Ruv.is

er meingallað. Fyrir Íslending erlendis er oftast hægt að horfa á fréttirnar, bæði 19:00 og tíu. En aðrir þættir eins og t.d. David Attenborough í kvöld hlaðast ekki inn. "Could not load manifest file etc,....."

 

Af hverju er þetta svona lélegt þetta ruv.is?

Athugasemdir

[Halldór Egill Guðnason, 20.3.2018 kl. 04:06]

Nafni, þátturinn er þrettán gígabæt! Tölvan þín er drasl, tengingin er medium, þú ert að verða eldri og villt fá allt strax, fyrir ekki neitt! 

Þú ert ekki einu sinni á landinu!

Gosh hvað maður er að verða þreyttur á öllu þessu kvarti og kveini. Fólk getur ekki einu sinni eignast barn, án þess að gerast aumingjar í heilt ár á eftir og hérlendir eldri borgarar í Florida farnir að kvarta yfir útsendingarhraða RÚV.!

 "Við hin" eigum bara að borga sæluna.

 Aumingja og kvörtunarvæðing andskotans.

 Góðar stundir, með kveðju að sunnan.

[Jón Valur Jensson, 20.3.2018 kl. 05:10]

Ég reyndi að horfa á Banks lögreglufulltrúa í tölvu á útsendingartíma sl. föstudag, en þá var það ekki hægt, ólíkt ýmsu slappara. En nú er það hins vegar hægt:  http://www.ruv.is/spila/ruv/banks-logreglufulltrui-bruni-i-hverjum-bloddropa/20180316 

[Gunnar Heiðarsson, 20.3.2018 kl. 07:46]

Þetta kemur ekkert stærð tölvunnar við, Halldór Egill.

Tæknin í dag býður uppá getu til að horfa á ljósvakamiðla gegnum nettengingar, nánast hvar í heiminum sem er. Ríkisútvarpið býður uppá þessa þjónustu, en að hluta til einungis að nafninu til.

Þegar maður er tilneyddur til að greiða þessari stofnun skatt á hverju ári, er varla til of mikils mælst að stofnunin sinni því að greiðendur þessa skatts geti horft á það sem greitt er fyrir, hvar sem þeir eru staddir.

ÞAð er einkum tvennt sem þarf að laga hjá ruv, annars vegar þurfa þeir að bæta bandvídd sína og hins vegar að senda allt efni út til sinna viðskiptavina.

Léleg bandvídd gerir það að verkum að oftar en ekki er erfitt að halda sambandi við ruv á álagstímum, t.d. þegar fréttir eru sýndar. Er sjálfur með öfluga tölvu og fyrirtaks bandvídd, en lendi oft í þessum vanda.

Hitt atriðið, að stofnunin gefi einungis kost á að sjá hluta dagskrárinnar gegnum netið, skapast af því að stofnunin kaupir sumt efni með einhverskonar takmörkunum, að ekki megi útvarpa því á netið þannig að heimsbyggðin sjái. Þetta má auðveldlega bæta, með þeirri tækni sem til staðar er. Það er engum vandkvæðum bundið að búa svo um að allir íslendingar, á ferðum erlendis, fái notið allrar dagskrár ruv, að þeir sem nauðugir viljugir halda stofnuninni uppi fá notið þess sem þeir borga fyrir.

Að öðrum kosti getur ruv einfaldlega hætt netútsendingum og sparað okkur skattgreiðendum það fé sem til þess er varið.

Það er betra að vera alveg án þjónustunnar en að fá hana illa.

Kveðja

[Ómar Ragnarsson, 20.3.2018 kl. 13:02]

Í alla umræðuna hér að ofan vantar, að þegar samið er um rétt til sjónvarpsútsendinga á efni, sem aðrar stöðvar hafa framleitt, nær sá réttur oft aðeins til útsendinga innanlands. 

Þegar ég seldi rétt á sýningum á myndinni "A meðan land byggist" 2003 náði sá réttur aðeins til sýninga í sjónvarpi innanlands en ekki erlendis og mér skildist þá að þannig væri þetta yfirleitt, því að annars yrði sýningarrétturinn sem samið var um, margfalt dýrari. 

Þannig gerast kaupin á eyrinni og íslensku sjónvarpsstöðvarnar hafa ekki fjárhagslega burði til þess að kaupa rétt til þess að dreifa rándýru sjónvarpsefni til annarra landa þar sem áhorfendafjöldinn er um það bil 1500 sinnum meiri samtals en er hér á landi.  

[Gunnar Heiðarsson, 21.3.2018 kl. 09:46]

Það er nú ekki alskostar rétt hjá þér Ómar, að í umræðunni fyrir ofan þig vanti þetta atriði. Ef þú lest fyrri athugasemd mína, þá kemur einmitt fram í henni að ruv kaupi sumt efni með takmörkunum. Þær takmarkanir miðast við Ísland, en ætti auðvitað að miðast við íslenska skattgreiðendur, þá sem halda uppi ríkisútvarpinu.

Í dag er þessu framfylgt með því að einskorða útsendingar á þessu efni, gegnum netið, við íslenskar IP tölur. Þannig að ekki er hægt að njóta þess ef maður er erlendis og tengist erlendri IP tölu.

Þessu má auðvitað breyta. Bæði væri hægt að hafa gamaldags innskráningar inn á vef ruv, en tæknin í dag býður þó upp á enn einfaldari lausn, en það er að í stað þess að miða við IP tölur væri miðað við einkennistölu tölvunnar sjálfrar.

[Ómar Ragnarsson, 21.3.2018 kl. 14:08]

Bið þig afsökunar á þessari ónákvæmni minni. En ég sé ekki hvernig hægt er að búa til kerfi sem yfirfærir takmarkanir í samningum varðandi einkarétt RUV á Íslandi yfir í það að íslenskir ríkisborgarar geti fengið að skoða rándýrt efni (merkilegt nokk frá ríkisstyrktri erlendri sjónvarpsstöð) sér að kostnaðarlausu. 

Ég eyddi öllum eigum mínum á árunum 2001 til 2003 til að gera myndina "Á meðan land byggist" og myndi ekki hika við að fara í mál við RUV fyrir samnningsbrot ef sú mynd eða hlutar úr henni yrði sett á netið. 

Það furðulega er að þeir hinir sömu sem segja að markaðslögmálin eigi að ráða alfarið á öllum sviðum, krefjast þess að fá að nota ókeypis vörur þegar það hentar þeim sjálfum. Gjaldið sem RUV fær frá skattgreiðendum er lægra en hjá flestum hliðstæðum sjónvarpsstöðvum í hundrað sinnum fjölmennari löndum, og samt er þess krafist að RUV geri samninga við innkaup á efni fyrir sinn örmarkað sem myndu vera gersamlega ofviða nokkurri íslenskri sjónvarpsstöð, einkarekinni eða ekki. 

[Halldór Jónsson, 21.3.2018 kl. 18:47]

Hvað helvíti ertu fúll nafni minn  að sunnan.Ég hef ekki séð þig svona fyrr. Talvan mín er drasl það er rétt hjá þér og minnislítil.Og ég er ekkert  að tuða meira yfir þessu.

Ómar kemur með skýringu sem ég skil.´Deg get horft á allt annað efni ágætlega á tölvugarminn minn. Ég skil ekkert í bandvíddum eða svoleiðis tækni, þetta sem ég hef dugar mér alveg, sé fréttir og stundum kastljós, fæ og sendi póst og geri min viðskipti þetta reddast allt.

[Ragnhildur Kolka, 21.3.2018 kl. 23:25]

Svo gætirðu fengið þér spjaldtölvu og hlaðið niður VPN-appi og horft á allt sjónvarpsefni RÚV eins og þig lystir. Hvar sem er í heiminum og vegna nefskattsins er það fullkomlega löglegt.

Líklega þarftu ekki einu sinni að fá þér spjaldið. Þú getur hlaðið VPN inn á hvaða tölvu sem er.

[Halldór Jónsson, 23.3.2018 kl. 03:07]

Þú ert aldeilis tæknileg Kolka. Ég komst í það að  fá VPS sem er virtual Computeer sem er kopía af minni tölvu, hvernig virkar þitt VPN, ég kann ekki nóg.

[Ragnhildur Kolka, 23.3.2018 kl. 09:08]

VPN (eða Virtual Personal network) felur IP númer tölvunnar þinnar. Þú getur stillt hana þannig að erfitt er að finna út hvar þú ert staðsettur. Þú getur setið á veröndinni í Florida en stillt hana á Island og þannig komist inn á síður sem eru lokaðar fyrir þá sem eru ekki staddir á landinu. Ég nota ExpressVPN og borga $8~9 á mánuði, en fyrirtækin eru ótal mörg og sum ókeypis. Ég fékk mér þetta App þegar ég fór til Kína, því Kínverjar leyfa ekki aðgang að FB og Google. Ég stillti VPN á vesturströnd US og átti aldrei í neinum vandræðum með að tengjast netinu. Eins gefur þetta ákveðið öryggi þegar þú ert að tengjast neti t.d. Í flugstöð eða veitingahusi þ.s. hakkarar geta setið um notendur og stolið gögnum.