Furðutrúboð

gegn ferðamáta fólks birtist víða á vegum Borgarstjórnarmeirihlutans í Reykjavík.

Nú þegar verið er að taka ákvarðanir um að flytja alla starfsemi LSH á Hringbraut sem er landluktasti og umferðarlega erfiðasti valkostur fyrir nýjan spítala, þá er tilkynnt að sem flestir viðkomandi verði að breyta ferðavenjum sínum í gangandi og hjólandi en hætta að koma á einkabíl, bæði sjúklingar og starfsfólk. Ástæðan er sú að það er ekki land til fyrir bílastæði!

Það er eins og þetta fólk hafi ekki heyrt um það að hægt er að kaupa bílastæðaþjarka á mörgum hæðum sem geta lagt endalausum fjölda bifreiða á skilvirkan hátt, bæði niðurgrafnir og upp í loft. Hvort skyldu sjúklingarnir velja frekar í kulda,trekki og slagveðri að koma á bíl, labbandi eða á hjóli? Finnst þessu trúboðsfólki það ekki skipta máli hvað notendur vilja eða þarfnast?

Er ekki kominn tími til að eitthvað nútímafólk fari að koma að hinum stærri skipulagsákvörðunum í Reykjavík en furðutrúboðs- og draumórafólk verði sett í leyfi í næstu sveitarstjórnarkosningum? 

 

 

Athugasemdir

[Eðvarð Lárus Árnason (IP-tala skráð) 12.1.2018 kl. 11:03]

Halldór væri ekki heppilegra að kaupa teikningar frá þeim stað sem nýbúið er að byggja sjúkrahús af svipaðri stærð og þörf er á hér.  Byggja síðan sjúkrahús á heppilegti stað en nú er áformað ??

[Halldór Jónsson, 12.1.2018 kl. 13:46]

Að sjálfsögðu. Nýbúið að byggja spítala í Dubai þar sem íslenskur læknir var með í. Allt klárt og hægt að fá hann tilbúinn með öllu.En það er bannað að hegða sér skynsamlega á Íslandi

[Guðbjörg Snót Jónsdóttir (IP-tala skráð) 12.1.2018 kl. 14:03]

 Þetta er bara eins og annað eftir þessum jólasveinum í Ráðhúsinu, leyfi ég mér að segja, - allt á eina bókina lært þar. Hatrið á bílum alveg botnlaust, enda hatursmaður bíla númer eitt, Holu-Hjálmar hæstráðandi þar. Það er ekki við öðru að búast en þetta af hans hálfu, enda er það alveg öruggt mál, að hann kemst varla inn í borgarstjórnina aftur, því að fólk má varla heyra á hann minnst. Ég tek undir með þér, að það er kominn tími til, að eitthvað viti bornara fólk fari að komast að stjórninni í Ráðhúsinu, enda vona ég, að fólk sé búið að fá sig svo fullsatt af framkomu þessarra jólasveina í borgarstjórninni, að þeir verði ekki kosnir aftur til valda. Þeir eiga það ekki skilið að neinu leyti. Það má leysa alla hluti, ef góður vilji er fyrir hendi, líka þetta með bílastæðin. Ég hef engar áhyggjur af því, ef við fáum eitthvað viti borið fólk í stjórnarstólana í Ráðhúsinu, sem veit, hvað það er að gera. Við verðum bara að vona, að fólk hafi vit á því að kjósa Sjálfstæðisflokkinn til valda aftur hér í borginni, enda meira en kominn tími til, og þeir flokkar verði í stjórn með honum, sem er honum sammála í borgarstjórnarmálefnum. Það er meira en komið nóg af þessum vitleysisgangi í jólasveinaliðinu, sem stjórnar þar nú.

[GB (IP-tala skráð) 12.1.2018 kl. 18:05]

Við enda neyðarbrautarinnar í Skerjafirði á að byggja 700 íbúðir með hálft stæði  á íbúð og öngvin gestastæði.

[Örn Einar Hansen, 12.1.2018 kl. 23:08]

Guðbjörg, ekki "fullsatt", heldur fullsadda. Að öðru leiti, helv. góður pistill hjá þér.

[Halldór Egill Guðnason, 13.1.2018 kl. 13:43]

 Yfir eitt þúsund milljónum hefur verið varið í að þrengja götur, hefta og tefja bílaumferð, af amlóðunum í borgarstjórn. Engu hefur verið varið í að liðka fyrir umferð og fáránlega litlu í viðhald og endurbætur. 

 Góðar stundir, með kveðju að sunnan.

[Jóhann Kristinsson, 14.1.2018 kl. 04:45]

Það græðir enginn í peninga elítunni ef að sjúkrahús er byggt á skynsamlegan hátt, þess vegna verður byggt við Hringbraut.

MAGA

kveðja frá Houston