Kommar á klíkufundi

undir merkjum flokkstjórnar Samfylkingarinnar ræða ríkisvæðingu húsnæðisvandans. Helga Vala geysir sig í útvarpinu og boðar stóraukna skattheimtu til að ná fjármunum til verkefnisins. 

Kommar eru alltaf samir við sig.

Skattleggja og eyða.

Það er sama hvað flokkarnir heita, Demókrataflokkur í Bandaríkjunum, Samfylking, Píratar  eða Viðreisn á Íslandi. Öll úrræði byggjast á þessari einu aðferð. Það má aldrei byggja á frelsi einstaklinga til athafna og að stjórnvöld eigi að skapa forsendur fyrir athöfnum.  Þess í stað skulu stjórnvöld annast allar framkvæmdir sjálf.

Helga Vala er hinn dæmigerði kommi með alþjóðlega ofstjórnaráráttu eins og hún sýndi með gumpinum  á Þingvallafundinum.  Og ekki dregur trúarlögreglumaðurinn með hinn logandi áhuga á skoðanafrelsinu  heildarsvip og stefnumál flokksins niður á þessum klíkufundi kommanna.

Athugasemdir

[Jóhannes Laxdal Baldvinsson, 13.10.2018 kl. 14:29]

Halldór, kommagrýlan virkar ekki lengur.Þú hefur lesið fyrirmælin úr Hádegismóum eitthvað vitlaust. Fyrirmælin hljóða upp á að bera út róg um Samfylkingu, Pírata og Viðreisn.  En ekki Ögmund Jónasson!

[Eðvarð L. Árnason (IP-tala skráð) 13.10.2018 kl. 14:53]

Fyrir áratugum var Sjálfstæðisflokkurinn í Kópavogi, flokkurinn minn.

Samfylking, Píratar, Viðreisn og Sjálfstæðisflokkurinn, eru samstíga samfylking.  Þessir flokkar vilja Borgarlínu,sem ekki hefur verið skilgreind hvað hún  er, né hvað hún muni kosta skattborgara ríkis og höfuðborgarbúa.  Í borgarlínu Dags B. felst  krafa meirihluta borgarstjórnar Reykjavíkur um að Reykjavíkurflugvöllur verði fjarlægður.  Ofannefndir flokkar virðast vera sammála um að flugvöllurinn víki, annars gætu þeir ekki verið sammála um borgarlínu.  Sjálfstæðisflokkurinn virðist vera eins og vélavana skip á reki. 

Hvað vilja sjálfstæðismenn í Kópavogi varðandi borgarlinu?         

Hvað vilja sjálfstæðismenn varðandi þriðja orkupakkann?

 Eftir fregnum til undirritaðs var gerð einróma samþykkt á síðasta landsfundi sjálfstæðisflokksins að engu valdi skyldi framselt til ESB. Einn ráðherra flokksins kom fram á sjónvarpsstöðinni Hringbraut, og mátti skilja hann svo að eðlilegt væri að samþykkja orkupakka þrjú þar sem búið væri að samþykkja ESB pakkana eitt og tvö.

Glöggir hafa bent á að með samþykki þriðja pakkans sé verið að framselja hlut af fullveldi Íslands. Varðandi þessa orkupakka virðist Sjálfstæðisflokkurinn sem  stefnulaust rekald, og ráðherrar flokksins virðast ekki hafa skilið landsfundarsamþykktina. 

Vegna getu og aðgerðarleysis sjálfstæðisflokksins í Borgarstjórn Reykjavíkur undanfarandi ár, litu margir Sjálfstæðismenn í Reykjavík, til Kópavogs og væntu mótvægis við Dag B. og meirihlutann í Reykjavík.  Nú er ekki lengur hægt að líta til Sjálfstæðismanna í Kópavogi Þannig,nú virðast þeir vera komnir undir árar á skipi Dags B. og Hjálmars hinum hjólglaða.

Sjálfstæðismenn í Kópavogi hver er ávinningurinn í því fólginn að samþykkja orkupakka þrjú ??

Sjálfstæðismenn í Kópavogi! Ber að virða stjórnarskrá Íslands?  Komi upp vafi skal hann ekki vera stjórnarskránni í vil ?

[Óskar Helgi Helgason (IP-tala skráð) 13.10.2018 kl. 15:25]

Sæll Halldór - sem og aðrir gestir, þínir !

Huh: og SVEI ATTAN Halldór minn !

Ég sé nú vart - hvort á milli megi sjá / Kommúnisma vinstra hyskisins, eða þíns leðju- og drulluborna flokks, sjálfs.

Þú ættir aðeins: að ígrunda skrifræðis- og kreddu isma þinna eigin flokksfélaga fornvinur góður, áður en þú pundar frekar á vinstri óhræsin, þó ekki séu þau nú beysin, nema síður sé.

Menn tala nú um - oftar og oftar þessi misserin, hvort að gamla Austur- Þýzkaland sáluga (1949 - 1989) hafi ekki verið jafnvel snöggtum skárra viðskiptis, þegar kemur að reglu- og laga gerða STAGGLI Sjálfstæðísmanna svokallaðra, sem leiddir eru af sérhagsmuna- og einka gróða packi Enegeyjar ættarinnar, Halldór minn ? ? ?

Hugleiddu þetta betur: en með sæmilegum kveðjum þó, sem oftar, af Suðurlandi / 

[Borgari (IP-tala skráð) 13.10.2018 kl. 16:14]

Ekki er nú ráð að hleypa Samfylkingunni í fleiri húsnæðisframkvæmdir

Þar sem ekkert er ókeypis hér í heimi þá  er undarlegt að Samfylkingin ætli að láta rektor HR fá lesnæðis-húsnæði tengt Bragganum endurgjaldslaust eða er rektor búinn að launa greiðan með að reka lektorinn?

[Jón Valur Jensson, 13.10.2018 kl. 17:36]

Þetta skaðræðislið er sömuleiðis að ræða stjórnarskrármál. 

En fámennur virðist fundurinn, miðað við að allir stuðningsmenn flokksins voru sagðir velkomnir og miðað við að salurinn virðist hálftómur. 

[Halldór Jónsson, 13.10.2018 kl. 21:23]

Já Jón Valur

það er ömurlegt til þessa að hugsa að svona frekar lélegur saumaklbbur að stærð skuili stjórna ferðinni hjá okkur öllum. Svona álíka eða kannski heldur skárra en að horfa á kjaftafund pírata um pólitík. Að svona lið skuli ráða öllu yfir okkur, stjórna braggaviðgerðum, leikskólum, gatnaþrengingum? Bara bull og meira bull.

Sjálfstæðisflokkurinn er svoddan rola orðin og forystulaus að hann getur ekki borið hönd fyrir höfuð sér og sagt fólki fyrir hvað hann stendur. Hann er bara skrifstofuflokkur í úrvinnslu daglegra mála og skítareddinga. Hugsjónalaus virðist hann með öllu orðinn og reynir ekkert til að ræða við fólkið um ídólógíu eða afla fylgis.

O tempora ,O mores! 

[Halldór Jónsson, 14.10.2018 kl. 10:46]

Eddi lögga

það er nokkuð klárt að flokkurinn vill ekki þennan orkupakka. En það er allt annað en hvað forystan kann að vilja. Hún virðist ekkert frekar þurfa einhvern flokk að baki sér vinur minn.Það verður þú að fara að skilja