Sá eini hæfi?

er spurning sem gæti hvarflað að manni þegar nálefni æðstu stjórnenda ber á góma. Í Fréttablaðinu sendur eftirfarandi:

"KJARAMÁL Bankaráð Landsbankans hækkaði mánaðarlaun bankastjórans, Lilju Bjarkar Einarsdóttur, um 17 prósent í fyrra eða sem nemur 550 þúsund krónum. Hækkuðu mánaðarlaunin úr 3.250.000 krónum í 3.800.000 krónur þann 1. apríl 2018.

Hækkunin kom innan við ári frá annarri launahækkun bankastjórans sem fékk hækkun upp á tæpar 1,2 milljónir á mánuði 1. júlí 2017. Þá hafði ákvörðunarvald launa bankastjórans verið fært frá kjararáði til bankaráðs Landsbankans.

Frá 1. júlí 2017 til 1. apríl 2018 hafa laun bankastjóra Landsbankans hækkað úr 2.089 þúsund krónum í 3.800 þúsund krónur. Það gerir hækkun um rúmar 1,7 milljónir á mánuði, eða rétt tæp 82 prósent á þessu tíu mánaða tímabili. Um er að ræða laun og bifreiðahlunnindi.

Þetta kemur fram í svari bankans við fyrirspurn Fréttablaðsins þar sem óskað var eftir sundurliðun á launaupplýsingum bankastjórans eins og þær birtast í nýbirtum ársreikningi bankans. "

Er Linda Björk þeim yfirburða hæfileikum gædd að hún sé fremst meðal jafningja? Hvernig var komist að þeirri niðurstöðu að hún skyldi ráðin bankastjóri?

Ef svo vera skyldi að finnist meðal okkar fólk sem hefur svipaða hæfileika en væru tilbúnir til að vinna verkið fyrir lægra gjald eins og tíðast á opinberum útboðsmarkaði og mættu gilda um ríkiseign eins og Landsbankann,mætti ekki kanna slíkt með útboði? Mögulegur sparnaður fyrir þjóðarbúið?

Auglýsingartillaga:

"Tilboð óskast í bankastjórastöðu Landsbanka Íslands þar sem vegið verður saman hæfi tilboðsgjafa og verð." 

Athugasemdir

[Valdimar Samúelsson, 9.2.2019 kl. 10:22]

Halldór þetta sýnir hver út úr kúinnu þessi elíta er. Líklega væri best að hafa eitt og sama kjararáð fyrir alla landsmenn hvort það eru Bankastjórar eða einhver sjómaður sem framleiðir 1000 sinnum meira en Forseti okkar.

Eitt kjararáð og lögin sem til eru að ekki megi mismuna fólki er allt sem þarf. Þetta er ekkert flókið. :-) 

[Jón Þórhallsson, 9.2.2019 kl. 14:49]

Þtta er góður pistill hjá þér Halldór.

[Jóhann Kristinsson, 9.2.2019 kl. 15:33]

Bezta lausnin er að kjararáð ákveði tekjur þingmanna og ráðherra einu sinni á ári og allir launþegar í Landinu fá þá sömu launahækkun í krónutölu ekki í prósentum.

Með þessu væri hægt að taka launadeilur út af dagskrá við kjarasamninga.

MAGA

Kveðja frá Montgomery Texas

[Grímur (IP-tala skráð) 9.2.2019 kl. 15:58]

Samt á að heita að VIÐ eigum Landsbankann og allir brjálaðir ef minnst er á að selja hann, en það eru ef til vill ófyrirgefnaleg ummæli einsog Kata forsætisráðherra segir í Fréttablaðinu að eigi við um allt drykkjuraus

[GÍSLI HOLGERSSON - ICELAND (IP-tala skráð) 9.2.2019 kl. 19:26]

Laun bankastjóra og fjármálafyrirtækja urðu til vegna mikillar ábyrgðar í starfi. Þeir gátu samt ekki bjargað almenning og fyrirtækjum frá að missa hundruð/þúsunda heimila frá "hruninu"

Kjararáð hefur mokað ofurlaunum, sem eru skattar almennings og fyrirtækja til Alþingismanna, sem eru vissulega starfsmenn almennings, sem eru yfirkeyrðir af mikilli vinnu segir forsætisráðherra, þrátt fyrir alla aðstoðarmenn. Þó höfðu Piratar nægan tíma til að "rústa" sjálfum sér og þingheimi með framkomu sinni við þingmann í ræðustól. Þetta var ekki fyndið og niðurlæging fyrir reglur Alþingis.

Bankastjóri LANDSBANKANS sýnast hafa góð mánaðarlaun kr.3.800.000.