G-mjólkin

er úrvals framleiðsla MS.

Mikil framför hefur orðið í umbúðum mjólkur síðan hyrnurnar komu sem við neytendur lofum og prísum.  Nú eru úrvals brúsar með skrúfuðum tappa utanum margar mjólkurvörur. Nema G-mjólkina í 1 lítra stærðinni.  Hún er í ferhyrndum brúsa með furðulegum ventli sem er lokað með silfurbréfsloki. Sem er sosum ágætt nema að það er verulega erfitt fyrir okkur klaufana að ná í flipann til að rífa hann opinn. Ef það tekst er sosum allt í lagi. En oftar lendum við í basli með þetta. 

En ef þessi vara væri fáanleg í venjulegum 1-lítra Tatra-Pak brúsum með skrúfuðum tappa eins og hinar mjólkirnar þá myndi ég kaupa hana frekar svoleiðis.

Flestar afurðir hjá MS eru til alþjóðlegrar fyrirmyndar að frágangi. Hversvegna ekki líka G-mjólk í notendavænum 1-lítra umbúðum?

Athugasemdir

[Gunnar Rögnvaldsson, 28.8.2018 kl. 20:40]

Vel athugað Halldór.

MS hefur því miður þynnt fernu-pappírinn sem heldur utan um alla hina góðu mjólk Íslands þannig að fernan lyppast oft saman í höndum manns. Þeir hafa líka þynnt pappírinn utan um smjörið þannig að nú er þynnri pappír utan um 500 grömm af Smjöri en er utan um 250 grömm af dönsku Lurpak smjöri. Þarna er MS að segja við neytendur að fyrirtækið sé hætt að bera virðingu fyrir innihaldinu. Þetta er vöruníð.

Besta smjör í heimi á skilið bestu umbúðirnar - og mjólkin líka. Að þurfa að standa með sundurtættar umbúðir þegar maður höndlar íslenska smjörið er fáránlegt.

Hvar er vitið í þessum MS-mönnum?

[Gunnar Rögnvaldsson, 28.8.2018 kl. 23:51]

Smjörvaumbúðirnar hafa líka verið þynntar. Og þær leka þegar það hitnar í veðri. Það sést í gegnum hornin á umbúðunum, svo þunnar eru þær orðnar.

Oft er það merkilega mikið sem einn afglaði getur gert einu fyrirtæki. Gæðastjórnin er greinilega ekki nógu góð hjá MS og heldur ekki vörumerkjastjórnunin. Ísinn frá þeim er til dæmis kominn í fælniílát. Fólk óttast ísinn, því umbúðirnar utanum um hann geisla hryllingi.

Svo finnst mér að það eigi að banna öllum nema viðurkenndum verslunum sem uppfylla viss skilyrði að selja íslensk lambakjöt. Neiti þær því, þ.e. að uppfylla skilyrðin, þá á Landbúnaðarslátrarinn að opna íslenska landbúnaðar-verslun við hliðina á þeim. Of margar verslanir fara með íslenska lambakjötið eins og hundamat.

[Halldór Jónsson, 29.8.2018 kl. 08:20]

Glöggur ertu Gunnar og athugull. Ekki hafði ég tekið eftir neinu af þessu.

Ég hef verið fullur aðdáunar á MS og finnst þar flest til fyrirmyndar. MS Ístoppurinn er orðinn hálfrar aldar gamall og er hrein snilld. Ostarnir eru orðnir þeir bestgu í heimi. verðum við ekki að viðurkenna það sem vel er gert?

[Gunnar Rögnvaldsson, 29.8.2018 kl. 11:05]

Ekki get ég séð að sameining mjólkurbúa hafi haft jákvæð áhrif hér Halldór. Kaupfélag Skagfirðinga er með minnst jafngóðar umbúðir utan um afurðir sinna bænda.

En samkeppnin er of lítil á milli mjólkurbúa og landshluta hver með sitt bragð, af því að þau eru of fá, og sést það best á því að sama bragðið er af öllum ostum, því aðeins einn eða tveir ostapottar eru til á Íslandi: næstum öllu alls staðar frá af landinu er hellt í einn og sama pott. Ostarnir eru góðir í sínum gouda flokki fyrir milda og bragðlitla brauðosta. En hafðir þú keypt hina meira þroskuðu osta þeirra um jól og páska þá skilur þú kannski hvað ég á við. Mér finnst vel þroskaðir gouda-ostar mjög góðir. En ég neyðist til að setja þá á 4 mánaða lager í mínum eigin ísskáp til að fá meira bragð. Þeir eru ekki nógu þroskaðir. Hér má gera miklu betur og auka breiddina.

MS á eftir 100 km í það að geta kallast sýnandi því hráefni sem bændur skaffa þeim nógu mikla virðingu og vörugæsku.

Öll þessi sameining var og er ekki góð fyrir neytendur. Fátækt sest að eins og í Evrópu þar sem einn maður stýrir oft því hvað heilar þjóðir borða: innkaupastjórar í einokunarbransa matvöruverslana, þar sem fyrirbæri eins og Arla-mafía ræður ríkjum og sem pínir bændur út á gaddinn.

Og svo eru sumar afurðarstöðvar í okkar góða lambakjöti hættar að kunna að skera kjöt og við skulum ekki minnast á umbúðirnar þar. Þar eru menn enn hagnandi á fjórum fótum í trjám.

[Már Elíson, 30.8.2018 kl. 08:45]

Nú er ráð að senda þessar umkvartanir beint til föðurhúsanna. - Þar fyrst gæti verið von um bætur á málunum.

[Halldór Jónsson, 30.8.2018 kl. 10:51]

Gunnar, þú kemur mér enn á óvart vegna yfirmátalegrar vöruþekkingar þinnar sem skilja mig gersamlega eftir.