Endurfæðing

Steingríms- og Jóhönnustjórnarinnar stendur fyrir dyrum. Auðlegðarskatturinn og hækkun fjármagnstekjuskattsins auk hátekjuskattsins eru auðvitað fyrstu tíðindin. Síðan er deilt um það með hvaða hætti sjávarútvegurinn eigi að skattleggjast. En 46-atkvæðaflokkurinn er áreiðanlega ekki til fyrirstöðu í þeim málaflokki.

Brandarinn er að horfa á Pírataflokkinn selja öll þau prinsíp sem þeir þóttust hafa fyrir kosningar. Það er nokkuð ljóst að þeir voru alltaf eins og keisarinn í ævintýrinu hans H.C., ekki í neinu. 

Ekki hefur farið neinum sögum af því hvort Benedikt flokkseigandi hefur einhver prinsíp uppi enda líklega lítt fýsilegt fyrir hvern af þessum gullgrafaraflokkum sem sitja á móti  Katrínu að brúka sig mikið við hana og Steingrím þar sem þau halda á stórum lurki eins og Teddy gamli Roosewelt ráðlagði brosmildu fólki.

Þetta er því auðsveip hjörð sem situr á móti VG og bara spurning hvernig VG eiginlega líst á dæmið með tilliti til framhaldsins. Því það er áhætta að þiggja eitruð peð þó þau bjóðist því framtíð  eigin flokks og áhættan af vondum félagsskap vigtar alltaf inní.

En fyrir okkur hin, þá þekkjum við rauðu úlfshárin þegar þau gægjast fram við endurfæðinguna.

Athugasemdir

[Ómar Ragnarsson, 22.11.2016 kl. 09:54]

Þú ættir að vera nógu gamall til að vita að það var minnihlutastjórn Sjálfstæðisflokksins, 1949-1950, sem fann upp auðlegðarskattinn, sem þá var kallaður stóreignaskattur. 

Og Sjálfstæðisflokkurinn var einn í ríkisstjórn! 

[Halldór Jónsson, 22.11.2016 kl. 10:08]

Sá skattur lagðist ekki á ellilífeyrisþega eins og þessi skattur.Hann var talsvert öðruvísi.

[Helgi Jónsson (IP-tala skráð) 22.11.2016 kl. 12:14]

Ætli eimreiðarhópurinn, eignarhaldsfélag SjálfstæðisFLokksins, séu farnir að naga sig í handarbökin fyrir að hafa verið of stífir í stjórnarmyndunar viðræðum við VG..?. Kannski hafa þeir verið of stífir varðandi skattbreytingar t.d hækkun á skatt á ofurlaun og eignaskatti. En það er alla vega klárt að það slitnar ekki slefan á milli flokkana varðandi ESB og óbreytt sjávarútvegsstefna.

[Kristmann Magnússon, 22.11.2016 kl. 13:30]

Nei Halldór minn nú ertu búinn að gleyma hvernig stóreignaskatturinn var lagður á -  Hann var líka lagður á ellilífeyrisþega ef þeir áttu eignir 

[Helga Kristjánsdóttir, 22.11.2016 kl. 22:51]

Ef og hefði-skattur gildir ekki,þeir voru ekki margir gamlingjar sem áttu stóreignir ´49og50.. Ég get alveg sætt mig við þessa fáránlega samsettu ríkisstjórn,því hún endist ekki árið ætli þeir frekustu þarna að ná markmiðum sínum. Stjórnarskráin verður ekki gild nema samþykkist á milli tveggja þinga. Birgittu er mikið í mun að breita henni og vildi á einhverjum tímapunkti að næsta, (sú sem verður núna)-stjórn ríkti aðeins nokkra mánuði svo örugg var hún um að hún og ESB,liðið næðu kjöri þá.- Þess vegna er það hreint brilljant að hafa stóðið saman á brokki í umferðinni um sinn. -Spyrjum að leikslokum.