama fólk varna vatni halda af hrifningu á hinum sama Ólafi Ragnari.

Það var haft á móti bæði Vigdísi og Kristjáni Eldjárn að þau væru harðsoðið vinstra fólk, og Vigdísi velt upp úr því að hún hefði tekið þátt í Keflavíkurgöngu með kjörorðinu "Ísland úr NATO og herinn burt!"

Nú segjast margir þessara sömu sakna Vigdísar úr forsetastóli.

Ómar Ragnarsson, 25.1.2016 kl. 20:40

5 Smámynd: Jóhann Kristinsson

Gott að þú segir margir Ómar sem sakna Vigdísar, en ég er ekki einn af þeim.

Vigdís atti auðvitað aldrei að verða forseti, þá værum við ekki klessuverk ESB sem kallað er EES.

Kveðja fráHouston

Jóhann Kristinsson, 25.1.2016 kl. 21:25

6 Smámynd: Jóhann Elíasson

Mikið óskaplega er ég sammála Guðbjörgu Snót og tek undir hvert orð hennar, nema það að ég þekki ekki til Katrínar Jakobsdóttur og get ekki dæmt um það hvort hún er vænsta manneskja eða ekki.  Ég vil stinga upp á hinum sköruglega lögmanni Jóni Steinari Gunnlaugssyni í embætti forseta Íslands.

Jóhann Elíasson, 25.1.2016 kl. 22:03

7 Smámynd: Anna Sigríður Guðmundsdóttir

Jóhann. Tek undir orð þín um að fá Jón Steinar Gunnlaugsson í forsetann, eða einhvern álíka sköruglegan og almenningsálits-ófælinn einstakling. Jón Steinar Gunnlaugsson er þó ekki neitt fullkominn að mínu mati, en hefur þó þann heiðarlega hugsjóna-kjarnakraft sem svo marga skortir í veruleikans raunheimum.

Þeir lögmenn á Íslandi eru of fáir, sem ekki óttast Dómaramafíuna brokkgengu og ó-lögverjandi.

M.b.kv.

Anna Sigríður Guðmundsdóttir, 25.1.2016 kl. 23:46

8 Smámynd: Elle_

Mér finnst skrýtið að heyra talað um Katrínu í einu orði og forseta í hinu.  Katrínu var aldrei treystandi sem stjórnmálamanni og væri ekki treystandi sem forseta.  Líka væri óhugsandi að forsetinn væri ekki fullveldissinnaður.  Hvað væri hann þá að gera í forsetaembætti fullvalda ríkis?

Elle_, 25.1.2016 kl. 23:48

9 Smámynd: Jósef Smári Ásmundsson

Voru þetta þá mistök að kjósa Ólaf Ragnar Grímsson- fjórum sinnum í röð? Hvað er að vera fullveldissinnaður ELLe?

Jósef Smári Ásmundsson, 26.1.2016 kl. 06:23

10 Smámynd: Halldór Jónsson

Forsetinn þarf að gera fleira en að vísa Icesave í þjóðaratkvæði. Hann þarf að brosa, vera flottur að tala við aðra þjóðhöfðingja. kunna að borða með hníf og gaffli, kunna að veraa kurteis, kunna að drekka(helst ekki), reykja ekki, vera sporty typa eins og Pútín. Kunna allir frambjóðendur þetta allt?

Halldór Jónsson, 26.1.2016 kl. 08:24

11 Smámynd: Elle_

Nei það voru engin mistök að kjósa Ólaf, Jósef, það er enginn sambanburður þarna.  Og hann var kosinn 5 sinnum í röð.  Seinni spurningunni ætla ég ekki að hafa fyrir að svara.

Elle_, 26.1.2016 kl. 08:42

12 identicon

Ég man eftir flenni stórum auglýsingum í Morgunblaðinu rétt fyrir forseta kosningarnar 1996, þar réðst íhaldið á Ólaf Ragnar og hann kallaður refur í sauðsskinnsgæru og margt fleira.

Jóhann, forsetaframbjóðandi þarf helst að vera óumdeildur eins og t.d Þóra Arnljótsdóttir. Að láta sér detta í huga Jón Steinar Gunnlaugsson er skortur á hugmyndaflugi eða jafn vel stórhættulegt hugmyndaflug.

Helgi Jónsson (IP-tala skráð) 26.1.2016 kl. 12:11

13 identicon

Þóra Arnórsdóttir var varla óumdeild heldur. Ég gæti alveg eins séð fyrir mér Guðna Ágústsson eða Kristínu Ingólfsdóttur, fv. háskólarektor. Þau mundu bæði sóma sér vel í embættinu, og bæði vel þjóðholl. Hver er annars ekki umdeildur í henni veröld? Ég þekki fáa, sem eru ekki umdeildir. Það má finna allt að öllum, ef vel er að gáð, ykkur líka, sem skrifið á þessa síðu. Sá einstaklingur, sem á að gegna forsetaemætti, þarf fyrst og fremst að vera þjóðhollur og njóta virðingar hvarvetna. Annars er ég sammála þeim, sem segja, að það sé brýnt að breyta reglunum um forsetakjör, því að það gengur alls ekki, að forseti hafi ekki meirihluta þjóðarinnar á bak við sig.

Guðbjörg Snót Jónsdóttir (IP-tala skráð) 26.1.2016 kl. 14:56

14 Smámynd: Elle_

Forseti má alveg vera umdeildur.  Færustu forsetarnir væru oftar en ekki það.  Sammála Jóhanni Kristinssyni og Guðbjörgu Snót um hæfan lögmann í embættið.  En lögmenn eru oftar en ekki umdeildir.  

Elle_, 26.1.2016 kl. 19:22

15 Smámynd: Elle_

Fyrirgefðu Jóhann Elíasson, það varst þú sem varst að tala um lögmann í embættið.

Elle_, 26.1.2016 kl. 23:59

16 Smámynd: Anna Sigríður Guðmundsdóttir

Helgi Jónsson (IP-tala skráð). Hvers vegna er það skortur á hugmyndaflugi og stórhættuleg hugmynd að láta sér detta í hug að Jón Steinar Gunnlaugsson færi í forsetaframboð?

Ég er svo rosalega forvitin manneskja, og ég get varla beðið eftir rökstuddri réttlætanlegri útskýringu frá þér.

M.b.kv.

Anna Sigríður Guðmundsdóttir, 27.1.2016 kl. 01:12

17 identicon

Það er hallærislegt að hafa svona unga manneskju, óvirðulegt og þjóðinni ekki til framdráttar. Kári Stefánsson á að verða forseti hér eða einhver jafnoki, finnist hann þá. Engar puntdúkkur eða embættismenn og pólítíkusa. Ísland þarf eitthvað flottara og frambærilegra en það.

Gunnar (IP-tala skráð) 27.1.2016 kl. 23:44

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Halldór Jónsson
Halldór Jónsson

verkfræðingur, flugdellukall, tennis-og badmintonspilari

-ekki góður í neinu af þessu-

Heimsóknir

Flettingar

  • Í dag (16.5.): 646
  • Sl. sólarhring: 671
  • Sl. viku: 5554
  • Frá upphafi: 3195173

Annað

  • Innlit í dag: 501
  • Innlit sl. viku: 4552
  • Gestir í dag: 450
  • IP-tölur í dag: 440

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband