Er Egill Helgason óskeilkull?

í öllum efnum? Það mætti ætla miðað við þá athygli sem RÚV og DV veita honum.

Í Reykjavíkurbréfi tekur höfundur dæmi um áreiðanleika Egils. Þar segir m.a.:

"Annað dæmi um þetta er þegar Davíð Oddsson skipaði fjölda skósveina sinna sem sendiherra árið sem hann var utanríkisráðherra. Þeir voru tíu talsins á þessu eina ári – annað eins hefur ekki gerst í sögu utanríkisþjónustunnar. Þar af var hópur manna sem hafði unnið með Davíð í forsætisráðuneytin, Albert Jónsson, Ólafur Davíðsson og Kristján Andri Sveinsson. Svo voru gamlir bandamenn úr pólitíkinni eins og Júlíus Hafstein og Markús Örn Antonsson. Í utanríkisþjónustunni var ekki nokkur þörf á öllum þessum sendiherrum. Þetta voru dúsur – umbun fyrir fylgispekt.“

Stendur eins og slúður á bók

Það er annars merkilegt að virðulegir miðlar eins og Dagblaðið og „RÚV“ láti eins og þarna fari marktækur álitsgjafi. Þarna talar Egill „sérfræðingur“ þessara miðla svo smekklega um að á einu ári hafi Davíð Oddsson skipað 10 „skósveina sína“ í embætti sendiherra en „ekki hafi nokkur þörf verið á öllum þessum sendiherrum“.

Kristján Andri sem þarna er nefndur til sögu er að vísu ekki Sveinsson heldur Stefánsson. Hann hafði verið í forsætisráðuneytinu við störf í háa herrans tíð áður en Davíð Oddsson bar þar inn. Hann átti honum ekkert að þakka. Hann hafði raunar byrjað þar sem sendill í tíð afa síns Kristjáns Eldjárns. Síðar var hann einn af burðarásum forsætisráðuneytisins enda einn af öflugustu mönnum þess. Hann fluttist yfir í utanríkisráðuneytið samkvæmt reglum um færslur á milli ráðuneyta án sérstakrar skipunar. Þegar sóst var eftir því að hann færi til Eftirlitsstofnunar ESA þótti rétt að hann bæri titil sendiherra. En þar með bættist hann ekki í hóp sendiherra ráðuneytisins því að hann var að formi til skráður út úr ráðuneytinu á þessum tíma, reglum samkvæmt. Kristján Andri Stefánsson varð síðar sendiherra í París 10 árum eftir að Davíð Oddsson fór úr ráðuneytinu.

Albert Jónsson, einn færasti sérfræðingur Íslands í erlendum málefnum, var skipaður sendiherra af Geir H. Haarde utanríkisráðherra.

Ólafur Davíðsson var skipaður sendiherra í Þýskalandi í ráðherratíð Halldórs Ásgrímssonar í utanríkisráðuneytinu, en Ólafur hafði starfað sem ráðuneytisstjóri í forsætisráðuneytinu í nær hálfan annan áratug og naut mikils álits að verðleikum, með afburðaþekkingu á íslenskum málum og náin tengsl við Þýskaland.

Júlíus Hafstein hafði sendiherratitil en óskaði aldrei eftir því að fara utan „á póst“. Hann stóð sig með prýði í ráðuneytinu.

Óljóst er með vísun í hvaða hluta af sínu yfirgripsmikla þekkingarleysi Egill Helgason kemur sér upp 10 sendiherraskipunum. En hugsanlegt er að hann reyni í blekkingarleik sínum að telja þá með Svein Björnsson og Helga Gíslason sem fengu sendiherraskipun skömmu áður en þeir hættu í ráðuneytinu eftir löng og farsæl störf og var það gert í samræmi við gömul fyrirheit þar. Hvernig Egill þessi fær það til að ganga upp að þar hafi verið um sérstaka „skósveina“ að ræða þótt annar embættismaðurinn heiti vissulega Sveinn er í meira lagi undarlegt.

Enn undarlegra er að halda því fram að „óþörfum“ sendiherrum hafi fjölgað við þessa heiðursskipun þeirra við starfslok, sem enginn ágreiningur var um að þeir höfðu unnið til.

Það hlýtur að vera dapurlegt fyrir „virðulegt“ Dagblaðið að sitja uppi með ómerking sem aftur og aftur er staðinn að ómerkilegum dylgjum og fráleitum fullyrðingum í bland, en það má vel vera að það sé bara gott á „RÚV“.

Alla vega sér þar ekki á svörtu."

Stendur Egill Helgason undir því áliti og á þeim stalli  sem þessir áminnstu miðlar og gáfumanna- og  góðafólkselítan er búin að lyfta honum til? 

Allavega virðist hann ekki alveg óskeikull.

Athugasemdir

[Már Elíson, 8.12.2018 kl. 10:12]

Sannleikanum er hver sárreiðastur - Kannski ætti Egill að biðjast afsökunar og og gangast undir vandarhögg til að þóknast stórmóðguðum síðuhafa fyrir að hafa velt við steinum.-

[Heimir Lárusson Fjeldsted, 8.12.2018 kl. 12:27]

Egill er ofmetinn hjá ruv.

[Bjarni Gunnlaugur (IP-tala skráð) 8.12.2018 kl. 15:12]

Það er augljóst að Már Elísson hér að ofan hefur ekki lesið pistilinn en það truflar hann ákkúrat ekkki neitt í að hafa skoðun á honum ;-) 

Egill er frábær fjölmiðlamaður en greinilega ekki óskeikull fréttaskýrandi. Spurning hvort ekki rísi upp hin nýsiðvædda þjóð og krefji hann afsagnar fyrir að atyrða svona hina mætustu menn og kalla þá skósveina?   

Femínistarnir munu þó sitja heima og geyma grjótið enda þarna um hóp hvítra miðaldra karla að ræða.

[Halldór Jónsson, 8.12.2018 kl. 18:00]

Það er ekki mín meining að hafa neitt af Agli af því góða sem hann gerir. Fáir búa til betri þætti eins og Kaupmannahafnar-og Kanada þættir hans eru. En honum getur brugðist bogalistin eins og fleiri vinstrisinnum þegar kemur að pólitíkinni eins og Davíð bendir á. Þá taka ttilfinningar við af rökhyggjunni.

[Jóhannes Laxdal Baldvinsson, 8.12.2018 kl. 23:05]

Er Davíð Oddson skeikull? 

Skipaðir af Halldóri Ásgrímssyni:

Bergdís Ellertsdóttir 2004 Aðstoðarframkvæmdastjóri EFTA Berglind Ásgeirsdóttir 2004 Ráðuneytisstjóri
Sighvatur Björgvinsson 2004 Framkvæmdastjóri ÞSSÍ
Ólafur Davíðsson 2004 Sendiherra í Berlín
Tómas Ingi Olrich 2004 Sendiherra í París

Skipaðir af Davíð Oddssyni

Albert Jónsson 2005 Sendiherra í Washington
Guðmundur Á. Stefánsson 2005 Sendiherra í Stokkhólmi
Hannes Heimisson 2005 Sendiherra í Helsinki
Helgi Gíslason 2005 Lét af störfum ‘06
Júlíus Hafstein 2005 Skrifstofustjóri í utanríkisráðuneytinu Kristján Andri Stefánsson 2005 Í stjórn ESA í Brussel
Markús Örn Antonsson 2005 Lætur af embætti í ágúst 2008
Sveinn Á. Björnsson 2005 Lét af störfum 2006
Sigríður Dúna Kristmundsd. 2006 Sendiherra í Pretoríu


Skipaðir af Geir H. Haarde

Elín Flygenring 2006 Prótókollstjóri
Lilja Viðarsdóttir 2006 Andaðist í mars 2007
Stefán Lárus Stefánsson 2006 Fastafulltrúi hjá Evrópuráðinu í Strassborg

Skipaðir af Ingibjörgu Sólrúnu Gísladóttur

Gréta Gunnarsdóttir 2008 Skipaður frá 15. mars 2008
Þórir Ibsen 2008 Skipaður frá 15. mars 2008
Sigríður Anna Þórðardóttir 2008 Skipuð frá 1. júlí 2008

Þessum lista getur ekki einu sinni Davíð sjálfur mótmælt og upptalningin sýnir það svart á hvítu að Davíð fór offari í útdeilingu pólitískra bitlinga miðað við þá utanríkisráðherra sem á undan voru og þá sem á eftir komu.  Útúrsnúnigurinn varðandi Kristján Andra er líka sérstakur í ljósi þess, að Kristján tiltekur þessa sendiherraskipun án útskýringa á sínu CV sem lesa má hér: https://www.iceland.is/iceland-abroad/fr/islenska/um-sendiskrifstofu/sendiherra

[Halldór Jónsson, 9.12.2018 kl. 19:31]

var ekki Davíð lengur í embætti en hinir?