Nú dámar manni

ekki athafnir Sjálfstæðisflokksins manns gamla.

Formaðurinn mælir fyrir gengdarlausri útþenslu báknsins sem Steingrímur Jóhann ræður sér varla fyrir ánægju yfir.Þvílíkur samhugur er í stjórnarsamstarfinu.

Eyrún Magnúsdóttir skrifar svo um málið í Morgunblaðið:

"Þau eru heldur misvísandi skilaboðin sem berast nú frá alþingi.

„Það er ánægjuefni að við erum núna að sækja fram á nýjan leik, við erum að byggja upp og efla starfsemi þingsins eftir tíu ára hlé …“

Svo komst forseti þingsins, Steingrímur J. Sigfússon, að orði í fréttum í vikunni þar sem fjallað var um þau áform að bæta við 17 nýjum aðstoðarmönnum handa þingmönnum.

Ráðning þessara nýju aðstoðarmanna kemur til með að kosta allt að 200 milljónir að sögn þingforsetans.

Margir klóra sér eflaust aðeins í höfðinu yfir þessum tíðindum. Annars vegar er það auðvitað merkilegt að það eigi að fá 17 nýja starfsmenn á þing sem telur 63 þingmenn. Hins vegar er ekki síður áhugaverð sú yfirlýsing þingforseta að nú sé tími til að „sækja fram“. Í tíu ár hafi verið dregið saman, en nú sé lag og nú séu til peningar í ný verkefni.

Þetta stangast að mörgu leyti á við þau skilaboð sem fjárlagafrumvarpið sendir. Þar er alls ekki sami tónn.

„Mikilvægt er nú, þegar gera má ráð fyrir að í sljákki eftir mikinn vöxt síðustu ára, að áfram sé tryggð festa og varfærni í stjórn opinberra fjármála,“ sagði Bjarni Benediktsson fjármálaráðherra þegar hann mælti fyrir frumvarpinu í þinginu á dögunum. Hvernig þetta tvennt fer saman verða einhverjir aðrir en undirrituð að svara.

Sýnir það sérstaka varfærni í stjórn opinberra fjármála að bæta 17 manns með óljósa starfslýsingu í aðstoðarlið stjórnmálamanna? En einhverra hluta vegna virðast vera til peningar fyrir svona verkefnum, þrátt fyrir yfirlýsingar um að varfærni skuli höfð að leiðarljósi og fáir stjórnmálamenn virðast ætla að fetta fingur út í þetta. Enda þægilegt að fá fleiri aðstoðarmenn.

En einhvern veginn langar mig frekar að búa í samfélagi þar sem eru til peningar til að ráða 17 sálfræðinga á heilsugæslustöðvar eða framhaldsskóla, 17 nýja sérkennara á leikskóla eða bara 17 manns í skilgreind verkefni sem skila okkur raunverulegum ábata út í samfélagið. Kannski gæti 17 manna teymi nýst í að finna lausn á vanda sprautufíkla og annarra sjúklingahópa sem engar lausnir fá.

En að „sækja fram“ í velferð væri auðvitað alls ekki nógu varfærið."

Hvert er minn gamli flokkur kominn?

Einu sinni hljómaði kjörorðið "Báknið burt" 

 

Skyldi Óli Björn Kárason styðja þetta? ég vona að hann geti sannfært mig um að hrópa húrra fyrir formanninum og flokknum mínum. 

Nú dámar mér ekki sem gömlum flokkshesti.

Athugasemdir

[Ragnhildur Kolka, 18.11.2018 kl. 17:41]

Það væri nær að gera þá kröfu til þingmanna að þeir séu læsir og skrifandi og hafi líkamsburði til að sinna starfi sínu.

[Páll Vilhjálmsson, 18.11.2018 kl. 17:52]

Fréttir um stórfelldar ráðningar á alþingi vekja ugg og senda kolröng skilaboð út í samfélagið.

[Halldór Jónsson, 18.11.2018 kl. 18:22]

Tek undir með þér Páll. 

Kolka, ég til dæmis skil ekki neitt þegar Smári stærðfræðingur talar.Skilur þú hann?  Og það sem kemur frá Birni Leví, í ræðu eða riti,  skil ég ekki heldur. Og heldur ekki það sem frá Bjarna Benediktssyni kemur um nauðsyn á þessum nýju 17 aðstoðarmönnum. Ég skildi alveg að þegar Steingrímur Jóhann talaði um málið að þetta er algert kommúnista bullshit. En að þurfa að hlusta á Bjarna tala fyrir þessu. Það er dapurlegt.

[Júlíus Valsson, 18.11.2018 kl. 19:21]

Báknið burt!
(Friðrik Sófusson árið 1973)

[Halldór Jónsson, 18.11.2018 kl. 19:29]

Það rámar mig í Júlíus

[Símon Pétur frá Hákoti (IP-tala skráð) 18.11.2018 kl. 19:39]

Forystulið Sjálfstæðisflokksins er á leiðinni með hann í gröfina.  Hagvaxtarstefna þess liðs er sem Vg, allt fyrir nómenklatúru jötuliðanna.  Enginn flokkur mun tapa meira fylgi vegna þesss, en Sjálfstæðisflokkurinn, enda kjósa flestir jötuliðanna Vg og Samfylkinguna. Kjósendur nómenklatúru jötuliða er síst að finna meðal sjálfstæðs fólks.  Enn mun því fylgið dala, skiljanlega. 

[Símon Pétur frá Hákoti (IP-tala skráð) 18.11.2018 kl. 19:42]

Eftir verður forysta án flokks, betur var ekki hægt að orða það en Halldór skrifaði nýverið samnefndan pistil um, forysta án flokks.

[Sigurður Antonsson (IP-tala skráð) 18.11.2018 kl. 20:46]

Hvers vegna þarf alla þessa þingmenn þegar verið er að taka mestan part laga og reglugerða frá Evrópu? Þegar fyrirtæki búast við samdrætti bætir ríki og bær í. 

Sérkennilegasta við launahækkanir opinbera starfsmanna er þegar enginn virðist bera ábyrgð á fyrirsjáanlegu launaskriði. Er Seðlabankastjóri óskeikull og hægt að réttlæta hans aðgerðir? Eru aðrir forstjóra hjá ríki með ábyrgð á gerðum sínum? Þegar t.d. farið er fram úr áætlun um marga tugi prósenta.

Enginn virðist bera ábyrgð á verðbólgunni. Hélt Seðlabankinn uppi sterku gengi í sumar (sama gerðist 2007) til að auka innflutning og tekjur ríkisins? Í framhaldi nýjar launahækkanir og verðbólga. Þegar flestir sáu hvert stefndi og viðskiptajöfnuður sýndi neikvæð formerki. 

Spurningar af þessu tagi eru ekki nýjar. Stjórnvöld eru sein til að svara, ólíkt því sem er á hinum Norðurlöndunum. Lítill fyrirhyggja? Aðhald er það sem vantar. Meira en gamlir karlar fá áorkað? Þá er erfitt í litlu þjóðfélagi að vera málefnalegur án þess að styggja þrýstihópa.

[Eðvarð L. Árnason (IP-tala skráð) 18.11.2018 kl. 21:24]

  Kæri vinur Halldór, er ekki að verða tímabært að vera ekki lengur  að heyja vonlaust stríð við  innri sannfæringu, viðurenna stöðun. Einnig þar sem þú er búinn að lýsa skoðun þinni þannig að þú viljir ekki skjól Pírata. 

 En Sigmundur Davíð mun eflaust bjóða þig velkominn í skjól þar sem skoðanir þínar muni eflaust njóta sín.

[Símon Pétur frá Hákoti (IP-tala skráð) 18.11.2018 kl. 23:06]

Píratar eru algjörir aular og vitleysingar, það þarf ekki að fjölyrða um það, þeir eru nógu duglegir að auglýsa sinn aulahátt sjálfir. 

Við gamlir sjálfstæðismenn eigum okkur nú helst málsvara í Miðflokknum.  Það er bara staðreynd sem Eðvarð bendir réttilega á.  

[Jónatan Karlsson, 19.11.2018 kl. 06:40]

Sæll Halldór.

Það má segja að það sé virðingarvert að hafa óskiljanlegt bruðl, verklag og jafnvel klæðaburð þingmanna á hornum þér, en það virðist annað þegar kemur að grafalvarlegu málum á borð við ískalt hagsmuna mat þinna eigin flokksbræðra og nú síðast illa þefjandi ráðabruggið á borð við undirbúning sölu og tengingar raforku til Evrópu, svona dálítið í stíl við Reykjavik Energy, sællar minningar – þá heyrist nú minna frá þér.

Auðvitað eru skiljanleg sum tengsl, ef maður t.a.m. fæðist sem svertingi eða gyðingur, að maður þá ávalt styðji málstað bræðra sinna þegar að þeim er vegið, en sem Íslendingur og heiðurskarl að auki, ættir þú ekki að fylkja þér að baki þessara karla eða drengja sem þú virðist ekki sjá sólina fyrir og hverfa sem snarast frá villu þíns vegar.