Viðskipti eiga að vera frjáls

og vera hagkvæm fyrir báða aðila, seljanda og kaupanda. Ekki þvinguð fram með hótunum.

Ég held að best sé að hafa frjálst verðlag og viðskipti með gjaldmiðla sem annað. Verð á krónunni eru bara viðskipti, góð fyrir almenning í bílakaupum og innkaupum þegar fleiri sent fást fyrir krónuna en verra fyrir túristabúllurnar og 40 dollara plokkfisksalana.

Vaxtakostnaður ræðst bara af framboði og eftirspurn. Ef norsk húsnæðislán eru miklu hagstæðari en verðtryggð Íbúðalánasjóðslán nú þá leita menn eftir láni í norskum krónum.Fjármálakerfið á að vera alþjóðlegt en norska innanríkis-og niðurgreiðslupólitík ráðum við auðvitað síður við.

Varðandi EES og hótanirnar um að ESB leggi tolla á fiskinn okkar ef við ekki hlýðum öllu sem þeir segja, þá finnast mér að slík viðskipti sem eru gerð meðan samningsaðilinn miðar á þig byssu heldur ógeðfelld.  Viðskipti eiga að hafa kosti fyrir báða aðila. Að halda því fram að þetta ástand séu kostir EES samningsins finnast mér heldur haldlítil rök. En það skilja íslenskir stjórnmálamenn líklega seint sem trúa á paragröff samin af öðrum þjóðum.

Viðskipti eiga almennt að vera frjáls á jafnréttisgrunni og innkaupaaðilinn á að sækjast eftir því að gera samninga við geðfelldan seljanda og þar eiga menn ekki sífellt að vera með hundshaus.

Athugasemdir

[Símon Pétur frá Hákoti (IP-tala skráð) 17.9.2018 kl. 15:09]

Vel mælt Halldór.

Varðandi EES og hótanirnar um að ESB leggi tolla á fiskinn okkar ef við ekki hlýðum öllu sem þeir segja, þá finnast mér að slík viðskipti sem eru gerð meðan samningsaðilinn miðar á þig byssu heldur ógeðfelld.

Við munum fylgjast vel með þeim vesalingum, þingmönnum og ráðherrum, sem láta ræna þjóðina fullveldi sínu og þar með öllum samningsrétti sínum.  Perat!

[Þorsteinn Siglaugsson, 17.9.2018 kl. 15:53]

Er ekki rétt að fólki sé þá líka frjálst að nota það sem það vill sjálft sem gjaldmiðil? Er einhver þörf á að ríkisvaldið sé yfirleitt að standa í því að gefa út gjaldmiðla?

[Halldór Jónsson, 17.9.2018 kl. 18:30]

Það er í raun öllum frjálst að gefa út gjaldmiðil Þorsteinn. Við í Steypustöðinni í gamla daga á tímum verðbólgu gáfum út steypukrónur í formi inneignarkvittana ssem sögðu að fyrirtækið myndi afhenda gegn þeim tiltekinn fjölda teningsmetra af steypu á næsta ári til dæmis. Það var alger slagur af fólki með koffort af peningaseðlum frá Nordal sem vildi svona kvittanir, algerlega ótryggðar nema af oprðspori fyrirtækisins sem var þekkt fyrir áðreiðanleika,Sjáið þið mörg fyrirtæki í dag leika þetta eftir? 

Meira að segja sýslumenn tóku þessar kvittanir upp í skatta fólks. Þær fúnkeruðu þannig alveg eins og reiðufé.

Fólki er frjálst að nota hvað sem er í viðskiptum sín á milli ef nægilegt traust er fyrir hendi. Er eitthvað meira á bak við 5000 kallinn frá Seðlabanka Íslands í dag  heldur en skriflegt loforð heiðarlegs aðila um að afhenda eitthvað á ákveðnum degi? 

Farseðill frá flugfélagi um flug næsta sumar?

[Þorsteinn Siglaugsson, 17.9.2018 kl. 20:46]

Inneignarkvittun er samt ekki gjaldmiðill Halldór. Gjaldmiðill þarf að vera nothæfur til að kaupa fleira en eitthvað eitt. Og ég veit ekki betur en að ríkisvaldið hafi tekið sér einkarétt til að gefa út gjaldmiðla, því miður.

[Halldór Jónsson, 17.9.2018 kl. 20:59]

Nei Þorsteinn

kvittanirnar gengu milli manna alveg eins og seðlar Seðlabankans.

Þú getur prófað þetta sjálfur. það er að segja ef fólk þekkir þig og treystir.

[Símon Pétur frá Hákoti (IP-tala skráð) 18.9.2018 kl. 11:27]

Fylgi Sjálfstæðisflokksins mælist nú komið niður í 21%  Helsta skýringin á hruni flokksins er að hann hefur svikið almenna flokksmenn sem héldu að þeir væru að kjósa flokk sem vildi ekki innlimun í ESB, en er nú sem nakti keisarinn.  Æ fleiri sjá hið augljósa.  Traustið er endanlega að hverfa. Því um traust snýst þetta allt og forystu og þingmönnum og ráðherrum Sjálfstæðisflokksins er ekki treystandi.  

Og fari svo sem allt bendir til, þá mun fylgið hrynja niður í max. 18%.  Það gengishrun er vesældómi þingmanna og ráðherra flokksins einum um að kenna.

[Halldór Jónsson, 18.9.2018 kl. 21:28]

Símon Pétur

ég fer í Valhöll að hlusta á Bjarna Benediktsson útmála kosti 3. Orkupakkans kl 12 á morgun. Komdu þangað og látum okkur hittast.

[Símon Pétur frá Hákoti (IP-tala skráð) 19.9.2018 kl. 10:27]

Sæll Halldór, það hefði ég gjarnan viljað.

Er staddur út á landi núna og næði ekki fyrir hádegið, þó ég keyrði á 220 km. hraða.

En koma dagar, koma ráð.  Segið Bjarna hið augljósa:  

Flokkurinn er að hrynja, kjósendur flýja hann.

Flokkinn sem áður var með allt að 45% fylgi.

65% landsmanna eru andvígir inngöngu Íslands í ESB.

Einungis 21% myndu nú kjósa flokkinn.

Fólk sér hið augljósa.  Það treystir ekku lengur forystu flokksins.