Einbeittur brotavilji

Borgarstjórnar Reykjavíkur birtist í nýrri tillögu að breytingum á Aðalskipulagi.

Sem sjá má er reitur 19 kominn yfir Reykjavíkurflugvöll og búið að kála Fluggörðum inn í Háskólann.

Þar hyggst meirihlutinn rífa eignir fólks bótalaust og auðvitað gefa skít í vilja 70 % þjóðarinnar um að viðhalda flugvellinum. Eina huggunin er sú að það styttist í kosningar og þessu liði Hjálmari og Degi verður þá væntanlega komið frá og Halldór Pírata ekki hvað síst em hefur neytt þá ofan í kjósendur þó að þeir hafi tapað síðustu kosningum.

Aðalskipulagið segir að það vanti að fjölga íbúðum um 30 % til 2030 sem er handan við hornið. Það verður fróðlegt að sjá hvernig þeir kumpánar gera það eftir að hafa byggt næstum ekki neitt alla sína amtstíð, samtímis að leggja Borgarlínu fyrir hundrað milljarða og álagningu innviðagjalds.

Ég velti enn fyrir mér af hvaða öld þessir menn Dagur og Hjálmar ersvo maður tali ekki um Píratann  þegar maður horfir á lífið hér í Orlando þar sem þoturnar streyma niður allan daginn og bílaumferðin rennur eftir átta akreinum á helstu götum og brýr liggja á þremur hæðum á hnútapunktum. Ég er sannfærður um að svona fólk væri talið geðveikt hérna ef það kæmi með samsvarandi tillögur og er að finna í þessu nýja plaggi kumpánanna.

Jú, það er Borgarlína hérna í Orlando í formi strætóa með ógagnsæjar rúður svo að eymdin sé ekki sýnileg. En farþegarnir eru fátæklingarnir sér maður á stoppistöðunum.Allir sem vettlingi geta valdið eyra á bílum auðvitað, því Bandaríkin eru víðlend og strjálbýl og vonlaust að ferðast um öðruvísi en á bíl. Hvernig ætti fólk að geta farið út í búð til að kaupa mat öðruvísi?

 

Það sama gildir auðvitað um höfuðborgarsvæðið og allt Ísland. Það stappar nærri sturlun að hugsa sér lífið án einkabíla, akreina og flugs. Hvernig í veröldinni dettur Sjálfstæðismönnum í sveitarstjórnum umhverfis Reykjavík að taka þátt í þessu Borgarlínubulli Dags og Hjálmars? Eru þeir yfirleittt viðræðuhæfir um nútímaviðfangsefni?

Ég skora á fólk að kynna sér þetta skipulagsplagg sem er uppfullt af þvílíku kratakjaftæði að það hálfa væri nóg. Það er ekki seinna vænna að Sjálfstæðismenn hefji kosningabaráttuna strax til að koma þessu endemisliði frá völdum. Það mun taka mörg ár að vinda ofan af þeirri vitleysu sem þessir kumpánar eru búnir að framkvæma.

Það er verk að vinna framundan að lagfæra skaðann sem þeir eru búnir að valda í skipulagsmálum  með einbeittum brotavilja sínum.

Athugasemdir

[Jóhann Kristinsson, 19.5.2017 kl. 16:30]

Yfir 290 miljarða skuld, hvenær fara lánastofnanir að loka á lánstraust hjá Dag B?

Reykjavík og nágrenni getur hvorki staðið undir stofnkostnaði og alls ekki rekstrarkostnaði Borgarlinunar, en vitið menn meirihlutinn verður kosinn aftur næsta vor, það er nefnilega enginn í borgarstjórnar andstöðu, í það minsta ég hef ekki heyrt frá neinum.

Svo er Benni fjármálapúki að setja fram að borgarlínan sé stjórnar sáttmálanum og þess vegna verði ríkið að styrkja þetta líka og stjórnin verði að standa við það sem er í stjórnarsáttmálanum, eins og það væri í fyrsta skiptið að Ríkistjórn færi ekki eftir því sem er í stjórnarsáttmála.

Ég held að væri nær fyrir Benna fjármálapúka, að svíkja ekki landsmenn og standa við það sem er skrifað í Stjórnarskrá Íslands.

Kveðja frá Houston

[Halldór Egill Guðnason, 19.5.2017 kl. 18:40]

Sæll nafni.

Ég er sammála því að það verði að koma þessum meirihluta frá í næstu kosningum. Tjón og kjánagangur, af þeirra völdum, er orðið ærið. Þó gallharður sjálfstæðismaður sé, verð ég þó að segja að minnihlutinn mætti einnig fara eitthvað annað. Hefur einhver annars orðið var við hann á þessu kjörtímabili? Altso minnihlutann? 

Góðar stundir, með kveðju að sunnan, úr snjónum.