Helga Vala tekur lygakeflið af Þorvaldi

Gylfasyni varðandi þjóðaratkvæðagreiðsluna um tillögur stjórnlagaráðs um nýja stjórnarskrá. 

Það frumvarp Þorvaldar var auðvitað ónothæft með öllu vegna vífillengjustíls hans og ruglandi og auk þess rökvillna þar sem hvað rak sig á annars horn í textanum.

Hann heldur því ítrekað fram að frumvarpið hafi verið samþykkt í þjóðaratkvæðagreiðslu með yfirgnæfandi meirihluta. Það er búið að margreka það ofan í hann að þátttakan var svo léleg að þrír fjórðu landsmanna greiddu ekki atkvæði.Ómerkilegheit prófessorsins eru hinsvegar með þeim hætti að hann hamrar lygina í tíma og ótíma væntanlega í stíl Jósefs Göbbelsar um að einhverjir trúi ef lygin er endurtekin nógu oft.

Það þarf engan  að undra að flokkssystir hans Helga Vala sem er ekki síður þekkt fyrir ómerkilegheit í málflutningi tekur upp flaggið fyrir meistara sinn.

Hún segir:

".... Nýja stjórnarskráin var borin undir þjóðina með þjóðaratkvæðagreiðslu 20. október 2012 hvar 73% kjósenda samþykktu að tillögur stjórnlagaráðs skyldu lagðar til grundvallar frumvarpi að nýrri stjórnarskrá.

Þjóðarviljinn var virtur að vettugi, enn bíðum við. Þegar rætt er um lítið traust á stjórnmálum tel ég fullvíst að þessi vanvirðing við þjóðarvilja eigi þar stærstan þátt. Það er ekki í boði að efna til þjóðaratkvæðagreiðslu og fylgja ekki niðurstöðunni.

Klárum málið og gefum þjóðinni nýja stjórnarskrá í fullveldisafmælisgjöf. Hún á það skilið".

Mér er raun að því að Mogginn minn virðist ekki hafa annað að gera við miðopnu sína en að birta svona endemis bullugreinar eftir þessa Helgu Völu, hvað þá ekki skrif eftir Björn Leví sem varla heldur þræði í skrifum sínum og hefur kostað þjóðina milljónatugi með bullufyrirspurnum sínum á Alþingi eins og til dæmis þá til Steingríms J. Sigfússonar um það hvaða óskráðar hefðir gildi á Alþingi og óskar eftir skriflegu svari.

Mogginn má vanda sig meira í því hvað hann ber á borð fyrir skyni borna lesendur sína.

Athugasemdir

[Þorsteinn Briem, 19.6.2018 kl. 11:35]

Þjóðaratkvæðagreiðslan 20. október 2012 er enn í fullu gildi.

"11. gr. Til þess að spurning eða tillaga sem er borin upp í þjóðaratkvæðagreiðslu teljist samþykkt þarf hún að hafa hlotið meiri hluta gildra atkvæða í atkvæðagreiðslunni."

Sem sagt ekki meirihluta þeirra sem eru á kjörskrá hverju sinni.

Lög um framkvæmd þjóðaratkvæðagreiðslna nr. 91/2010

Já sögðu 48 og enginn sagði nei

[Þorsteinn Briem, 19.6.2018 kl. 11:36]

Niðurstaða þjóðaratkvæðagreiðslunnar 20. október 2012:

1. Vilt þú að tillögur stjórnlagaráðs verði lagðar til grundvallar frumvarpi að nýrri stjórnarskrá?

Já sögðu 67,5%.

2. Vilt þú að í nýrri stjórnarskrá verði náttúruauðlindir sem ekki eru í einkaeigu lýstar þjóðareign?

Já sögðu 82,9%.

3. Vilt þú að í nýrri stjórnarskrá verði ákvæði um þjóðkirkju á Íslandi?

Já sögðu 57,1%.

4. Vilt þú að í nýrri stjórnarskrá verði persónukjör í kosningum til Alþingis heimilað í meira mæli en nú er?

Já sögðu 78,4%.

5. Vilt þú að í nýrri stjórnarskrá verði ákvæði um að atkvæði kjósenda alls staðar að af landinu vegi jafnt?

Já sögðu 66,5%.

6. Vilt þú að í nýrri stjórnarskrá verði ákvæði um að tiltekið hlutfall kosningarbærra manna geti krafist þess að mál fari í þjóðaratkvæðagreiðslu?

Já sögðu 73,3%.

[Þorsteinn Briem, 19.6.2018 kl. 11:41]

Í þjóðaratkvæðagreiðslunni 20. október 2012 um tillögur Stjórnlagaráðs að frumvarpi til stjórnarskrár var kosningaþátttakan 49%, um afnám áfengisbanns árið 1933 45% og um Sambandslögin 1918 44%.

[Þorsteinn Briem, 19.6.2018 kl. 11:41]

Enda þótt kosningaþátttakan í þjóðaratkvæðagreiðslunni 20. október síðastliðinn hefði verið 64%, þeir sem við bættust (38.513 kjósendur) hefðu allir verið andvígir tillögum stjórnlagaráðs og öll atkvæði þeirra gild, hefðu tillögur ráðsins samt sem áður verið samþykktar þar í heild.

Já við fyrstu spurningunni hefðu þá sagt, eins og 20. október síðastliðinn, 75.309 kjósendur, í þessu tilfelli 50,2% af gildum atkvæðum, en nei 74.815 kjósendur, eða 49,8%.

Gildir atkvæðaseðlar hefðu samkvæmt því verið samtals 150.124 en ógildir eins og áður 1.499, eða samtals 151.623 atkvæðaseðlar, og kosningaþátttakan því 64%, þar sem á kjörskrá voru 236.911.

[Þorsteinn Briem, 19.6.2018 kl. 11:43]

Meirihluti greiddra atkvæða ræður einfaldlega í þjóðaratkvæðagreiðslu um stjórnarskrá.

"The Twenty-eighth Amendment of the Constitution of Ireland permitted the state to ratify the Lisbon Treaty of the European Union.

It was effected by the twenty-eighth Amendment of the Constitution (Treaty of Lisbon) Act 2009, which was approved by referendum on 2 October 2009 (sometimes known as the Lisbon II referendum).

The amendment was approved by the Irish electorate by 67.1% to 32.9%, on a turnout of 59%."

Twenty-eighth Amendment of the Constitution of Ireland

[Þorsteinn Briem, 19.6.2018 kl. 11:44]

17.6.2004:

"Svisslendingar, Írar og Frakkar hafa ekki gert lágmarksþátttöku að skilyrði fyrir gildi þjóðaratkvæðagreiðslu."

"Engin skilyrði um lágmarksþátttöku [í þjóðaratkvæðagreiðslum] eru fyrir hendi á Írlandi og raunar má finna dæmi þess frá 1979 að breytingar á stjórnarskrá hafi verið samþykktar í kosningum með innan við 30% þátttöku."

"Franska þjóðin kaus um Maastricht-sáttmálann árið 1992 og árið 2000 var þjóðaratkvæðagreiðsla um styttingu á kjörtímabili forsetans úr sjö árum í fimm.

Engin skilyrði um lágmarksþátttöku voru í þessum kosningum og úrslit kosninganna árið 2000 voru bindandi, þrátt fyrir aðeins um 30% kosningaþátttöku."

Rúmlega 460 þjóðaratkvæðagreiðslur í Evrópu frá 1940

[Halldór Jónsson, 19.6.2018 kl. 11:59]

kjaftæði hjá þér Steini Briem. Þetta var úrskurðað ómarktækt.

[Óskar Helgi Helgason (IP-tala skráð) 19.6.2018 kl. 12:01]

Sæll Halldór jafnan - sem og aðrir gestir, þínir !

Halldór !

Ertu ENNÞÁ: sár út í Björn Leví Gunnarsson fyrir, að hafa náð að opinbera stórþjófnaði Steingríms J. Sigfússonar (frá árinu 1983 að telja:: vel, á minnst) undir yfirskyni meints húsnæðis kostnaðar Steingríms / sem og Benzínþjófnaði Ásmundar ökumanns Friðrikssonar, undanfarin ár og misseri ?

Er það ekki skelfilegt Halldór minn - að Píratinn Björn Leví, skuli dirfast, að líta undir mottur sjálftökuliðsins ?

Næsta verkefni Björns Leví´s: mætti alveg vera, að safna saman upplýsingum um, hvað skrautfígúran Guðni Th. Jóhannesson suður á Bessastöðum á Álptanesi: mannleysa, sem þorir ekki að svara ÓÞÆGILEGUM Tölvupóstum mínum né annarra, kosti samfélagið á ársgrundvelli, ekki síður en aðrar skrautfjaðrir í íslenzkri stjórnsýslu.

Ekki þar fyrir - alveg má að skaðlausu, punda hressilega á þau Þorvald Gylfason og Helgu Völu Helgadóttur, engu að síður.

Hvorutveggju: kerfisfólk, sem eiga alveg sínar ágjafir skildar / ekki síður en þau hin mörg hver, fornvinur góður.

Með beztu kveðjum: sem oftar, af Suðurlandi / 

[Símon Pétur frá Hákoti (IP-tala skráð) 19.6.2018 kl. 12:40]

Fullveldisafsalið er nú þegar á fullu Halldór

með fulltingi þingmanna og ráðherra hins svokallaða Sjálfstæðisflokks, Vinstri grænjaxla og dýralæknis maddömunnar.

Hví að eyða orku í að þrasa um nýju stjórnarskrána

þegar stjórnvöld þverbrjóta þá núverandi?

Er ekki meira virði að hamra á því, en að þrasa um frau Helgadóttur og herr Gylfason?

[Halldór Jónsson, 19.6.2018 kl. 12:52]

Ég var löngu búinn að benda á Steingrím áður en Björn Leví birtist

[Halldór Jónsson, 19.6.2018 kl. 12:53]

Símon, þau eiga ekki að komast upp með lygarnar þetta Marðarpar.

[Símon Pétur frá Hákoti (IP-tala skráð) 19.6.2018 kl. 13:00]

Get svo sem tekið undir það, en ítreka mikilvægi þess að afhjúpa marðarhátt núverandi stjórnarflokka.  Skinhelgir skrattakollar eru ætíð verri en andskotinn sjálfur.  Þeir ástunda marðarháttinn.

[Sérspakur (IP-tala skráð) 19.6.2018 kl. 20:09]

Eru hlið hælisins galopinn Steini breim er allava sloppinn út,var það Dagsverk qð opna vitfirringahælið

[Hörður Þormar (IP-tala skráð) 19.6.2018 kl. 20:42]

Ef ég skil núverandi stjórnarskrá rétt, þá er ekki hægt að breyta henni nema með tvöföldu samþykki alþingis, þar sem alþingiskosningar fara fram í millitíðinni.

Kosningarnar í október 2012 fjölluðu því í raun og veru aðeins um tilmæli til alþingis um að samþykkja tillögur stjórnlagaráðs. Formlega séð skiptir því ekki máli hvort kjörsóknin var 50 eða 100%. Ákvörðunin hlaut að vera í höndum alþingis.

En auðvitað hefði þrýstingur á alþingi til að samþykkja tillögurnar verið meiri, hefði kosningaþáttakan verið meiri og fleiri stutt þær.