Hversvegna einkabíll?

er spurning sem almenningur hefur svarað fyrir sig. En meirihlutinn í Borgarstjórn Reykjavíkur heldur því fram að fólk vanti Borgarlínu umfram aðra samgöngumáta. Verði hún fyrir hendi þá leggi menn bílnum og flykkist með línunni.

Ef menn reyna að setja sig í spor einstæðrar móður með 2 börn á skólaaldri sem býr í leiguíbúð í úthverfi, þá er hægt að setja sig inn í daghennar einhvern veginn svona:

Kl. 7:00:  Vakna og gefa morgunmat. Koma börnunum af stað í skólann. Það er tíu mínútna gangur í strætó.Það er kortérs ferð með strætó að næstu stoppistöð við skólann.Þaðan er tíu mínútna gangur að skólanum. 2x 35 mínútur af tíma fjölskyldunnar  í ferðir. Ef vont er veður þá vildi móðirin heldur reyna að aka börnunum í skólann.

Konan er í vinnu fyrir tímagjald. Hún verður að  eyða 1.5 klukkustund í ferðir með almenningssamgöngum sem ekki fæst borgað. 

Svo eru eftir 1-2 ferðir síðar á deginum fyrir börnin í félagsstörf og íþróttir. Fleiri klukkutímar í ferðir. Svo kemur líf móðurinnar, foreldraheimsóknir og annað. Börnin kannski í bíó eða annað. Svo koma helgarnar á sumrin. Langar einhvern út úr bænum í berjamó til dæmis?

Getur einhver séð fyrir sér að þessi móðir geti þráð nokkuð heitar en lítinn bíl sem hún getur nýtt til þess að geta hætt að sóa lífi sínu í endalaus ferðalög og tímaeyðslu?

Til þess að koma til móts við hana skattleggjum við bíla og bensín eins og það sé lúxus.Gerum bensínið verra með íblöndun lífdísils. Þessa einstæðu móður sem öllum stjórnmálamönnum finnst svo undurvænt um rétt fyrir kosningar.Sem getur líka verið gamlingi eða öryrki með staf sem staulast um og þarf að fara út á stoppistöð Borgarlínu.

Á sjö árum er búið að verja sjöþúsundum milljóna króna til þess að auka hlutdeild almenningssamgangna úr 4 % sem það var í 12 % nú samkvæmt áætlun Dags B. Eggertssonar og hans fólks. Árangur þessa átaks er sá að um síðustu áramót er hlutdeild almenningssamgangna nákvæmlega 4 %. Sem sagt NÚLL árangur.

Og þess vegna á líklega að setja 800 milljónir frá Ríkinu núna í undirbúning Borgarlínu sem fólkið hefur hafnað svo eftirminnilega.Er þetta heilbrigt?

Einkabíllinn er svo sjálfsagður hérlendis eins og annarsstaðar í vestrænum samfélögum að öllum nema sanntrúuðu samfylkingarfólki og jafnvel pírötum hlýtur Borgarlínulausnin að blasa við sem hin óhagkvæmasta sem völ er á.

Athugasemdir

[Ómar Ragnarsson, 9.2.2019 kl. 21:39]

Ég hef alla tíð verið eindreginn fylgjandi einkabílsins en ekki fylgjandi því að hver einasti maður þurfi endilega að vera á næstum fimm metra löngum bíl sem vegur 1500 kíló vegna þess að ef sú spá rætist að bílum muni fjölga um 30-40 þúsund næsta áratug, er einfaldlega hvorki pláss fyrir alla þessa viðbótarbíla né fyrir allar breiðgöturnar og mislægu gatnamótin.

Enn síður eru til fjármunir fyrir þetta allt. Meðalfjöldi um borð í hverjum bíl er 1,1 maður en ekki þrír eða fimm. 

Hver persóna sem fer í snattferð á hjóli eða smábíl losar heilmikið rými fyrir einkabíl fyrir annan mann. 

Í tilfelli hjólsins losar hann rými fyrir einn einkabíl fyrir annan mann og í tilfelli almenningssamgangna rými fyrir marga einkabíla. 

[Ómar Ragnarsson, 9.2.2019 kl. 21:41]

Aðeins skýrari lokasetning: Í tilfelli almenningssamgangna losa þeir sem eru um borð í vagni rými fyrir marga einkabíla. 

[Halldór (IP-tala skráð) 9.2.2019 kl. 23:43]

Ef þetta væri "Þeir sem nota, borga" með þessa borgarlínuvitleysu þá væri mér nokk sama um þetta, en þar sem það á að láta mig fara borgar fyrir eitthvað fokdýrt sem ég mun aldrei nota þá er ég alfarið á móti þessari hugmynd, sérstaklega þar sem hún mun gera alla umferð ennþá verri en hún er í dag.