Leita í fréttum mbl.is

Hægan hægan, La Nina kemur!

Fyrirbrigðinu ElNino er að ljúka. Eftirfarandi pistill í máli og myndum kemur af vefsíðu Ágústar H. Bjarnason rafmagnsverkfræðings. 

Hann segir:

"

UAH_LT_1979_thru_June_2016_v6

 

Það hefur sjálfsagt ekki farið fram hjá mörgum að hnattrænn lofthiti hækkaði hratt á haustmánuðum og urðu margir slegnir ótta. Hitinn náði hámarki um síðustu áramót og hefur síðan fallið mjög hratt.

Þessi hitatoppur stafaði af fyrirbæri í Kyrrahafinu sem kallast El-Niño, eða jólabarnið. Heitur sjór losar varma í lofthjúpinn, hann hlýnar en sjórinn kólnar. Yfirleitt tekur við fyrirbæri sem kallast La-Niña þegar kaldari sjór kælir loftið.

Þetta er mikil einföldun. Sjá góðar skýringar Trausta Jónssonar á fyrirbærinu hér.

Árið 1998 var óvenju öflugt El-Niño fyrirbæri sem orsakaði hitatoppinn sem sést á miðri myndinni. Í framhaldi tók við La-Niña og orsakaði það lægri lofthita í 2-3 ár eins og einnig sést á myndinni.

Hitatoppurinn sem nú er að ganga niður reis ívið hærra en toppurinn 1998, og ef að líkum lætur munum við á næstu árum sjá La-Niña kólun svipaða og við upplifðum í byrjun aldarinnar. Munurinn á 1998 og 2016 toppunum er væntanlega á mörkum þess að vera tölfræðilega marktækur.

 

Verður árið 2016 hlýrra en árið 2015?

Hugsanlega, en það mun varla muna miklu.

Verður árið 2017 hlýrra en árið 2016?

Það er ólíklegt vegna La-Niña sem mun þá væntanlega hafa tekið við. Líklega verður árið 2017 öllu svalara en 2016. Sama er að segja um árið 2018 ...

 

Hvað tekur svo við eftir að La-Nina lýkur?

 - Hækkandi hiti?
 - Lækkandi hiti?
 - Kyrrstaða?

Enginn veit svarið. Sumir telja að það muni halda áfram að hlýna hægt og rólega vegna aukins styrks koltvísýrings í loftinu, aðrir að nú muni taka að kólna vegna minnkandi sólvirkni og sveiflna í hafinu, og enn aðrir gera ráð fyrir meira og minna kyrrstöðu...    Kannski það verði bara sambland af þessu öllu?

 

Hafi einhverjum ekki litist á blikuna þegar hitinn hækkaði hratt fyrir rúmu hálfu ári, þá getur hinn sami andað rólega núna :-) 

 

(Þess má geta innan sviga  að hitatoppurinn 1997/1998 varð líklega kveikjan að vefsíðu bloggarans "Er jörðin að hitna - ekki er allt sem sýnist" sem sett var á vefinn í febrúar 1998. Síðan hefur ekki verið uppfærð í meira en áratug, en er á langlegudeild hér). 

 

Það er rétt að minna á að þessi pistill fjallar ekki um hlýnun af mannavöldum,

heldur sveiflur í náttúrunni.

 

 

Myndin efst á siðunni:

Hnattrænn lofthiti til loka júnimánaðar samkvæmt gervihnattamælingum og úrvinnslu UAH.

Heimild: Dr. Roy Spencer.

Blái ferillinn er mánaðagildi.   Rauði ferillinn er 13 mánaða meðaltal.

 

 

Önnur framsetning:

UAH MSU

Hnattrænn lofthiti til loka júnimánaðar samkvæmt gervihnattamælingum og úrvinnslu UAH.

Heimild: www.climate4you.com.  Undirsíða: Global Temperature.

Granni ferillinn er mánaðagildi.   Gildi ferillinn er 37 mánaða meðaltal.

(Ritarinn bætti við nokkrum strikum til þæginda).

 

 

RSS MSU

Hnattrænn lofthiti til loka júnimánaðar samkvæmt gervihnattamælingum og úrvinnslu RSS

Heimild: www.climate4you.com.   Undirsíða: Global Temperature.


Granni ferillinn er mánaðagildi.   Gildi ferillinn er 37 mánaða meðaltal.

(Ritarinn bætti við nokkrum strikum til þæginda).

 

Rétt er að minna á að þessi pistill fjallar ekki um hnatthlýnun af mannavöldum, heldur eðlilegar sveiflur í náttúrunni. 

 

nino3_4

Yfirborðshiti sjávar í Kyrrahafinu þar sem El-Niño á sér stað.

Beintengdur ferill frá Áströlsku veðurstofunni.

Sjá hér

 

 Er ekki rétt að að bíða með aðgerðir vegna hækkandi lofstlagshlýnunar og reyna að greina frá hvað náttúran sjálf er að gera. Jólastrákurinn El Nino er búinn með sitt.

Hitinn er að falla í framhaldi af því að La Nina, jólastelpan, krefst nú jafnréttis kynjanna og auðvitað verður þá svalari tíð.


« Síðasta færsla | Næsta færsla »

Athugasemdir

1 Smámynd: Ómar Ragnarsson

Ef dregin er bein lína í gegnum línu toppa og lægða vísar hún upp á við á síðustu 37 árum. 

Mikið er nú gott að geta huggað sig við það að þetta sé aðeins eðlileg sveifla í náttúrunni. 

Ómar Ragnarsson, 21.8.2016 kl. 18:02

2 Smámynd: Halldór Jónsson

Velþekkt aðferð á verðbréfamarkaði

Halldór Jónsson, 21.8.2016 kl. 22:10

3 Smámynd: Brynjólfur Þorvarðsson

Þetta er að því ég best sé allt rétt hjá þér og Ágústi en þó má benda á að þessi línurit sýna ekki mældan hita hvers mánaðar fyrir sig, heldur frávik frá meðaltali hvers mánaðar fyrir sig. Hvort tveggja hefur fullan rétt á sér og hin undirliggjandi hlýnun af manna völdum er augljós í öllum linuritunum.

Munurinn á þessum tveimur framsetningum (frávik eins og hér, eða mældur hiti beint) er sá að síðastliðinn mánuður var t.d. sá heitasti sem mælst hefur frá upphafi. Hann var hins vegar með minna frávik en vetrarmánuðirnir, þar sem hnattrænn hiti er að jafnaði hærri þegar er sumar á norðurhveli. Á línuritinum hér að ofan virðist hafa kólnað frá því í vetur, hið rétta er að það hefur hlýnað, en frávikið frá meðaltali er minna.

Hitt er svo rétt að það á eftir að kólna vegna minnkandi áhrifa El Nino og vaxandi áhrifa hugsanlegrar La Nina (sem er ekki alveg víst að verði skv. spám, allt eins líklegt að hlutlaust ástand taki við). Lækkunin sem framundan er verður trúlega ekki eins mikil og eftir El Nino 98 þar sem undirliggjandi hiti hefur hækkað um c.a. 0,2 gráður á þessum tæpu 20 árum sem liðin hafa skv. gervihnattamælingum.

Brynjólfur Þorvarðsson, 22.8.2016 kl. 07:49

4 Smámynd: Ágúst H Bjarnason

Dr. Ole Humlum prófessor við Háskólann í Osló heldur úti áhugaverðri vefsíðu www.climate4you.com

 

Þar er mikill fróðleikur samankominn ásamt tilvísun í frumgögnin.

 

Einu sinni í mánuði gefur hann út fréttablað sem aðgengilegt er á netinu. Þar er aragrúi nýjustu mæliferla og fleira góðgæti. Hann er vanur að tengja saman mannkynssöguna og veðrið aftast í hverju fréttabréfi.  Nú heitir sá kafli “1916: Field Marshal Lord Kitchener drowns near Scapa Flow“.

Í gær kom út nýtt eintak sem er aðgengilegt hér:


http://www.climate4you.com/Text/Climate4you_July_2016.pdf

 

 

Það er þess virði að glugga í blaðið.

Ágúst H Bjarnason, 22.8.2016 kl. 09:11

5 Smámynd: Halldór Jónsson

Takk fyrir frændi. Makalaus maður þessi Ole Humlum og mikill er hans dugnaður og fróðskapur að halda þessu úti. Svo er hann skemmtilegur líka eins og frásögnin af örlögum Kitchener þar sem hægri beygjan í stað vinstri skipti sköpum. Hefðu þeir ekki hitt á tundurduflið hefði skipið sjálft staðist veðrið, þetta var  "dreadnought".sem eiga að þola ýmislegt.

Halldór Jónsson, 23.8.2016 kl. 07:16

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Halldór Jónsson
Halldór Jónsson

verkfræðingur, flugdellukall, tennis-og badmintonspilari

-ekki góður í neinu af þessu-

Heimsóknir

Flettingar

  • Í dag (28.3.): 5
  • Sl. sólarhring: 5
  • Sl. viku: 52
  • Frá upphafi: 3417960

Annað

  • Innlit í dag: 5
  • Innlit sl. viku: 49
  • Gestir í dag: 5
  • IP-tölur í dag: 5

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband