Grunsemdir

Þorsteins Sch Thorsteinsson um upptökuna á Klaustrinu eru nokkrar sem mér finnst mega heyrast. Þorsteinn skrifar mér svofellt bréf:

"Auðvitað var þetta allt saman mjög vel skipulagt áður, en ég efast um að þetta hafi verið tekið upp á síma, heldur er ég meira á því að hann ("Marvin") karlinn hafi notast við gott upptökutæki með góðum hljóðnema, þar sem að hann var þarna í þrjá eða fjóra tíma í svona fjarlægð frá borðinu þeirra. 

Mjög líklega þá stóð DV á bakvið þetta allt saman frá byrjun, nú og uppljóstrarinn ("Marvin") er mjög líklega á vegum DV, en höfum við ekki heyrt um svona lágkúru áður á vegum DV í því að reyna búa til fréttir? 

Ég hef eins og segir mínar grunsemdir, því að þeir (hjá DV) hafa áður staðið fyrir því að taka upp leynilegar upptökur, svo og með þessum líka nýja ritstjóra og kvikmyndagerðarmanni hjá DV."

Röksemdir Þorsteins eru góðar og gildar og standa þar til að "Marvin" , Stundin og DV greina frá staðreyndunum. Sem litlar líkur eru á að þeir geri frekar en að aðrir njósnarar komi inn úr kuldanum.

J.Edgar Hoover njósnaði um fólk til að geta klekkt á því.Slíkt atferli er síður en svo óþekkt. 

Menn geta velt svona máli fyrir sér og spurt sig hverjir hafi mestan hag af svona starfsemi? Maður hefur grunsemdir um að þeir sem ekki hafi hagsmuni standi ekki í svona lágkúru.

Athugasemdir

[Símon Pétur frá Hákoti (IP-tala skráð) 6.12.2018 kl. 11:24]

Það leikur enginn vafi á að þetta hafði átt sér langan aðdraganda.  Einhver sem hafði lengi fylgst með öllum ferðum Sigmundar og beið færis með fullkomin tæki.  Atlaga tvö að Sigmundi. Og það er rétt sem þú segir Halldór að þarna liggja miklir  sérhagsmunir að baki.  Sigmundur var búinn að ná Miðflokknum upp í 13% fylgi og hratt vaxandi og var reiðubúinn að verjast af öllum krafti gegn þriðja orkupakka ESB.  Í því ljósi er fróðlegt að sjá Þórðargleði margra og þ.m.t. innstu koppa Djúpríkisins. 

[Jónas Gunnlaugsson, 6.12.2018 kl. 15:39]

Þetta FyllirísröfL er aðeins til að fela undirskrift utanríkisráðherrans eða fulltrúa hans  um að taka þátt í að opna landamæri ríkjanna.  

Í Marakes í Marokó núna á mánudaginn þann 10. 12 2018 á að skrifa undir æalyktunina.

Einnig er í ályktuninni hnikt á reglum um að óheimilt verði að gagnrýna fjöldaflutnings reglurna, þegar smáþjóðirnar verða yfirteknar.

Þegar átti að knýa íslendinga til að borga Ísave, þá greiddu margir stjórnmálamenn atkvæði með því.

Nú virðist búið að hlera flesta og þá þora þeir ekki öðru, en að gera eins og þeim er sagt.

Hér skrifa ýmsir um málefnið.

000

slóðir

Skrifar ríkisstjórnin undir "hömlulausan fólksinnflutning" 10. desember?

Gústaf Adolf Skúlason

2.12.2018 | 09:45

000

2.12.2018 | 00:01

Vill þjóðin galopin landamæri?

Valdimar H Jóhannesson

000

28.11.2018 | 11:25

Ætlar ríkisstjórnin að galopna landamærin?

Jón Magnússon

000

Egilsstaðir, 06.12.2018  Jónas Gunnlaugsson

[Hrólfur Þ Hraundal, 6.12.2018 kl. 17:45]

Ég hef svosem litlu við þetta að bæta enda ekki mikill spæjari en stend með því ef hægt er að kanna þetta mál,en ég kann ekki mikið til verka í svona málum.

 En svo er það hið svokallaða RUV sem tekur með silkihönskum og kurteisi á Samfylkingu og Vinstri Grænum en um þá sem RUV telur óvini sinna manna gilda önnur lögmál.   Eignuðust starfsmenn Ríkisútvarpið þegar þetta RUV heiti var tekið upp ?

[Emil Hannes Valgeirsson, 6.12.2018 kl. 20:26]

Sumir aðhyllast samsæriskenningar meira en aðrir. Það breytir því hinsvegar ekki að það sem sagt var þarna á Klausturbarnum var raunverulega sagt, alveg án utanaðkomandi hjálpar. Nema samsærissinnar fái þá flugu í höfuðið að einhverjum hugvíkkandi efnum hafi verið blandað í drykkina til að rugla háttvirta og grandvara þingmenn í ríminu.

[Hrólfur Þ Hraundal, 6.12.2018 kl. 21:19]

Emil, Það er ekkert verið að véfenga að þessi orð hafi verið sögð, en í kvaða sambandi kemur okkur ekki við.

Það sem okkur kemur við er að þarna fór fram upptaka sem er óheimil og til hvers.  Þingmennirnir leysa svo sín persónulegu deilumál á sínum vinnustað utan vinnutíma eins og gerist hjá eðlilegum fyrirtækjum.  

Um það varðar okkur ekkert.  Okkur vantar hinsvegar upptökustjórann og upptökuna til að komast að raun sannleika hennar og þessa máls.

[Emil Hannes Valgeirsson, 6.12.2018 kl. 22:42]

Það sem ég les út úr þessum athugasemdum er að það er greinilegur vilji til að varpa ábyrgðinni yfir á upptökumanninn og jafnvel fullyrt að hann sé útsendari vafasamra aðila - sem ég hef enga trú á. Hér er hinsvegar um að ræða einstakan klaufaskap þeirra þjóðkjörnu manna sem þarna voru, aðallega þó tveggja Miðflokksamnna. Það þarf engan sérútbúinn hlerunarbúnað nú til dags til að ná svona upptöku af fylleríisröfli í opnu almannarými. Flestallir í dag eru með lítið tæki í vasa sínum sem inniheldur meðal annars fullkomið upptökutæki, og því eins gott að segja ekki hvað sem er, hvenær sem er.

[Már Elíson, 6.12.2018 kl. 22:51]

Hugsa sér þið, síðuhafi og bláeygir fylgjendur hans, hvað þið getið verið barnalegir og Sigmundaðir. - "Að þetta sé löngu planað.." - Ég hló bara við yfir heimskunni...Jú, það var þá fyrirfram planað að "ákkúrat þessi hópur" myndi tala illa, klæmast á kvenfólki og fötluðum, "ákkúrat á þessu kvöldi" á "ákkúrat þessu borði" "ákkúrat á þessum bar"....og þingmennirnir/konan hljóta þá að hafa gefið út "einhversstaðar" að þau yrðu kl. þetta "ákkúrat á þessum stað" að tala illa um samstarfsfólk og alla, og ekkert annað þannig að....Get ekki meira. - Fullorðnir menn hér að ofan (að vísu Sjálfstæðismenn) eins og smákrakkar í samsærispælingum til að vera já-menn við þessum ósóma. Ja, svei.... 

[Jón Valur Jensson, 7.12.2018 kl. 02:02]

Ágætur vinur minn var strax fyrir nokkrum dögum kominn með sína sterku tilgátu um það, hver upptökumaðurinn og uppljóstrarinn væri. Hann væri ... einmitt maður, sem er blaðamaður á DV.

Hver kemur þar til greina? Einhver með tengsl við slík mál áður?

Hann var ekkert að tvínóna við tilgátuna. "Marvin" var nafnið, sem uppljóstrarinn gaf sjálfum sér. Þetta væri augljóslega samsett nafn. Viðkomandi hefði gefið sig út fyrir að vera vinur þjóðarinnar. Þaðan væri kominn seinni hluti nafnsins, en fyrri hlutinn úr raunverulegu skírnarnafni hans. Bjartmar Þeyr Alexandersson væri þetta. Hann hefur einmitt tengsl við þá, sem reyna að koma upp um hluti og birta þá almenningi. Hann er úr flokki Pírata, sem m.a. í gegnum persónu Birgittu hefðu starfað með Wikileaks og teldu slíka birtingu "mikilvægra upplýsinga fyrir þjóðina" réttlætanlega.

Menn benda oft á sjálfa sig með því, sem átti að vera dulnefni þeirra. Bjartmar þessi (svo að ég tali hér og geri það þá af reynslu) reyndi m.a. að taka upp öll ræðuhöld á 100 manna fundi Íslensku þjóðfylkingarinnar á Hótel Esju (sem hét þá reyndar ekki lengur því gamla nafni). Ágengni hans var mikil, en það tókst að vísa honum frá. Hann virðist stunda s.k. rannsóknarblaðamennsku af slíku pólitísku tagi á DV, en hefur hins vegar látið af því að hringja í Útvarp Sögu, líklega af því að hann er þá upptekinn af vinnu sinni og kannski til að minna beri á flokkspólitísku upplagi blaðamannsins.

En Píratar eru anarkistar, stjórnleysingjar, og því ekki mikil von til þess að þeir fari að reglum samfélagsins um persónuvernd.

Athafnaleysi hinnar opinberu stofnunar Persónuverndar í þessu ólögmæta birtingarmál er hins vegar kapítuli út af fyrir sig. Telur hún allt í einu enga ástæðu til að halda uppi persónuvernd manna? En ég hef (í Útvarpi Sögu f.h. 6. des.) skorað á þá stofnun að beita lögbanni gegn birtingu slíks efnis, enda er viðbúið, að ella verði birt meira af uppteknu efni af barnum Klaustri. Beita ber háum sektum gegn lögbrotum af þessu tagi.

Ég tek það fram, að ég lít á ábendingu vinar míns, sem var mjög sannfærður um þetta, sem einbera tilgátu. En ég hef vissulega séð ósennilegri tilgátur um ævina en þessa. Varð einhver var við Bjartmar þennan umrætt kvöld?

[Halldór Jónsson, 7.12.2018 kl. 06:17]

Já Emil, var ekki upplýst að hann hefði þurft að hlaða tækið ítrekað meðan á upptökunni stóð? Hvernig tæki?

Jón Valur, það er athyglisvert sem þú segir.Ef þetta er rétt er þarna um beina árás í hagnaðarskyni á friðhelgi einkalífs Alþingismanna  að ræða. Viðkomandi hafa engum hagsmunum að tapa héðan af með því að kæra þetta til lögreglu og fá allt upplýst um þetta ljóta mál. 

[Halldór Jónsson, 7.12.2018 kl. 17:02]

Eru ekki eftirlitsmyndavélaupptökur á Klaustrinu?