Miklubrautarframkvæmdin

neðan Lönguhlíðar er furðuframkvæmd að því að mér finnst.

 Þarna var framkvæmt fyrir hundruð milljóna án þess að flutningsgeta Miklubrautarinnar hafi breyst í nokkru.

Grjótgarður var hlaðinn og tré gróðursett með honum til að tryggja tilvist hans. Gönguljós er á akbrautinni sem hver gárungi getur leikið sér með að stöðva alla bílaumferð sem hefur áhrif til Háaleitisbrautar og vestur í Háskóla. Annað samskonar gönguljós er austan við Lönguhlíð með sömu truflunarmöguleika. Í ár var byggð glæsileg göngubrú á Breiðholtsbraut þar sem varla nokkur maður fer yfir að því að séð verður. Af hverju voru ekki byggðar göngubrýr eða undirgöng á Miklubraut þar sem fólk sést á ferð?

Hvað fer margt manna eftir hjólabrautarveginum sem liggur í þjóðvegarbreidd 2.frá vinstri? Hvað fara margar persónur eftir þjóðveginum sem liggur lengst til vinstri, hvorutveggja samsíða akbrautunum.

Til hvers er rauða akreinin sem liggur til austurs hægra megin? Hvað fara margir eftir henni? 

Hvað fara margir eftir akbrautunum á Miklubraut  á sama tíma?

Blasir ekki við að að það þarf hugsanlega að saga af blokkinni við Lönguhlíð og taka einhver hús í burtu neðar? Fjölga akreinum á Miklubraut í stað þess að fækka þeim um þriðjung frá Háaleitisbraut? Breikka brautina allstaðar? Er ekki stokkhugmyndin  fáránleg vegna kostnaðar og óhagkvæmni þegar við blasir að hægt er að greiða umferðina á langt um auðveldari hátt?

Er ekki Miklabraut fyrir fólk til að ferðast eftir?

Athugasemdir

[Ómar Ragnarsson, 19.9.2018 kl. 17:41]

Ég hef skrefamælt allt þetta svæði og greint frá niðurstöðunni af því í pistlum mínum.  Það skiptir engu máli, hvað hjólabrautirnar taka mikið rými af Klambratúninu á meðan það eru aðeins tvær akreinar í hvora átt í vestur og austur.

Við enda túnsins eru flöskuhálsarnir sem öllum vandræðunum valda. 

Það er hægt með uppkaupum á nokkrum húsum og tilfærslu bílastæða að breikka Miklubrautina í þrjár akreinar í hvora átt. 

Það er mikið verk og ekki auðleyst að "saga" endann af Lönguhlíðarblokkinni en hugsanlega hægt að leggja gönguleið í gegnum endann og leggja af búsetu í þessum endaíbúðum. 

Það þyrfti að gera kostnaðaráætlun um breikkunarkostinn og bera kostnaðinn saman við aðra kosti.  

[Halldór Jónsson, 19.9.2018 kl. 20:20]

Það er rétt Ómar

maður leggur ekki 3 tommu rör með litlum kafla einshversstaðara á leiðinni sem er bara 2 tomma og ætlast til að fá óhindrað flæði í gegn. Dagur B. virðist hinsvegar halda að þetta fúnkeri af því að megni af leiðinni er þetta 3 tomma.

[Þorsteinn Briem, 20.9.2018 kl. 02:25]

Að sjálfsögðu á að setja Miklubraut í stokk frá Snorrabraut upp fyrir gatnamót Miklubrautar og Kringlumýrarbrautar, þannig að Miklabrautin liggi undir Kringlumýrarbrautina og gatnamótin því mislæg.

Miklabraut í stokk - Myndband

19.2.2018:

"Að færa Miklubraut á milli Snorrabrautar og Kringlunnar í stokk tæki um þrjú ár," segir Árni Freyr Stefánsson verkfræðingur.

"Grafinn yrði skurður, um 32 metra breiður og 10 metra djúpur og í þessum skurði steyptur stokkur.

Þetta yrði 2 + 2 vegur, keyrt niður í og upp úr stokknum við Snorrabraut og til móts við Kringluna.

Og aðreinar og fráreinar yrðu við Kringlumýrarbraut," segir Árni Freyr."

[Þorsteinn Briem, 20.9.2018 kl. 02:27]

30.6.2018:

"Mikla­braut í stokk er ekki nefnd sér­stak­lega í sátt­mála meiri­hluta­flokk­anna í borg­inni en Dag­ur [B. Eggertsson borgarstjóri] seg­ir að í sátt­mál­an­um sé talað um að lokið verði sam­komu­lagi við ríkið um lyk­ilaðgerðir til að létta á um­ferðinni og stokk­ur­inn sé sú aðgerð sem hef­ur komið sterk­ast út í því skyni."

"Milli sveit­ar­fé­lag­anna á höfuðborg­ar­svæðinu og rík­is­ins er sam­komu­lag um sam­göngu­fram­kvæmd­ir og borg­ar­línu, sem bæði ráðherr­ar rík­is­stjórn­ar­inn­ar og við hjá borg­inni höf­um talað um að mik­il­vægt sé að unnið sé að.

Það hef­ur komið út úr frum­at­hug­un að setja Miklu­braut í stokk sé gríðarlega mik­il­væg fram­kvæmd fyr­ir bæði um­ferðina og um­hverfið, hljóðvist og allt mann­líf á svæðinu," seg­ir Dag­ur og bæt­ir við að hann hafi talað skýrt um mik­il­vægi fram­kvæmd­ar­inn­ar.

"Það er hægt að ráðast í þetta mjög hratt ef sam­eig­in­leg­ur vilji er fyr­ir hendi og ekki mun standa á borg­inni í þeim efn­um," seg­ir Dag­ur."

[Þorsteinn Briem, 20.9.2018 kl. 02:30]

Þjóðvegir í Reykjavík eru til að mynda Hringbraut, Miklabraut og Kringlumýrarbraut.

Gatnamót Miklubrautar og Kringlumýrarbrautar eru því hluti af þjóðvegakerfinu.

Þjóðvegir á höfuðborgarsvæðinu, október 2009 - Kort á bls. 4

"8. gr. Þjóðvegir.

Þjóðvegir eru þeir vegir sem ætlaðir eru almenningi til frjálsrar umferðar, haldið er við af fé ríkisins og upp eru taldir í vegaskrá. ..."

Vegalög. nr. 80/2007

[Þorsteinn Briem, 20.9.2018 kl. 02:38]

4.5.2017:

"Nú er verið að hefjast handa við gerð strætór­ein­ar á Miklu­braut til aust­urs á veg­hlut­an­um milli Löngu­hlíðar og Rauðar­ár­stígs.

Einnig á að leggja göngu- og hjóla­stíga meðfram Klambra­túni.

Reykja­hlíð verður lokað við Miklu­braut og gert verður hellu­lagt torg (upp­hækkuð hellu­lögn) á gatna­mótum Reykja­hlíðar og húsa­götu við Miklu­braut."

"Fram­kvæmd­irn­ar eru í sam­ræmi við setta stefnu í Aðal­skipu­lagi Reykja­vík­ur­borg­ar 2010-2030 um að auka vægi al­menn­ings­sam­gangna og auðvelda fólki að kom­ast leiðar sinn­ar gang­andi og hjólandi um borg­ina."

[Þorsteinn Briem, 20.9.2018 kl. 03:49]

Rúmlega fjórðungur Reykvíkinga (28,3%) ferðuðust fótgangandi, á reiðhjóli eða í strætisvagni, samkvæmt ferðavenjukönnun Reykjavíkurborgar og Vegagerðarinnar árið 2014.

17.12.2014:

Hlutdeild vistvænna samgangna eykst verulega í Reykjavík

[Stefán Þ Ingólfsson, 20.9.2018 kl. 12:02]

Væri ekki einfaldast að heimila almenna umferð um rauðu akgreinarnar milli kl 08-09 á morgnana og 17-18 síðdegis? Það myndi auka flæðið og stytta bið á mestu álagstímum.