Dömufrí

er mikil nauðsyn að taka upp almennt í ljósi þessa sífellda ágangs karlpeningsins gagnvart konum sem engan kynferðislegan áhuga hafa.

Þegar ég hugsa til baka hvernig maður hegðaði sér á dansæfingum í MR. Búinn að tendra sig upp á brennivíni og Camelsmók bauð maður stelpunum upp og reyndi allt til að vanga þær og trukka og helst að komast í sleik. Þessi hegðun myndi koma í veg fyrir að ég yrði samþykktur í embætti ef Trump myndi vilja hygla mér eins og Kawanough eða hvernig það er stafað. Sá kall hegðaði sér eitthvað svona á menntaskólaböllum fyrir einum þrjátíu árum. Nú ætla demókratarnir að nota það til að hindra að þessi dóni komist í Hæstarétt Bandaríkjanna.

Ef bara hefðu verið dömufrí í MR í gamla daga hefði mér líklega sjaldnar verið boðið upp en þeim myndarlegri.  Fyrir bragðið hefði ég líklega minna á samviskunni varðandi mögulegt embættisgengi og færri stelpur hefði talið sig geta hankað mig á einhverju, þó svo að ég hafi ekki orðið var við mikla mótspyrnu þeirra á þeim tíma .En kannski hef ég bara fattað þetta vitlaust eins og þeir í Orkuveitunni.

Ef bara konur mættu hafa kynferðislegt frumkvæði í formi almenns dömufrís  en ekki þessir ólaungröðu kallar sem vaða allstaðar uppi, bæði prelátar, paragraffistar og pólitíkusar, þá yrðu kannski færri vandræði en nú ríða allstaðar húsum. 

 

Athugasemdir

[Grímur (IP-tala skráð) 18.9.2018 kl. 18:41]

Það yrði nú til að kóróna vitleysuna ef Einari Bárða tækist að skaffa konunni sinni flott embætti hjá OR þar sem forstjórastóllinn er núna auður

[Guðmundur (IP-tala skráð) 19.9.2018 kl. 08:13]

Frábær pistill. Klípum þessar kellingar í pí.... a la Trump. Women for Trump og Halldór Jónsson, og að sjálfsögðu Moggann líka, fyrir að birta þennan gæðapistil í staksteinum!

[Gissur Örn, 19.9.2018 kl. 11:00]

Þannig að þú varst fullur og áreittir konur í gamla daga og þér finnst að menn eigi enn að geta áreitt konur kynferðislega og kallað það viðreynslu?

Vel gert Halldór. Þér hefur tekist að stimpla þig algerlega út úr þjóðfélaginu sem barnabörnin þín búa í. 

[Bjarni Jónsson, 19.9.2018 kl. 11:19]

Nákvæmari samlíking við MR en dansæfingar væru ferðir í Selið, húsnæði MR ofan Hveragerðis.  Þar var ströng siðferðisgæzla innanhúss, en ég man ekki eftir neinu eftirliti utanhúss, enda oftast niðamyrkur. Ég man ekki eftir neinum vandamálum þar, nema einu sinni vildi ég sýna meiri klifurhæfni í klettum en ég hef og lenti í ógöngum, en bjargaðist þó af sjálfsdáðum án mikillar hrifningar.

[Eygló (IP-tala skráð) 19.9.2018 kl. 17:07]

NÁTTTRÖLLIÐ

Það var á einum stað að sá sem gæta átti bæjarins á jólanóttina meðan hitt fólkið var við aftansöng fannst annaðhvort dauður að morgni eða æðisgenginn.

Þótti heimamönnum þetta illt og vildu fáir verða til að vera heima á jólanóttina.

Einu sinni býðst stúlka ein til að gæta bæjarins. Urðu hinir því fegnir og fóru burtu. Stúlkan sat á palli í baðstofu og kvað við barn sem hún sat undir.

Um nóttina er komið á gluggann og sagt:

"Fögur þykir mér hönd þín,

snör mín en snarpa, og dillidó."

Þá segir hún:

"Hún hefur aldrei saur sópað,

ári minn Kári, og korriró."

Þá er sagt á glugganum:

"Fagurt þykir mér auga þitt,

snör mín en snarpa, og dillidó."

Þá segir hún:

"Aldrei hefur það illt séð,

ári minn Kári, og korriró."

Þá er sagt á glugganum:

"Fagur þykir mér fótur þinn,

snör mín en snarpa, og dillidó."

Þá segir hún:

"Aldrei hefur hann saur troðið,

ári minn Kári, og korriró."

Þá er sagt á glugganum:

"Dagur er í austri,

snör mín en snarpa, og dillidó."

Þá segir hún:

"Stattu og vertu að steini

en engum þó að meini,

ári minn Kári, og korriró."

Hvarf þá vætturin af glugganum. En um morguninn þegar fólkið kom heim var kominn steinn mikill í bæjarsundið og stóð hann þar æ síðan.

Sagði þá stúlkan frá því sem hún hafði heyrt (en ekkert sá hún, því hún leit aldrei við) og hafði það verið nátttröll sem á gluggann kom.

[Jón Valur Jensson, 20.9.2018 kl. 04:06]

Þetta var fallegt innlegg frá þér, Eygló, skemmtilegt þjóðsöguminni og gefur úrræðagóðri stúlkunni, flestum skarpari, allan hetjuheiðurinn í sögunni. Þar tók hún til sinna ráða að eigin frumkvæði.

Tröllasögum miklum hefur farið af þessum pistli hans Halldórs og hann kallaður óþvegnum ókvæðisorðum vegna hans. En í bak og fyrir er hann hér með eina tillögu: að konur fái sitt helgaða dömufrí þar sem þeim einum leyfist að hafa frumkvæði að kynnum við karlmenn, en þeir gjöri svo vel að vera til friðs á meðan. Ekki ber þetta vitni um dóna-hugarfar, nema síður sé.

Hvergi í frásögn Halldórs af skólaböllum táningsára hans kemur nein bein nauðung í ljós, engin klip né káf né að reynt sé að þröngva tungu upp í munn stúlku, aðeins hitt, að vonazt sé eftir kossi eða sleik.

Ætli gagnrýnendur Halldórs hafi staðið sig betur?

Svo er nafn Davíðs Oddssonar einnig auri atað vegna endurbirtingar þessa í Staksteinum, en ritstjórar Moggans eru þrír, auk tuga blaðamanna, sem borið hefur við að fái að skrifa ritstjórnarpistla. En persónu-níðhöggvar í röðum vinstri manna hafa ógjarnan þá frumreglu að halda sig við það eitt sem þeir vita satt og rétt -- kæmu líklega af fjöllum, væru þeir minntir á þetta.

[Jón Valur Jensson, 20.9.2018 kl. 07:15]

Og þá er Mogginn mættur á ný og engin önnur en Áslaug Arna formaður utanríkismálanefndar og ritari Sjálfstæðisflokksins með pistil dagsins á sjálfri leiðarasíðunni og velur sér heldur betur kjamsandi fyrirsögn: "Að troða sér í sleik"!

Og þannig er hennar kvennalógík að gefa sér að Halldór hafi verið að réttlæta "ofbeldi eða kvenfyrirlitningu". Rök fyrir því tínir hún engin til, aðeins þessi slagorð úr eigin höfði (ekki Halldórs). En svo sýnist mér á skrifi Halldórs sjálfs, að hann hafi síður en svo verið að lýsa fyrirlitningu síns strákaárgangs á stúlkum, heldur miklu fremur skefjalausri hrifningu þeirra af þeim, og lái þeim það enginn.

[Halldór Jónsson, 21.9.2018 kl. 06:21]

Þakka þvér fyrir Jón Valur að koma mér tl varnar með því að tína einmitt til þau atriði sem eru mér í huga sem sannleikurinn þegar fólk fer að búa til eitthvað allt annað.

[Jón Valur Jensson, 21.9.2018 kl. 15:12]

Mín var ánægjan og heiðurinn, Halldór.

[Jón Valur Jensson, 29.9.2018 kl. 13:50]

"Að trukka konu" hefur aldrei verið partur af mínum talsmáta. Ég varð að fletta upp í Orðabók um slangur (Rv.1982) til að átta mig á nákvæmri merkingu sagnorðsins trukka: "koma kvenmanni til við sig (sbr. d. trykke)." --Alvarlegra er það nú ekki.

[Jón Valur Jensson, 4.10.2018 kl. 05:20]

Þótt ég sjái í hendi mér sakleysi Kavanaughs og fordæðuskap óvina hans, horfa málin öðruvísi við þegar stokkið er á bak skáldfáknum, þá má skálda upp hvað sem er til að hafa gaman af :   

 

 

Já, kynntu þér vininn hann Kavanaugh,

 

 

ef konur í sleik viltu lokka.

 

 

Þá færðu sem karlinn að kafa nóg

 

 

í kvenlegan yndisþokka.

[Jón Valur Jensson, 9.10.2018 kl. 15:02]

Enginn taki þau orð mín hér 
sem annað en gamanmál,
Kavanaughs hrein því að æran er
í augum mínum. Skál !