Leita í fréttum mbl.is

Miðopna Moggans

heldur áfram að pirra mig.

Þar birtir blaðið skrif pópúlista á Alþingi. Sem þar engu ráða sem betur fer. Björn Leví, Benedikt Jóhannesson, Helga Vala og ámóta mannvitsbrekkur  eru þar fastagestir.

Og í dag toppar þar svo  Inga Sæland.

Hún segir:

"Verkefni kjararáðs var að ákveða laun og starfskjör þjóðkjörinna manna og æðstu embættismanna. Kjararáð tók til starfa 1. júlí 2006 og starfaði þá samkv. lögum nr. 47/2006. Síðar samkvæmt lögum nr. 130/2016 með síðari breytingum, þau lög tóku gildi 1. júlí 2017. Með nýju lögunum var þeim fækkað sem heyrðu undir úrskurðarvald kjararáðs um laun og starfskjör.

Sjaldan hefur almenningur fundið sig eins lítilsvirtan og fótum troðinn og þegar kjararáð birti launahækkanir sínar til þjóðkjörinna manna og æðstu embættismanna á kjördag, 29. okt. 2016. Þar námu launahækkanir allt að 46%. Launahækkanir sem voru afturvirkar í allt að 18 mánuði og skiptu milljónum í kjarabætur til þeirra sem nutu.

Við skulum ekki gleyma því, að stór hluti þjóðarinnar er enn í sárum eftir hrunið, þar sem þúsundir fjölskyldna hafa misst heimili sín og eiga enn um sárt að binda. Það er í raun með hreinum ólíkindum hvernig stjórnvöld geta lokað augunum og látið sem ekkert sé. Stjórnvöld sem firrast ekki við að maka krókinn á kostnað þeirra sem höllustum fæti standa. Kjararáð lagt niður Þann 11. júní sl. var samþykkt af Alþingi að leggja kjararáð niður. Forsætisráðherra sagðist vonast til að með því muni skapast aukin sátt á vinnumarkaði.

Þremur dögum síðar, fimmtudaginn 14. júní, var fundur í kjararáði í Skuggasundi 3 í Reykjavík. Fundurinn var haldinn af Jónasi Þór Guðmundssyni, Huldu Árnadóttur og Svanhildi Kaaber. Fyrir var tekið að ákveða laun og starfskjör fyrir ýmis störf sem heyrðu undir kjararáð. Nánar tiltekið var um að ræða 48 erindi um einstök störf. Já, það var greinilega ekki mikill tími til stefnu.

Þrír dagar frá því að Alþingi ákvað að leggja kjararáð niður og rétt um hálfur mánuður þar til þau lög tækju gildi. Hvað tekur við? Það er eitt að leggja niður kjararáð í þeirri viðleitni að slökkva eldana í samfélaginu sem stjórnvöld ein hafa kveikt, en það er annað að leggja á borðið hvað eigi að koma í staðinn.

Hvernig munu starfskjör þjóðkjörinna manna og æðstu embættismanna verða ákveðin í framhaldinu? Mun sjálftakan blómstra sem aldrei fyrr eða mun eitthvað skárra koma í staðinn?

Við fengum nýverið upplýsingar um, hvernig ofurlaun hafa fengið að hækka um allt að 58%. Tvær ríkisstofnanir hækkuðu laun stjóra sinna um allt að 1,2 milljónum kr. á mánuði. Laun þeirra voru þó, fyrir hækkun, hærri launum forsætisráðherra.

(Landsvirkjun/Landsbanki Íslands).

Það eru um 120 virkir dagar þar til verkafólkið okkar stígur fram og krefst réttlátra kjarabóta. Hvað ætla stjórnvöld að gera í því? Stjórnvöld sem hafa lagt fordæmin að því, sem koma skal. "

Hvað halda menn að Inga Sæland myndi gera í komandi kjarasamningum ef hún réði?

Ég man þegar Ólafur Jóhannesson sagði atvinnurekendum að stinga sér til sunds þó þeir sæju ekki til lands.  Verðbólgan hélt áfram til þjóðarsáttar.

Hvaða sund ætli Inga Sæland myndi synda í haust ef hún væri komin í stjórn? Kafsund, Björgunarsund, Hundasund, Bakksund?

Ekki gerir hún tillögu um neinar breytingar á gerðum hlutum. Ekki ætlar hún að lækka hjá sér enda langsoltin. Ekki gerir hún heldur neinar tillögur til sátta. 

Það birtist fátt sem máli skiptir á þessari Miðopnu Moggans við hliðina á Leiðaranum.

Á hvorri hliðinni á miðopnunni eigum við lesendur að taka meira mark?

 


« Síðasta færsla | Næsta færsla »

Athugasemdir

1 Smámynd: Hörður Þormar

Ósköp væri það nú leiðinlegt og þreytandi að sjá ekki né heyra neitt annað en það sem maður er fullkomlega sammála um.

Um hvað ætti maður þá að þrasa?cry

Hörður Þormar, 11.7.2018 kl. 16:41

2 identicon

Öll hlutabréf á hraðri niðurleið, þannig að það verða margar fjöldauppsagnir hjá fyrirtækjum í haust. Verðbólgan fer í hæstu hæðir og ferðamenn hætta að koma. Er nema von að háskólamenntað fólk reyni að tryggja sig upp fyrir kjör sauðsvarts almúgans (sem eru nú flestir útlendingar hvort sem er) 

Það væri nú gaman að grafa upp hvort það séu meir en 90% kjósenda VG með háskólamenntun sem meta á til hærri launa enda fer enginn sem skoða hefur launtöflur í iðnnám á Íslandi.

Varðandi hana Ingu þá er þetta alltaf sama ræðan hjá henni um að á Íslandi hafi smælingarnir það verst af öllum í heiminum - en er það svo?

Grímur (IP-tala skráð) 11.7.2018 kl. 17:20

3 Smámynd: Halldór Jónsson

Já, enda grenjaði hún sig inn á þing af þeirri vandlætingu og fólk trúði henni. Nú heldur hún sömu tuggunni áfram en sjá ekki allir að sá  smælingi sem batnaði verulega hjá er hún sjálf? Sérðu fleiri Grímur?

Halldór Jónsson, 11.7.2018 kl. 17:28

4 identicon

Miðopnan.

Hvernig gæti miðopna Morgunblaðsins flutt efni sem gæti glatt góðan vin minn Halldór verkfræðing.  Ég er með hugmyndir !

Ef miðopnan stuðlaði að því að þjappa þjóðinni saman til að standa vörð um landið okka og gæði þess. Þjóðin vill ekki selja landið okkar til útlendinga.

  Samstöðu þarf til að mæta skoðun sem dómsmálaráðherra dreyfði yfir þjóðina í sjónvarpsfréttum, þar sem hún tjáði sig og sá ekkert athugavert við að selja landið til útlendinga.

  Framundan er ógn frá ESB "Raforkulög " Í þeirri kröfu ESB er farið fram á mikið framsal á sjálfstæði Íslands.  þá má nefna að Ísland hefur væntanlega  nýverið framselt vald þ.e í sambandi við  persónuvermdarlögin.

Áfram væri hægt að tíunda, en gott í bili ef ókomnar miðopnur Moggans gætu glatt  vin minn.

Eðvarð L. Árnason (IP-tala skráð) 11.7.2018 kl. 18:40

5 Smámynd: Halldór Jónsson

Til hvers andskotans er Mogginn að birta þetta helvítis bull eftir þessa þingmenn sem ekkert hafa fram að færa annað en landsölu og fullveldisframsal til viðbótar við almennu Pírataheimskuna og illgirnina sem ekkert framleiðir fyrir landa og lýð.

Halldór Jónsson, 11.7.2018 kl. 19:55

6 Smámynd: Halldór Egill Guðnason

 Kæri nafni.: Til að geta verið á móti einhverju, þarf maður fyrst að vita hvað það er, ekki satt? ;-)

 Góðar stundir, með kveðju að sunnan.

Halldór Egill Guðnason, 13.7.2018 kl. 01:49

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Halldór Jónsson
Halldór Jónsson

verkfræðingur, flugdellukall, tennis-og badmintonspilari

-ekki góður í neinu af þessu-

Heimsóknir

Flettingar

  • Í dag (29.3.): 1
  • Sl. sólarhring: 4
  • Sl. viku: 44
  • Frá upphafi: 3417961

Annað

  • Innlit í dag: 1
  • Innlit sl. viku: 41
  • Gestir í dag: 1
  • IP-tölur í dag: 1

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband