Hvernig væri að fara að hugsa um sjálfstæði Íslands?

í stað þess að hanga föst í gömlum gjörningum sem hafa aðeins umdeildum árangri skilað? Er ekki óþarfi að tala sífellt um tveggja stoða kerfi samningsins sem er greinilega aðeins að virka í aðra áttina.

Þorir Sjálfstæðisflokkurinn engu lengur í  sjálfstæðri tilveru? Þorir hann ekki lengur að hafa skoðun eða leita eftir henni meðal flokksmanna? Forystan talar bara um tveggja stoða kerfi sem er bara einhliða? En hvaða skoðun hafa flokksmennirnir á EES? Vill forystan ekki spyrja?

Svo segir í Mogga:

"Meiri­hluti þing­manna í neðri deild breska þings­ins hafnaði því í at­kvæðagreiðslu í gær að Bret­land skyldu sækj­ast eft­ir því að vera áfram aðili að Evr­ópska efna­hags­svæðinu (EES) eft­ir að landið hef­ur yf­ir­gefið Evr­ópu­sam­bandið.

Meiri­hluti lá­v­arðadeild­ar þings­ins hafði áður gert breyt­ingu á frum­varpi um út­göng­una þess efn­is að Bret­land yrði aðili að EES-samn­ingn­um eft­ir að hún hefði átt sér stað sem gert er ráð fyr­ir að verði í lok mars á næsta ári. Neðri deild þings­ins hafnaði því hins veg­ar með 327 at­kvæðum gegn 126 sam­kvæmt frétt breska rík­is­út­varps­ins BBC."

Hvernig væri að fara að hugsa um  sjálfstæði Íslands Sjálfstæðisflokkurinn minn? 

Athugasemdir

[Sigurður Þórðarson (IP-tala skráð) 14.6.2018 kl. 10:19]

Þörf hvatning til Sjálfstæðisflokksins. 

[Sigurður Þórðarson, 14.6.2018 kl. 10:21]

Þörf hvatning til Sjálfstæðisflokksins

[Símon Pétur frá Hákoti (IP-tala skráð) 14.6.2018 kl. 11:42]

Það er af því, Halldór minn, að gamli flokkurinn þinn hefur fyrir löngu yfirgefið grunngildi sín, nafn sitt og þig.  Hann hefur yfirgefið nær helming fylgis síns á síðustu gengnum 25 árum.  

Nær 1 % á ári hefur að sama skapi yfirgefið flokkinn, síðustu 25 árin, frá þeim tíma sem Davíð Oddsson skrifaði, sem forsætisráðherra, undir EES samningin .

[Sigurður Þórðarson, 14.6.2018 kl. 13:53]

Davíð Oddson hefur mikið lært á þessum 25 árum auk þess sem er ekki það sama þá og nú. Ég er þakklátur fyrir alla fullveldissinna hvar í flokki sem þeir standa, ekki síst Halldór Jónsson vin minn og sundfélaga.

[Símon Pétur frá Hákoti (IP-tala skráð) 14.6.2018 kl. 15:48]

Ágæti Sigurður

lítt hafði Davíð lært árið 2016, þegar blaðamaður hans á mbl.is  réðist af afbrýðisemi, heift og smekkleysi að ÓRG, vegna góðrar frammistöðu forsetans fyrrverandi í Icesave málinu:

  https://www.mbl.is/frettir/kosning/2016/04/19/olafur_i_hopi_med_einraedisherrum_2/

Hvað hefur hann lært síðan, 1% á dag kom skapi hans í lag í 14 daga, síðan helfraus það í kergju starfsmanns stórútgerðardrottningarinnar í eyjum. 

Hvað á hann skylt með heiðarlegum og sjálfstæðum mönnum, einyrkjum og smáfyrirtækjum, kaupmönnum á horninu, skipasmiðum, trillukörlum, heiðarlegum og dugmiklum millistéttarmönnum, þeim herskara sem áður var, burðarásum gamla Sjálfstæðisflokksins?

Allt er það horfið og hvarf í kjölfar hinnar glóbalísku ný-frjálshyggju og afleidda pilsfaldakapítalisma sem til með EES samningnum. 

En vað Halldór varðar, þá er ég þér sammála að hann er heiðarlegur að hafa þor til að spyrja ítrekað um það hvað varð um hans gamla flokk, það geri ég einnig og leita skýringa sem hann.  Hefur t.d. einhver þingmanna og ráðherra Sjálfstæðisflokksins staðið í eigin rekstri, á eigin fótum og það án stuðnings ríkisvaldsins?

Nei, þingmenn og ráðherrar Sjálfstæðisflokksins eru nær undantekningarlaust menn á besta aldri, á ríkisframfæri og kunna það eitt að skammta sjálfum sér rausnarlega úr ríkissjóði, samsekir og samtryggðir með forseta sínum, Steingrími J. og dýralækninum.  

[Halldór Egill Guðnason, 15.6.2018 kl. 01:00]

 Ég spyr þess sama og nafni minn Jónsson. Ég tek einnig undir með Símoni Pétri frá Hákoti. Sjálfstæðisflokkurinn er orðinn að stefnulausu rekaldi, enda þverr fylgið sem aldrei fyrr. Núverandi forysta er til einskis nýt. Trojuhestur kratismans hefur tekið yfir stjórn Sjálfstæðisflokksins. Forystan er samansafn af laumukrötum, sem best sést á því hve einarðlega hún berst fyrir því að innleiða valdaafsalsreglugerðarugl frá Brussel. Hafi þau öll skömm fyrir um aldur og ævi.

 Góðar stundir, með kveðju að sunnan.

[Símon Pétur frá Hákoti (IP-tala skráð) 15.6.2018 kl. 02:16]

Hvernig væri að fara að hugsa að sjálfstæði Íslands?

1)  Knýja núverandi ríkisstjórnarflokka til að setja í þjóðaratkvæðagreiðslu spurninguna um það hvort þjóðin vilji ganga í ESB, eða ekki, já eða NEI!  Ef þeir hafna að setja slíkt í þjóðaratkvæðagreisðslu verða þeir afhjúpaðir sem ESB sinnar og and-lýðræðissinar og þar með er horfinn grundvöllurinn undan hinni þinglegu stjórn, sem byggist jú, á lýðræðislegum kosningum. Enginn vafir leikur á að ríflega 2/3 vilja ekki að Ísland gangi í ESB.

2) Eftir að það mun liggja á hreinu, eftir þjóðaratkvæðagreiðsluna, að Ísland vill ekki ganga í ESB, þá gildir það sem vísir menn hafa sagt, að EES samningurinn var undanfarinn, eitraða peðið til að sölsa land og þjóð undir ESB.  En þar sem meirihluti þjóðarinnar segði afdráttarlaust NEI við ESB innlimunarferli, þá myndi skapast færi til að henda EES samningnum komplett beinustu leið á ruslahaugana.  Sömu leið færi Bjarni Vafningur Benediktsson, Guðlaugur Þór, Steingrímur loðinflákjaftur hinn þistilfirski og Sigurður Ingi laumu ESB sinni.

Nú er lag, nú er tími til að vakna!  

[Símon Pétur frá Hákoti (IP-tala skráð) 15.6.2018 kl. 02:24]

Kæru vinir

Svo mælti Styrmir nýlega:

Samþykkt Alþingis á persónuverndarlöggjöf ESB í gærkvöldi er líkleg til að hafa pólitískar afleiðingar til lengri tíma. Þingmenn Miðflokksins greiddu atkvæði gegn og það mun styrkja þann flokk til framtíðar. Þrír þingmenn Flokks fólksins sátu hjá og það mun sömuleiðis styrkja þá.

Með sama hætti mun marga undra af hve mikilli léttúð forystumenn Sjálfstæðisflokks, Framsóknarflokks og VG hafa haft að engu alvarlegar málefnalegar athugasemdir sem studdar hafa verið sterkum rökum þess efnis að um brot á stjórnarskrá lýðveldisinssé að ræða. Margir stuðningsmenn þeirra flokka munu spyrja, hvort þeim sem haga sér á þann veg, þegar sjálf stjórnarskráin er til umræðu sé treystandi fyrir öðrum hagsmunamálum þjóðarinnar.

Atkvæði þeirra, sem greiddu atkvæði með munu elta þá, sem þáafstöðu tóku,lengi.

Já, þau munu elta þá, allt þar til þeir munu flýja með skottið á milli lappanna.

Nú er lag, núr er tíminn upp runninn að herja á snákana með klofnu tungurnar.