Kommalygar Kolbeins

kosningastjóra Vinstri Grænna birtast í málgagni vinstrimanna í dag. Fyrirsögnin er segðu satt Bjarni.

Fyrirsögnin er táknræn vegna þess að í greininni er helst ekki eitt einasta satt orð.

Hið fyrsta er að Bjarni er til vandræða hógvær, sannsögull og lélegur í að hrósa sjálfum sér og flokki sínum af því sem vel hefur verið gert. Hvað þá að segja nægilega oft endurtekinn sannleikann um viðskilnað kommanna eftir að þeir höfðu framlengt kreppuna um 2 ár í það minnsta með delluráðstöfunum sínum. En þeir tóku við ríkissjóði nær skuldlausum sem kunnugt er eftir áralanga fjármálastjórn Sjálfstæðisflokksins í félagi við aðra.

Auk þess sem þeir slösuðu hundruð fjölskyldna fjárhagslega til ólífis þegar Steingrímur Jóhann,(æðsti strumpur VG) gaf erlendum vogunarsjóðum íslensku bankana vesgú og sagði þeim að rukka 700 milljarða af þeim verst settu í botn. En ríkistjórn Geirs Haarde og Samfylkingarinnar hafði ákveðið að afskrifa helminginn af þeirri upphæð vegna misgengisins. margt af þessu fólki er farið úr landi og kemur hingað aldrei aftur. Svo æstist hann upp með fettum og brettum þegar Sigmundur og Bjarni sögðust myndu minnst ná 500 milljörðum til baka af fé vogunarsjóðanna til ríkissjóðs og gerðu það.

Sami Steingrímur lagði ofuráherslu á að borga Icesave og leggja þar með hundruð milljarða af erlendum skuldum óreiðumanna á herðar íslensk almennings. Handlangarar hans úr Háskólanum spáðu hér Kúbu Norðursins og Kjarnorkuvetri ef ekki yrði borgað.

Forsetinn skaut málinu til þjóðarinnar sem sendi það út í hafsauga og dómstólar ESB staðfestu síðan að engin laga-né réttarleg innistæða hefði verið fyrir kröfum Breta og Hollendinga um greiðslur.

Þrátt fyrir þessa tjörgun, fiðrun og rassskellingu þenja bæði hann og svona málpípur eins og þessi Kolbeinn sig og demba hverri rangfærslunni annarri fáránlegri yfir fólk.

Svikahrapparnir í VG(sem Gunnar Rögnvaldsson líkir við melónu sem er græn að utan en yfirgnæfandi stútfull af rauðu gumsi að innan) lofuðu hátíðlega og sóru og sárt við lögðu að því að þeir vildu ekki ganga í ESB, sviku það loforð svo kirfilega áður en haninn gól þrisvar, að ekki mátti á milli sjá hver bæri æstari ESB-sinni, heilög Jóhanna(sem var ráðherra í hrunstjórn Geirs Haarde þó að Kolbeinn myndi ekki muna það)eða áðurnefndur æðsti strumpur VG. Og viðtakandi formaður Katrín Jakobsdóttir þegir eins og Sfinxinn í Evrópumálum og ekki veit ég hvað hún myndi gera með ESB ef til stykkisins kæmi.

Það eina í grein Kolbeins sem nálgast sannleikann er að hann skrifar:"hefur Bjarni Benediktsson ekkert gert nema að skila svipuðum afgangi ár eftir ár." Og á við 200 milljarða viðsnúning vinstristjórnarinnar sinnum 4-5 eða um þúsund milljörðum betri afkomu ríkissjóðs en áður var.

Aumingja Bjarni minn að geta ekki komið þessu til skila svo að jafnvel fólk eins og Kolbeinn geti skilið. En það er líklega tilgangslaust að tala um sannleikann við slíkt fólk, það hefur alltaf sínar útgáfur.

Auðvitað þýðir lítið fyrir mjóróma bloggara eins og mig að reyna að flytja mál gegn Fréttablaðsstórveldinu og skríbenti þess Kolbeini sem getur endurtekið kommalygar sínar  nógu oft til að þær verði að sannleika að hætti doktors Jósefs. En ég reyni nú samt.

En staðreynd efnahagsmála núna er sú sem menn geta borðið saman við andlátsár vinstristjórnarinnar:

Atvinnuleysi er horfið
        Verðlag hefur haldist stöðugt um langt skeið

        Hagvöxtur er með því mesta sem gerist á byggðu bóli 

        Launakjör almennings hafa batnað meira á undanförnum misserum en dæmi eru til um áður 

        Snúið hefur verið af braut hinnar tæru vinstri stjórnar og skattar verið lækkaðir, svo sem vörugjöld,         VSK, tryggingagjald og tekjuskattur.
       

       Verulegur afgangur er á viðskiptum við útlönd sem styrkir stöðugt gjaldeyrisstöðu þjóðarinnar
        Ríkissjóður er rekinn með meiri afgangi en dæmi eru til, skuldir ríkissjóðs lækka sem og         

        vaxtaútgjöld
         

      Með einurð og fumleysi hefur verið unnið að afnámi fjármagnshafta
       

      Stórfelldar umbætur í húsnæðismálum hafa verið samþykktar sem ná bæði til þeirra sem leigja              og þeirra sem vilja eignast eigið húsnæði.Núverandi ríkisstjórn leiðrétti verðtryggð húsnæðislán            landsmanna eins og lofað hafði verið.
       

      Breytingar á lögum um Lánasjóð íslenskra námsmanna munu stórbæta hag námsmanna
     

       Verulega auknum fjármunum er nú varið til heilbrigðisþjónustunnar, launakjör      

       heilbrigðisstarfsfólks hafa verið stórbætt, og bygging Landsspítala er komin á fullt skrið
       

      Fleiri íslenskir ríkisborgarar flytja nú TIL landsins en flytja frá því        http://kjarninn.is/skyring/2016-08-15-er-rett-ad-fleiri-islendingar-flytji-nu-heim/
     

       Bjartsýni landsmanna hefur sjaldan verið meiri                                         http://www.vidskiptabladid.is/frettir/vaentingavisitalan-ekki-verid-haerri-sidan-2007/124464/?q=v%C3%A6ntingav%C3%ADsitala%20Gallup
       Til þess eru vítin að varast þau. Hlustum ekki á Kolbein og kliðinn í kommunum.

         ALDREI aftur vinstri stjórn

     -né  kommalygar Kolbeins

 

Athugasemdir

[Halldór Jónsson, 18.8.2016 kl. 17:38]

Kannski er þetta of strákslega skrifað hjá mér. En maður missir sig stundum yfir vitleysunni og fær hálfmóra á eftir.

[Elle_, 18.8.2016 kl. 19:58]

Mér fannst þú ekkert missa þig, Halldór.  Maður getur ekki alltaf endilega verið penn?  Varstu nokkuð að ljúga?

[Halldór Jónsson, 18.8.2016 kl. 22:26]

Nei Elle, ég held að það sé engin lygi í þessu nema það að árangurinn er enn betri en ég hef vit til að telja upp, ég get ekki lært allt upp á hár eins og páfagaukur, þó ég sé sjálfsagt furðufugl

[Jóhann Kristinsson, 19.8.2016 kl. 04:44]

Með allan þennan fjár afgang af hverju eru rúmlega 7000 börn sem búa við fátækt og rúmlega 1400 börn sem búa við sárafátækt á Íslandi?

Rolan og grenjuskjóðan Bjarni Ben hefur ekki gert neitt fyir landsmenn, en hann sér um að Engeyjar ættin fái fyrirtæki keypt af ríkisbönkunum fyrir kúk og kanel.

Næsta Emgeyjarættar fyrirtæki veður Lamdsvirkjun, ef að Bjarni Ben heldur áfram sem ráðherra.

Bjarni Ben, Unnur Brá og hvað hún heitir ritari Sjálfstæðisflokksins, what is the difference?

Mér dettur í hug munurinn á Hillary Rotten Clinton og Trump er eins og munurinn á kúk og skít.

Kveðja frá Houston

[Halldór Jónsson, 19.8.2016 kl. 22:09]

Jói minn, stilltu þig aðeins

[Jóhann Kristinsson, 20.8.2016 kl. 01:45]

Hjarðhegðun þin Dóri minn er með einsdæmum, hvað stálu þessir óþverra af þér miklu í bankaráðinu 2008?

Hættu þessari flokkshjarðhegðun, þú ættir að vera orðinn það fullorðinn að þú ættir að sjá í gegnum spunavef Bjarna Ben.

Kveðja frá Houston

[Halldór Jónsson, 21.8.2016 kl. 13:05]

Jói, hvað segirðu um málflutning Bjarna Ben þegar hann savara kommanum Kolbeini?

Björn Bjkarnason segir þetta um hvað honum finnst:

"Kolbeinn vill á þennan hátt gera lítið úr árangri í ríkisfjármálum í ráðherratíð Bjarna Benediktssonar. Taldi Kobeinn (í grein 18. ágúst) Bjarna fara með rangt mál þegar hann sagði á þingi að afgangur á fjárlögum yfirstandandi árs yrði meiri en allur uppsafnaður halli vinstristjórnarinnar. Bjarni svaraði Kolbeini samdægurs á FB-síðu sinni og ítrekaði að á árunum 2009, 2010, 2011 og 2012 hefði samanlagður halli ríkissjóðs verið rétt um 390 milljarðar. Það væri einnig staðreynd að það stefndi í um 400 milljarða afgang á fjárlögum yfirstandandi árs. Það væri meira en allur uppsafnaður halli vinstristjórnaráranna.

 

Bjarni sýndi að Kolbeinn fór með rangt mál í fleiri en einu tilliti í blaðagrein sinni. Kolbeinn vildi þó eiga síðasta orðið og sagði í nýrri grein íFréttablaðinu (19. ágúst) að Bjarni væri „óvenju pirraður þessa dagana“! Kolbeinn gafst þannig upp á málefnalegum rökræðum. Birtist það meðal annars í þeim rangfærslum hans að ríkissjóður hefði staðið illa þegar bankakerfið hrundi fyrir átta árum. Það var einmitt einstaklega sterk staða ríkissjóðs þá sem auðveldaði öll átök við ríkisfjármálavandann vegna hrunsins.

Rangfærslurnar í málflutningi Kolbeins Óttarssona Proppé sýna hvaða leið hann telur líklegasta til að verða valinn á framboðslista VG í Reykjavík: að taka upp hanskann fyrir Steingrím J. Sigfússon sem fjármálaráðherra – manninn sem afhenti kröfuhöfunum bankana með leynd, notaði hrunið til að innleiða skattkerfi í anda sósíalista og vildi setja Icesave-klafann á þjóðina svo að aðeins fátt eitt sé nefnt. Sé fortíðarþrá til hörmungarstjórnar Jóhönnu og Steingríms J. varða á leið til fram innan VG lofar það ekki góðu um framtíðina."

[Halldór Jónsson, 21.8.2016 kl. 13:06]

Jói, með hvorum heldurðu? Hvor hefur gert fleira gott? Steingrími J eða  Bjarni Ben? Og svaraðu nú eins og maður.

[Jóhann Kristinsson, 21.8.2016 kl. 13:38]

Ég held með fólkinu sem minna má sín, en þú Halldor?

Ef það er svona mikil afgangur af hverju eru börn á Íslandi sem lifa við fátækt og sárafátækt?

Ef það er svona mikill afgangur af hverju eru eldri borgarar með lífeyri sem er töluvert undir fátækramörkum?

Hvert fer og fór allur þessi afgangur, til Kína, í launahækkanir hjá ríkisstarfsmönnum og þá sérstaklega stjóra ríkisbáknsins, hvert fóru þessir peningar Halldór?

Kveðja frá Houston