Er komin gjá?

á milli flokks og fólks?

Styrmir Gunnarsson hugleiðir iðulega málefni Sjálfstæðisflokksins og er ekki alltaf myrkur í máli.Hann segir á síðu sinni:

"Sú var tíðin að sjálfstæðismenn voru annar stærsti hópurinn á ASÍ-þingum. Það var þegar Sjálfstæðisflokkurinn lagði mikla rækt við starf í verkalýðsfélögum. Það er liðin tíð en engu að síður væri áhugavert að fá fram sjónarmið verkalýðstengdra sjálfstæðisfélaga til núverandi stöðu á vinnumarkaðnum."

Hvar er þetta samstarf við launþega statt núna? Á tíma Guðmundar H. Garðarssonar og Magnúsar Sveinssonar vissi maður þetta alveg.

Vissulega hefur Bjarni Benediktsson náð eyrum margra með hófsamri röksemdafærslu. En prédikar hann nógsamlega fyrir lýðnum til að upptendra áheyrendur?

Ég leiði stundum líka hugann að gengisleysi flokksins míns gamla. Af hverju nær hann engu hugsjónasambandi við fólki lengur? Hann inspírerar engan lengur en er bara í vörn fyrir sérhagsmunaásökunum og spillingarbrigslum.  Það er eins og að engir hugsjónamenn sér lengur í boði heldur bara pennasköft sem eru í makindum í stjórnkerfinu. Grasrótarstarf virðist næsta lítið vera nema meðal eldri Sjálfstæðismanna sem Halldór Blöndal leiðir. Flokkurinn hreyfist ekki í fylgi og hreyfir heldur engan til fylgis við sig.

Og svo er þessi spurning um þjónkunina við EES og Evrópusambandið? Er flokkurinn ekki búinn að festa sig í skoðunum sem almennum flokksmönnum ekki geðjast? EES fylgið sé ekki lengur það sama og forystusveitin heldur samanber Persónuverndarlögin? En þetta er ekki rætt heldur er bara þagað.

Er komin þessi gjá milli flokks og fólks?

Athugasemdir

[Gunnar Rögnvaldsson, 31.7.2018 kl. 13:20]

Já gjá í xD.

Sama gjá er í NATO.

Sama gjá er í ESB.

Sama gjá er í NAFTA.

Sama hjá er í Sþ.

Sama gjá er í WTO.

Sama gjá er í S um allan heim.

Sama gjá er í VG um allan heim.

Sama gjá er í B.

Sama gjá er í C, því Viðreisn er gjáin sjálf.

Þetta er gjáin sem glóballarliðið gróf sér gegn kjósendum um allan heim, frá 1945 til 2008

Hér er allt á leið í loft upp og fátt mun lenda aftur eins og síðast. Það er víst.

Ef xD tekur sig ekki á, þá er það dauðinn.

Kveðjur

[Símon Pétur frá Hákoti (IP-tala skráð) 31.7.2018 kl. 14:39]

Fylgishrun Sjálfstæðisflokksins á sér augljósar skýringar.  Með sama áframhaldi má hann prísa sig sælan að slefa í 19,7% fylgi í næstu kosningum, og þær verða miklu fyrr en síðar, VG mun springa á limminu áður en árið er úti.  Já, Halldór minn, það er komin gínandi og hvínandi gjá milli sjálfstæðra manna og Sjálfstæðisflokksins.  Það sjá allir sem vilja sjá.  Lausnin?  Skipta í einum hvínandi hvelli um alla forustu flokksins.