Leita í fréttum mbl.is

Bein í nefinu

hefur hún Vigdís Hauksdóttir. Einmitt þá ætlar hún að skipta út sæti sínu á Alþingi og einhvers Pírata. Sama gerir Frosti Sigurjónsson. Og Pétur Blöndal farinn frá okkur.Alls hætta núna 17 reyndir þingmenn og ný óskrifuð blöð koma í staðinn. Það er skiljanlegt að uggur sé í mörgum vegna framtíðar Alþingis.

Flugvöllur

Einmitt þá þarf að hafa snör handtök meðan eitthver bein er að finna í þingsölunum. Vigdís hafði þetta að segja í umræðum um Reykjavíkurflugvöll í viðtali við Morgunblaðið:

 

„Ég er mjög undr­andi á því hvernig þetta mál hef­ur spil­ast,“ seg­ir Vig­dís Hauks­dótt­ir, þingmaður Fram­sókn­ar­flokks­ins og formaður fjár­laga­nefnd­ar Alþing­is, í sam­tali við mbl.is. Rætt var um sölu á landi rík­is­ins í Skerjaf­irði í Reykja­vík á fundi nefnd­ar­inn­ar í morg­un og stöðu Reykja­vík­ur­flug­vall­ar. Vig­dís seg­ir ljóst að sínu mati að heim­ild hefði þurft að vera í fjár­lög­um fyr­ir árið 2014 til þess að selja landið í sam­ræmi við ákvæði stjórn­ar­skrár­inn­ar.

„Þannig stend­ur málið gagn­vart mér. Það er í raun efti­r­á­skýr­ing að halda öðru fram. En það er eitt gott í þessu og það er að kom­inn er verðmiði á landið í Skerjaf­irði. Ef þessu verður haldið svona stíft áfram þá er ekk­ert annað að gera en að fara bara í eign­ar­nám og end­ur­greiða borg­inni 440 millj­ón­ir króna. Það er bara svo­leiðis. Verðmiðinn er kom­inn,“ seg­ir Vig­dís og vís­ar þar til verðmats í samn­ingi frá 2013 um af­sal rík­is­ins á land­inu til Reykja­vík­ur­borg­ar.

„Þarna er bara komið verðmat. Það þarf þá ekki að ríf­ast meira um það,“ seg­ir Vig­dís. Málið sé fullt af efti­r­á­skýr­ing­um. Ekki hafi verið um mis­tök að ræða þegar til­laga hafi komið inn í fjár­laga­gerðina fyr­ir árið 2014. Reynt hafi verið síðan að túlka fjár­lög á þann hátt að af­salið hafi verið samþykkt með fjár­lög­um 2013. Mál­flutn­ing­ur fjár­málaráðuneyt­is­ins bygg­ist all­ur á því að sögn Vig­dís­ar en sú stand­ist hins veg­ar eng­an veg­inn nán­ari skoðun.

Dag­ur skrifaði und­ir samn­ing­inn

„Það þýðir ekk­ert að fara aft­ur í tím­ann til þess að sækja ein­hverj­ar slík­ar heim­ild­ir,“ seg­ir Vig­dís. Eng­an veg­inn stand­ist að ætla að byggja til dæm­is á heim­ild­um í dag sem veitt­ar hafi verið í fjár­lög­um ein­hvern tím­ann á árum áður. End­ur­nýja þurfi slík­ar heim­ild­ir í fjár­lög­um á hverju ári. „Það væri eins og við fær­um að not­ast við ein­hverja slíka heim­ild í fjár­lög­um frá því að við vör­um síðast í rík­is­stjórn. Það bara stenst ekki, þetta bara stenst ekki.“

Vig­dís seg­ir að málið sé í raun fyrst og fremst „rán­dýrt Sam­fylk­ing­arklúður“ sem lendi á skatt­greiðend­um. Þegar samið hafi verið um málið á 2013 hafi Sam­fylk­ing­in bæði verið í rík­is­stjórn og í borg­ar­stjórn Reykja­vík­ur. Með öðrum orðum báðum meg­in við borðið. Hún bæt­ir við að Dag­ur B. Eggerts­son, nú­ver­andi borg­ar­stjóri, hafi skrifað und­ir samn­ing­inn frá 2013 ásamt Katrínu Júlí­us­dótt­ur, fjár­málaráðherra Sam­fylk­ing­ar­inn­ar.

„Því hef­ur verið haldið fram að Jón Gn­arr hafi skrifað und­ir samn­ing­inn sem borg­ar­stjóri en það er ekki þannig. Dag­ur B. Eggerts­son skrifaði und­ir hann. Dag­ur get­ur ekk­ert fríað sig ábyrgð því það er hans und­ir­skrift sem er á samn­ingn­um.“ Vig­dís birti í morg­un mynd á Face­book-síðu sinni af und­ir­skrift­um þeirra sem skrifuðu und­ir samn­ing­inn."

Hún er ekki að hossa Hönnu Birnu eða Jóni Gnarr fyrir þeirra aðkomu að málinu. Kannski gott enda bæði þátíð í stjórnmálum.

Mér finnst að Vigdís sé að hætta of snemma. Það eru mörg mál sem hún hefur verið að rannsaka sem ekki hefur verið fkýrt nægilega vel frá, hvorki af henni né Guðlaugi Þór.Ég sé eftir Vigdísi af þingi

Nú bíð ég eftir að sjá Alþingi greiða atkvæði um þjóðaratkvæðagreiðslu um framtíð Reykjavíkurflugvallar. Hafa fleiri þingmenn bein í nefinu eins og frú Vigdís?


« Síðasta færsla | Næsta færsla »

Athugasemdir

1 Smámynd: Jóhann Elíasson

Það verður að segja eins og er AÐ FRAMSÓKNARMENN ERU ÞEIR EINU SEM HAFA STAÐIÐ Í LAPPIRNAR Í FLUGVALLARMÁLINU.

Jóhann Elíasson, 31.8.2016 kl. 19:25

2 identicon

Atkvæðagreiðsan um þetta mál á aðeins að vera ráðgefandi ! Fyrir hvern? Þvílíkt bull. Næst verða kosningar til alþingis aðeins ráðgefandi, ekki satt?? Allt ráðgefandi. Um að gera að hafa ekkert bindandi, t.d. kosningar í þingsölum. T.d. ef mál fer 40:23, þá er það aðeins ráðgjafandi. Þá þarf enginn þingmaður að taka ábyrð á gjörðum sínum. Næst verða svo hraðbankar bara ráðgefandi. Ef bankanum finnst þú eyða of miklu færðu ekki meiri pening úr honum, þó að þú eigir nóga innistæði. Framtíðarþjóðfégagið, ekki satt. En að alvöru málsins, hvernig ætlar Ögmundur og hinir nær 30 þingmenn að fá fók til að mæta á kjörstað í svona barnaleik? Varla nenni ég að mæta, enda skiptir niðurstaðan engu máli.

Örn Johnson ´43 (IP-tala skráð) 31.8.2016 kl. 19:52

3 Smámynd: Halldór Egill Guðnason

Tillögur um ráðgefandi atkvæðagreiðslur eru tómt rugl, enda oftast settar fram af þingmönnum sem ætla sér aðeins eina fyrirframgefna niðurstöðu til að fara eftir. Skítt með allt annað.

 Vigdísi tel ég einungis vera að taka sér smá pásu frá pólitík. Sennilega með sprengjuplott í gangi, sem henni er ekki leyfilegt að framkvæma sem þingmaður. Að því loknu kemur hún fersk inn á þing á ný. Sannið bara til.

 Góðar stundir, með kveðju að sunnan.

Halldór Egill Guðnason, 1.9.2016 kl. 04:23

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Halldór Jónsson
Halldór Jónsson

verkfræðingur, flugdellukall, tennis-og badmintonspilari

-ekki góður í neinu af þessu-

Heimsóknir

Flettingar

  • Í dag (29.3.): 0
  • Sl. sólarhring: 4
  • Sl. viku: 43
  • Frá upphafi: 0

Annað

  • Innlit í dag: 0
  • Innlit sl. viku: 40
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband