Stormur í vatnsglasi

er upphlaup íhaldsins útaf Bragganum og Félagsbústöðum. Fylgi Samfó dalar örlítið en íhaldsins vex ekki neitt fyrir því. Meirihlutinn heldur og stendur traustum fótum sem aldrei fyrr.

Þetta hefur ekki nokkur pólitísk áhrif. Þetta vinstra lið er svo sauðtryggt að það rótast ekki.

Allt er nefnilega betra en íhaldið og engum dettur í huga að kjósa það þó að Bragginn og Féló hafi komið uppá.

Auk þess sem þessi Braggi er líklega bara á réttu verði, það voru bara áætlanirnar sem voru vitlausar og þurftu auðvitað að endurskoðast og leiðrétta eins og alltaf er gert í fjárhagsáætlunum sveitarfélaga. Þar er allt fært til raunkostnaðar eftir mitt ár þegar menn sjá að allar áætlanir stóðust ekki og allt varð dýrara en ætlað var.

Bragginn og stráin standa fyrir sínu. Bara klára kamarinn með stæl og meirihlutinn stendur traustum fótum.

 Það vita allir að fjárhagsáætlanir vinstri mann standast aldrei því þeir kunna ekki samlagningu né annað í tölum. Þeir eru á hinu mjúka sviði félagsmála.

Allt upphlaupið er bara stormur í vatnsglasi.

Húrra!

Athugasemdir

[Símon Pétur frá Hákoti (IP-tala skráð) 16.10.2018 kl. 17:28]

Hef meiri áhyggjur af falli krónunnar, minnir óhuggulega á hið svonefnda litla hrun vorið 2008.  1 evra kostar nú um 140 krónur.  Hvað næst Halldór?  Fylgi flokksins fellur á landsvísu og samkvæmt nýjustu skoðanakönnunum er komið í 20,8%  Eyþór má vel við una með sín tæpu 30%.

[Sigurður Antonsson (IP-tala skráð) 16.10.2018 kl. 21:17]

Snýst ekki allt um grasrótina? Netið og breyttir miðlar dreifa góðu flokksfólki sem annars væri að draga fólk inn í flokkinn? Þetta veit Halldór manna best. Símon Pétur nefnir krónuna. Hún skyldi þó ekki vera bölvaldurinn?  Krónan sem er undir stjórn Seðlabanka og ríkisstjórna var látinn styrkjast um of eins og nú sést. Síðan koma vextir sem eru hærri en í nokkru öðru vestrænu landi.

Helst má ekki nefna krónuna því "hún bjargar okkur í hrunadansi? Er það öll efnahagsstjórnin? Unga fólkið sem er að kaupa sína fyrstu íbúð greiðir há gjöld af kaupsamningi. Fimm prósent vexti og verðtryggingu. Getur farið fljótt í 10% með verðtryggingu, þegar á Norðurlöndum eru greiddir um 2-3% vextir. Sumir eiga fyrir 1/4 til útborgunar en alls er óvíst að það dugi lengi, þegar meir en helmingur launa fer í húsnæðið.

Hvers vegna eru við eftirbátar Færeyinga í efnahagsstjórnun? Held að flestir viti svörin. Menn láta í ljós álit sitt í leynilegum könnunum og kosningum. Ekki á torgum. Besta kjarabótin fyrir unga fólkið væri að lækka vexti af fyrstu íbúðarkaupum eins og gert er á hinum Norðurlöndunum. Greiða húsaleigubætur til þeirra lægst launuðu. Tengja krónuna við sterka mynt og fara að stjórna af sameiginlegri ábyrgð. 

[Jón Valur Jensson, 17.10.2018 kl. 15:15]

Ef Eyþór Arnalds reynist við æfinguna verða með bein í nefinu stjórnmálalega séð, gæti hann orðið efnilegt formannsefni í stað Bjarna.

En með því að komast ekki lengra (með því að koma því í verk að skrifa pistil í Fréttablaðið) en að stinga upp á 1,60% fasteignagjöldum í stað hinna ofurháu 1,65% gjalda vinstri mannanna, þá sé ég enn ekki móta fyrir þessu beini í nefinu á honum!

[Halldór Jónsson, 17.10.2018 kl. 18:58]

Jón Valur, með allri virðingu fyrir þér þá munu Sjálfstæðoismenn sjá um sín forystumál sjálfir án utanaðkomandi hjálpar.

[Jón Valur Jensson, 17.10.2018 kl. 19:45]

Tillaga Eyþórs var felld í borgarstjórn, m.a. með atkvæði Pawels, sem gekk þvert gegn áður auglýstri stefnu flokks hans Viðreisnar, og var aumlegt að sjá réttlætingu hans fyrir því.