Íslenskur einfeldningur

er Guðmundur Steingrímsson fyrrum leiðtogi lands og lýðs.

Hann setur saman eftirfarandi dellu í Fréttablaðinu í gær:

"....Fullveldið

Annað dæmi:

Donald Trump er lýðræðislega kjörinn forseti Bandaríkjanna. Og jú, maður skal bera virðingu fyrir því. En upp að hvaða marki gildir það? Það að hann hafi verið kjörinn breytir því ekki, að Donald Trump er að margra mati talsmaður ógeðslegra skoðana, sundrungar, mannhaturs, fordóma og fávitaskapar.

Við lifum á tímum þar sem það er beinlínis ógnarmikilvægt að fólk líti einmitt ekki svo á að Donald Trump eigi rétt á virðingu bara vegna þess að hann var kosinn. Ætti hann að flytja hátíðarræðu? Það finnst mér ekki.

Donald Trump og hans stuðningsfólk á að finna fyrir því að stefna hans er ekki almennt viðurkennd. Um hana ríkir engin sátt. Hún er ógeð. Í krafti lýðræðis gefst fólki færi á að segja einmitt það. Alltaf. Sama gildir um Piu Kjærsgaard.

Danski þjóðarflokkurinn fékk 21% atkvæða í síðustu þingkosningum í Danmörku, rétt er það. Hann varð annar stærsti flokkurinn. Og jafnaðarmenn tóku upp kynþáttahyggju. Gott og vel. Geri Danir þetta. Verði þeim að góðu. En eigum við að bugta okkur og beygja fyrir því? Mega íslenskir þingmenn ekki láta andúð sína á þessari þróun í ljós, og það á helgireit síns eigin lýðræðis? Þótt Danmörk breytist í einhvers konar rasistaland þarf Ísland ekki að gera það líka. Við erum jú fullvalda."

Páll Vilhjálmsson bloggkóngur skrifar svo um staðreyndir:

"88% stuðningur við Trump

Trump Bandaríkjaforseti er með 88% stuðning flokksmanna Repúblíkanaflokksins, samkvæmt könnun Wall Street Journal. Aðeins Bush yngri forseti getur státað af viðlíka stuðningi flokksmanna í eftirmála árásarinnar á tvíturnana í New York 11. september 2001.

Vikan átti að vera Trump erfið vegna deilna um leiðtogafundinn við Pútín Rússlandsforseta og meint afskipti Rússa af forsetakosningunum 2016.

Meðal kjósenda almennt mjakast fylgi Trump upp á við, þótt hann skori lágt miðað við forvera sína í embætti í nútímasögu Bandaríkjanna.

Traust kjarnafylgi meðal flokksmanna er sterkasta vísbendingin um hvort flokkurinn tilnefnir sitjandi forseta til framboðs við næstu forsetakosningar, eftir tvö ár."

Merkilegt að að gera sér ljóst að margir Íslendingar skuli hafa haft þá trú á vitsmunum Guðmundar Steingrímssonar að þeir skuli hafa gert hann að leiðtoga lífs síns.

Hvaðan kemur þessum litla manni þessi yfirburða speki til að greina leiðtoga miklu stærri kjósendahópa til að vera með þeim endemum sem hann lýsir?

Eða er þetta bara íslenskur einfeldningur?

Athugasemdir

[Ómar Ragnarsson, 24.7.2018 kl. 10:59]

Það er ekkert samasemmerki varðandi það að því stærri, sem þjóðir eru, því betri leiðtoga kjósi þær sér. 

Meirihluti Þjóðverja kaus sér til dæmis leiðtoga á fjórða áratug síðustu aldar sem var sá versti í nútímasögunni. 

Svo má minna á það að tæplega þremur milljónum fleiri bandarískir kjósendur greiddu Hillary Clinton atkvæði sitt heldur en Donald Trump. 

Ekki finnst mér það málefnalegt að kalla Guðmund Steingrímsson lítilmenni. 

[Halldór Jónsson, 24.7.2018 kl. 12:57]

Litli maður er ekki sama og lítilmenni. Talaði ekki Albert vinur okkar gjarnan um litla manninn?

[Halldór Jónsson, 24.7.2018 kl. 13:08]

Svo má minna á það að tæplega þremur milljónum fleiri bandarískir kjósendur greiddu Hillary Clinton atkvæði sitt heldur en Donald Trump. 

Þið demokratar þreytist seint á að hossa þessum líklega mesta idjót sem komið hefur nálægt utanríkismálum Bandaríkjanna. Lét myrða Gaddafi með öllum þeim afleiðingum. Allt af því að þið eruð með Trumpofóbíu af því að þið þolduð ekki að tapa samkvæmt öllum leikreglum réttum.

Þá haldið þið áfram rógburði og lygum í það endalausa. það væri líka hægt að rifja upp glæpaverk Clintonhjónanna sem eru orðuð við bæði  mörg morð og sjálfsmorð. þjófnaði og fjármálaglæpi en við nennum því yfirleitt ekki.

[Sigurður Kristján Hjaltested, 24.7.2018 kl. 16:55]

Svo sammála þér Halldór.

Svo má ekki gleyma því að það var Clinton

sem afnám lögin varðani banka og fjárfestingarfélög

sem sett voru á eftir hrunið 1929.

Þar með var úlfunum á Wallstreet sleppt lausum sem

varð upphafið af hruninu 2008.

Allt í boði vinstra hyskinsin sem aldrei getur

viðurkennt, að þeirra aðferðir leiða bara til

fátæktar, upplausnar og sundrungu meðal þjóða.

Nægir að benda á Venezuela. Draumaaland vinstirmanna.

Eitt ríkasta land í Suður-Ameríku, en allt í klessu

vegna vinstri óstjórnar. Af nógu er af taka.

Það er ennþá í fullu gildi frá 1974 þegar

Sjálfstæðismenn auglýstu "Varist vinstri slysin"

[Halldór Jónsson, 24.7.2018 kl. 17:17]

Það er verst Siggi vinur, að Sjálfstæðisflokkurinn virðist búinn að gleyma þessu sjálfur eða hvað?

[Hrólfur Þ Hraundal, 24.7.2018 kl. 20:03]

Steingrímsson reyndi ýmsa flokka í þeim einum tilgangi að geta verið formaður í góðum jakkafötum eins og pabbi.

 Hann fór sem samfylkingar maður og stofnaði bjarta farmtíð í þeim tilgangi að geta verið formaður og auðvita fá tveir samfylkinga flokkar meiri pening frá okkur launþegum heldur en einn.  

Ríkisstyrkur til flokka sem aldrei hafa sannað sig og hafa þann eina tilgang að komast að ríkisjötunni er eitt með því kjánalegasta sem sjálfstæðisflokkurinn hefur látið plata sig til.  

[Halldór Jónsson, 25.7.2018 kl. 12:44]

Banabiti flokksins okkar gamla Hrólfur. Hinir hefðu drepist úr ófeiti ef við hefðum ekki fíflast í þetta með þeim.