Drög að sjálfsmorði

á efnahag þjóðarinnar hafa verið lögð. Guðmundur Gunnarsson, sem gárungar í Sundlaugunum kölluðu stundum "Guðmund bolsévikk" í gamla daga þegar hann var róttækur í Rafiðnaðarsambandinu, boðaði valdatöku iðnaðarmanna eftir að allt hefur logað í verkföllum í mars í Silfri Egils rétt áðan.

Guðmundur þessi Gunnarsson hefur fyrir löngu spáð þessu ástamdi sem framundan er og sá ekki ástæðu til að breyta henni í þættinum. Raunsær maður greinilega Guðmundur.

Þórólfur Matthíasson prófessor lýsti ástandinu í kjaramálum sem bútasaumi, þar sem tilraunir til kjarabóta leiðast út í hverskyns sérmál svo sem húsnæðismál, vaxtamál og þvílíkra sératriða.Því væri erfitt að nálgast verkefnið svo vel sé með því að ræða áhrifaþætti eins og skattleysismörk og tengingar þeirra við annað.

Það er ekki furða þó að verkefnið hin íslensku kjaramál séu orðin svo risavaxin að óleysanlegt virðist hverjum þeim sem virðir það fyrir sér úr fjarlægð.  Sú staðreynd sem Vilhjálmur Bjarnason lýsti um 2.4 % raunverulegar kjarabætur á tveimur áratugum  breyta litlu í heimi hinna nýju verkalýðsforingja sem fyrir kröfugerðinni fara núna. Allir hlutir skulu þar nú gjörðir að nýju eftir nýjum hagfræðilögmálum. Bankasala eða ekki breyta litlu í þeim heimi sem í vændum verður.

Margir kjarahópar eiga svo eftir að bætast í hópinn sem nú þingar með allar sínar sérkröfur. Það getur hvarflað að manni að reyna að komast úr landi áður en ballið byrjar því enga lausn eygir maður aðra en snöruniðurskurðinn þegar fólk fer að fá nóg eftir nokkurra vikna verkföll með vorinu. 

Það vill enginn horfast í augu við það að mánaðar verkfall næst aldrei inn aftur þegar verðbólgan hefur étið upp tuga prósenta pappírshækkun kauptaxtanna. Innst inni vita allir að 0 % kauphækkun núna og sáttakauplækkun þeirra sem fengu Kjararáðshækkanirnar myndi skila meiri kjarabótum til allra innan skamms tíma heldur en allar aðrar tillögur sem nú eru uppi. En um slíkt er auðvitað ekki hægt að ræða.

Því hafa drögin verið lögð að efnahagslegu sjálfsmorði þjóðarinnar innan tveggja mánaða.

Athugasemdir

[Eðvarð L. Árnason (IP-tala skráð) 20.1.2019 kl. 16:30]

Elítan og skattmennirnir JG og SI lærlingur JG dáðir af sumum.

   Var ekki hið efnahagslega sjálfsmorðið framið af Bjarna Ben. og elítunni sem tók sér 45% kauphækkanir. Fyrir alla elítuna kosta þessar sjálftökuhækkanir (elítan skapaði kjararáð) gríðarlega fjármuni. 

Nú vantar elítuna  fjármagn til að fylla upp í holuna sem myndaðist vegna aukafóðrunar elítunnar eftir 45% afturvirku  launa hækkanirnar   ÞVÍ skal nú fylla í holuna og  nú skal fyllingarefnið fjármagnið tekið úr vösum skattborgara, og nú í formi nýs skatts. Vegskattur.  Elítan er dýr á fóðrum.

[Grímur (IP-tala skráð) 20.1.2019 kl. 17:01]

" ávinningur verkalýðsfélaga í kjarabaráttu síðustu ára hefði runnið í ríkissjóð en ekki til hinna lægst launuðu, það væri vegna þess að ríkið hefði breytt kerfum svo að bætur fólk skertust." -GG í Silfri

þannig að kjarabarátta snýst ekki um laun heldur bætur frá Almannatryggingum?

[Halldór Jónsson, 20.1.2019 kl. 17:27]

Rétt tekið eftir Grímur

Já Eddi vinur, það að þeir gátu ekki hugsað sér að skila neinu til baka sem innlegg í hóflega kjarasamninga sýnir skítlegt eðli þessara þingmanna svo maður taki sér nú lýsingarorð forsetans míns  í munn.

[Símon Pétur frá Hákoti (IP-tala skráð) 21.1.2019 kl. 00:27]

Takk kærlega Halldór, loksins leyfðirðu þér að segja það sem þér ber í brjósti:

Já, þingmenn hafa sýnt sitt skítlega eðli.

Sá sem er höfuðpaurinn heitir Bjarni Benediktsson.

Hann skipaði návin sinn, Jónas Þór Guðmundsson,

sem formann kjararáðs.  Boðskapurinn var að 

vera sem djöfullinn sjálfur og freista allra þimgmanna, ráðherra og æðstu búrakrata stjórnsýslunnar með því að skammta þeim launahækkanir langt umfram alla aðra, gera þá alla samseka og samtryggða í sjálftökunni og græðginni.

Ef þú segir að þeir séu skítseiði, þá samsinni ég því algjörlega.  En mundu Halldór hver hafði forgöngu um það:

Formaður Sjálfstæðisflokksins, núverandi fjármálaráðherra, hann hlýtur því að vera mesta skítseiðið, skítseiði numero uno.

Takk Halldór, loksins sagðirðu það.

[Halldór Jónsson, 21.1.2019 kl. 10:45]

Ekki vil ég tska undir hrakleg orð þín Símon Pétur um Bjarna. Hann hefur gert eitt og annað gott en annað miður,Afnám vörugjaldanna og lækkun tryggingagjalds  og svo Icesave eru andstæður á hans ferli.Eins þegar hann bolaði Villa Bjarna útaf þingi. Um Orkupakkann 3 veit ég ekki. Um þennan þjóðarsjóð hans er ég efins. Ég sé ekki annað en að honum liggji á að taka peninga af Landsvirkjun og ávaxta í útlömndum eða hvað sýnist þér Símon?  Allavega er olíusjóður Alaska og Norðmanna aðrir hlutir.

Einn gallinn við Bjarna er að að hann gefur sér of lítinn tíma til, að vera formaður Sjálfstæðisflokksins enda virðist fylgið vera komið í 20 % til að vera. Formaður sem fiskar ekki samkvæmt skilgreiningu Jóns Baldvins.  Þó gæti hann þetta alveg hæfileikanna vegna en hann er fjölskyldumaður sen getur skiljanlega ekki gefið allt í þetta sem er samt líklega nauðsynlegt ef eitthvað verulegt á að ganga eins og hjá Davíð. Þú verður að sýna einhver snefil af sanngirni Símon Pétur þó að maður hafi gaman af kjaftinum á þér.

[Símon Pétur frá Hákoti (IP-tala skráð) 21.1.2019 kl. 13:36]

Ég er mjög sanngjarn maður Halldór minn.

Og óspar á hrós til þeirra sem það eiga skilið.

Þú átt einmitt mikið hrós skilið fyrir þína

hressilegu, vafningalausu og skemmtilegu pistla.

Þú ert maður sem þorir að segja meiningu þíns

og algjörlega umbúðalausa, sjálfstæður maður.

[GÍSLI HOLGERSSON - ICELAND (IP-tala skráð) 21.1.2019 kl. 13:42]

Kjararáð hefur skapað óskapnað á launamarkaði vegna ofurlauna til Alþingis. Allir samþykktu þessa ofurhækkun.

Silfrið var hressandi varðandi "fjármálin". FROSTI Sigurjónsson talar mannamál, sem allir skilja. Þarna er maður,sem þarf að komast AFTUR inná Alþingi. Símon Pétur frá Hákoti hljómar alltaf vel, eins og hann bitist frá "gamla tímanum" með flest á hreinu.

Lokum á bankasölur, sæ og orkupakka. Höldum ÍSLANDI ómenguðu og ÖRUGGU og vörumst skipanir ESB landa fyrir fÁMENNT Landið okkar.

[Símon Pétur frá Hákoti (IP-tala skráð) 21.1.2019 kl. 13:53]

Algjörlega sammála hverju einasta orði Gísli.