Gleymum þessu ekki

nú þegar meirihlutinn í Borgarstjórn hefur tilkynnt um núll framkvæmdir í gatnamálum öðrum en til þrenginga gatna.

Hversvegna þetta allt er eins og það er undir stjórn Dags Bergþórusonar?:

Tölulegar staðreyndir eru þessar:

 

" Langtímaskuldir A-hluta jukust um 137% að raunvirði frá árslokum 2009 (árið fyrir valdatöku Samfylkingar og ári eftir hrun fjármálakerfisins) til loka árs 2015.

Heildarskuldir nær tvöfölduðust og voru tæplega 40 milljörðum meiri á föstu verðlagi.

Eigið fé minnkaði um 2,9 milljarða.

Heildartekjur voru 16,5 milljörðum krónum hærri að raunvirði 2015 en 2009.

A-hluti hafði 113 þúsund krónum hærri tekjur af hverjum borgarbúa 2015 en 2009 á föstu verðlagi. Rekstrargjöld voru hins vegar 199 þúsund krónum hærri.

Skuldir A-hluta jukust að raunvirði um 315 þúsundkrónur á hvern íbúa.

Eigið fé minnkaði á sama tíma um 45 þúsund.

Að raunvirði var veltufé frá rekstri 38% minna á síðasta ári en 2009. Veltufé er mælikvarði á stöðu grunnrekstrar A-hluta.

Í árslok 2009 var veltufjárhlutfallið 2,12 en var komið niður í 1,18 við lok síðasta árs."

Hvernær skili Reykjavíkurborg frelsast úr þeim tröllahöndum sem hún hefur verið föst í síðan að R-listinn komst til valda á sinni tíð með tilstyrk Framsóknar sem þá voru ekki Flugvallarvinir eins og við síðustu kosningar.

Gleymum þessu ekki.

 

Athugasemdir

[Jonas Kr. (IP-tala skráð) 21.12.2016 kl. 12:05]

Heildareign Reykjavíkurborgar á föstu verðlagi (A og B hluta)árið 2009 voru um 522 miljarðar, skuldir um 384 miljarðar og eigið fé um 138 miljarðar. Miðað er við hækkun neysluvísitölu frá 1. Jan 2009 til 1. jan 2015 um 25,24%.

Árið 2009 er því eign á hvern íbúa um 1,154nþúsund.

Árið 2015 eru samsvarandi tölur, heildareign 526 miljarðar. Skuldir 302 miljarðar eigið fé. 224 miljarðar. Eigið fé hefur því aukist um 82 miljarða. 

Árið 2015 er því eign á hvern íbúa 1,839 þúsund.

Í Kópavogi eru samsvardi tölur. 2009, heildareign 67 miljarðar skuldir 54 miljarðar. eigið fé 13 miljarðar.

Árið 2009 er því eign á hvern íbúa 439 þús

Árið 2015 Eru eignir 58 miljarðar, skuldir 42 miljarðar og eigið fé 16 miljarðar.

Árið 2015 er því eign á hvern íbúa 482 þúsund og hefur hækkað um 43 þúsund frá árinu 2009, á meðan eign per íbúa í Reykjavík hefur aukist um 685 þúsund. 

Er ekki komin tími til að þú hugsir að rekstri Kópavogs í staðinn fyrir að hafa allar þessar áhyggjur af Reykjavík.

Heimildir: http://reykjavik.is/sites/default/files/reykjavikurborg_arsreikningur_2015.pdf

http://reykjavik.is/sites/default/files/ymis_skjol/skjol_utgefid_efni/arsreikningur_2009_0.pdf

http://www.kopavogur.is/static/files/Arsreikningar/kop-arsreikningur-2015.pdf

http://www.euroinvestor.dk/pdf/cse/11064353_14585.pdf

http://upplysingaveita.samband.is/dialog/varval.asp?ma=010IBUAR&path=../database/Ibuar/&lang=3&ti=%CDb%FAafj%F6ldi+sveitarf%E9laga+++++

http://px.hagstofa.is/pxis/pxweb/is/Efnahagur/Efnahagur__visitolur__1_visitalaneysluverds__1_neysluverd/VIS01000.px/

[Halldór Jónsson, 21.12.2016 kl. 22:20]

Þú hefurt ekki mótmælt neinu af tölum Óla Björns varðandi rekstur Reykjavíkur. Þú bara byrjar að bulla um Kópavog sem er ekkert til fyrirmyndar.