Kastljósið um Braggann

fræga var skemmtilegt á að horfa.

Það skiptir greinilega engu máli hjá meirihlutaflokkunum þó að eitthvað fari fram úr áætlun í kostnaði. Þórdís Lóa var pollróleg yfir þessum smámunum eins og innfluttum stráum fyrir milljón eða meira. Vigdís Hauksdóttir geysti sig eitthvað af hneykslun yfir þessum hálfa milljarði sem er farinn í Braggann góða. 

En hvaða máli skiptir þetta? Það eru ekki kosningar núna og þegar á að kjósa klippir Dagur á borða og kynnir framtíðaráætlanir. Svo veifar hann bara hækjunni og allir Borgarbúar kjósa hann vegna þess að hann er svo sætur, hann á svo bágt og er svo góður  gæi.

Kjósendurnir í 101 eru eru gersamlega ónæmir fyrir svona sparðatíningi um einhvern umframkostnað. Það eru auðvitað félagsmálin sem hafa forgang og leikskólinn sem allir fá að njóta einhvern tímann þó síðar verði kannski. Allir kjósa óbreyttan meirihluta hvernig sem veltur.

Braggablúsinn í Kastjósinu er það sem máli skiptir og dönsku stráín bylgjast í blænum. 

Athugasemdir

[Borgari (IP-tala skráð) 10.10.2018 kl. 23:51]

Hér starfa sérfræðingar með gífurlegri mikilli aðkeyptri verktakavinnu sem m.a. fylgjast með að starfsmenn Borgarinnar tjái sig ekki óvarlega í netumræðunni https://reykjavik.is/skrifstofaogsvid/starfsfolk-mannrettindaskrifstofu