Er enginn morgundagur í pólitík?

þeirra vinstri manna sem styðja Dag B. Eggertsson í Borgarstjórn Reykjavíkur?

Stefna hans í umferðarmálum Borgarinnar hefur greinilega haft í för með sér árangurslausan milljarða kostnað hvert ár frá 2012 og stefnir nú í tugmilljarða til viðbótar með stofnum Borgarlínunnar þar sem sveitarfélög eins og Kópavogur, Mosfellssveit og Hafnarfjörður eiga að koma fram með sinn hluta.

Aðeins Seltjarnarnes áætlar ekki að taka þátt enda fær sveitafélagið  Borgarlínuna þá fríkeypis lagða heim á hlað til sín. Hagsýn húsmóðir hún frænka mín Ásgerður bæjarstjóri.

Svo segir í Morgnablaðinu í dag:

"Strætisvagnar eru hluti af þeim kostum sem fólk stendur frammi fyrir þegar ferðalög innan höfuðborgarsvæðisins eru annars vegar.

Full ástæða er til að bjóða upp á þennan kost eins og gert hefur verið myndarlega í áratugi. Staðreyndin er þó sú að það er tiltölulega mjög lítill hópur sem nýtir þennan ferðamáta að einhverju marki og áherslur þeirra sem taka ákvarðanir um samgöngu- og skipulagsmál á svæðinu ættu að taka mið af því.

Í umfjöllun Morgunblaðsins í gær má sjá að frá árinu 2011 hefur engin aukning orðið á fjölda þeirra sem nýta sér strætisvagna 3-6 sinnum í viku, um 3%, og fjöldi þeirra sem nýta strætó daglega hefur meira en helmingast og er nú einnig um 3%.

Þeir sem ferðast aldrei eða nánast aldrei með strætó eru heldur fleiri nú en árið 2011. Samanburðurinn við árið 2011 er mikilvægur vegna þess að þá var undirrituð viljayfirlýsing ríkisins og sveitarfélaganna á höfuðborgarsvæðinu um tíu ára tilraunaverkefni um að efla almenningssamgöngur á svæðinu.

Ætlunin var að „tvöfalda a.m.k. hlutdeild almenningssamgangna í öllum ferðum sem farnar eru á höfuðborgarsvæðinu á samningstímanum“.

Enginn getur haldið því fram að þetta markmið hafi náðst. Þróunin hefur ekki einu sinni þokast í þessa átt, þvert á móti er þróunin frekar í hina áttina. Þessi þróun stafar ekki af því að viljayfirlýsingin hafi verið orðin tóm.

Þvert á móti hefur verið unnið eftir henni með verulega hækkuðu framlagi ríkisins til strætó og er framlagið nærri einn milljarður króna árlega. Þetta eru háar fjárhæðir, og það sem meira er, þær voru teknar af öðrum samgöngum á svæðinu.

Þetta hefur, ásamt þeirri stefnu borgaryfirvalda að leggja steina í götu einkabílsins, orðið til þess að vegakerfið hefur setið á hakanum, sem hefði að öðru jöfnu átt að ýta fólki yfir í aðra ferðamáta, einkum í strætó. Og það var einmitt ætlunin.

Viðbrögðin við þessum öfugsnúna árangri hafa því miður verið á sömu lund. Í stað þess að draga rökréttar ályktanir af tilraunaverkefninu hefur verið ákveðið að ausa meira fé í almenningssamgöngur. Ekki bara með því að bæta aðeins í og þétta strætisvagnakerfið, sem væri nógu sérkennilegt í ljósi áhugaleysis almennings, heldur með því að ákveða að setja milljarðatugi í nýtt risavaxið ofurstrætisvagnakerfi, svokallaða borgarlínu.

Ekkert bendir til að árangurinn af þeim fjáraustri verði meiri en af því sem þegar hefur verið reynt, en fyrir liggur að útgjöldin verða margföld. Hvernig má það vera að ábyrgir stjórnmálamenn rísi ekki á fætur og stöðvi þessa óráðsíu?"

Tíminn líður og það koma aftur kosningar. Verða einhverjir með þann styrk sem til þarf eftir þær til að halda áfram þeirri stefnu Dags B. og hans fólks að snúa ferðamáta fólks við? Frá einkabílnum til Borgarlínu? Hafa menn hugsað virkni hennar til enda?

Einföld athugun á degi venjulegrar 5 manna fjölskyldu á höfuðborgarsvæðinu ætti að gera hverjum manni  ljóst að slík fjölskylda kemst ekki af með mikið minna en 2 bíla eigi félagslegum þörfum hennar að vera mætt. Sem vel að merkja krefst óhemju vinnuálags myrkranna á milli í hinum dreifðu byggðum svæðisins.

Síðasta útspil meirihlutans er að takmarka aðgengi að eldsneyti á bíla þeirra sem búa í Reykjavík.Af hverju ekki að fækka útsölum ÁTVR líka til að minnka drykkjuskap í miðborginni.Loka fleiri bílastæðum við Landspítalann? Niðurgreiða reiðhjól með skattfé? Allt nema að opna augun fyrir lífinu eins og það er.

Er líklegt að þetta venjulega fólk kjósi það fólk sem nú ræður för til framhaldandi setu í meirihluta til að styðja samgöngustefnu sem ekki hefur náð meiri árangri í almenningssamgöngum  en kyrrstöðu í síðustu 2 kjörtímabil?

Eru engir framtíðarspámenn í hópi þessa fólks eða ætlar það sér ekki framhaldslíf á nýjum morgundegi.? 

 

Athugasemdir

[GB (IP-tala skráð) 17.5.2019 kl. 13:14]

Í fyrra var birt skýrzla í Bretlandi sem sýnir að lagning borgalína hefur engu skilað þeir eru fastir í 5%. Lagning hjólreiðastíga hefur fjölgað slysum um 20% enda gleymist að hjólreiðar eru hættuleg jaðaríþrótt.

[Þorsteinn Briem, 17.5.2019 kl. 13:26]

Það hefur einfaldlega verið ákveðið að ráðast í gerð Borgarlínunnar á höfuðborgarsvæðinu til að fjölga þeim sem nota almenningssamgöngur og vagnarnir munu ekki nota jarðefnaeldsneyti.

Hávaða-og loftmengun frá umferðinni verður því minni en ella, auk þess sem hlutfall einkarafbíla mun stöðugt aukast hér, eins og í Noregi.

Byggðin verður einnig þétt við Borgarlínuna. Tugþúsundir munu því búa við línuna og þurfa ekki að ganga langar leiðir að henni.

Þeir sem ekki vilja búa nálægt Borgarlínunni eða í þéttri byggð geta það hins vegar að sjálfsögðu.

Flestir Reykvíkinga vilja samkvæmt skoðanakönnunum búa vestan Kringlumýrarbrautar í Reykjavík, þar sem byggðin er mun þéttari en til dæmis austan Elliðaáa og þriðjungur Reykvíkinga býr vestan Kringlumýrarbrautar.

Þar eru þó og verða áfram stór opin svæði, Klambratún (Miklatún), Öskjuhlíð, Nauthólsvík, Ægisíða og Hljómskálagarðurinn.

Þrátt fyrir nafnið verður Borgarlínan ekki eingöngu í Reykjavík og mun liggja til að mynda á nýrri brú yfir Fossvoginn á milli Kópavogs og Reykjavíkur, frá Hafnarfirði og í Mosfellsbæ.

Sífellt fleiri hjóla á höfuðborgarsvæðinu og auðvelt verður að hjóla frá Kársnesi í Kópavogi að háskólunum á Vatnsmýrarsvæðinu, þar sem nú er verið að byggja bæði atvinnu- og íbúðarhúsnæði, til dæmis fyrir nemendur háskólanna.

Hjóla- og göngustígar hafa verið lengdir verulega á höfuðborgarsvæðinu undanfarin ár, enda nota þá sífellt fleiri.

Flestir Reykvíkinga starfa vestan Kringlumýrarbrautar í Reykjavík og þar eru þrír háskólar með um 20 þúsund nemendur og kennara.

Við Landspítalann, stærsta vinnustað landsins, starfa um 5 þúsund manns, og stórar byggingar verða reistar þar á næstu árum.

Því er mikilvægt að byggja íbúðarhúsnæði á Vatnsmýrarsvæðinu nálægt háskólunum og Landspítalanum, enda er verið að byggja á Hlíðarendasvæðinu og íbúðarhúsnæði verður einnig byggt við Háskólann í Reykjavík og Skerjafjörðinn á næstu árum.

[Grímur (IP-tala skráð) 17.5.2019 kl. 13:27]

Allt þetta bruðl er með stuðningi Píratanna sem búa í niðurgreiddu húsnæði á stúdentagörðunum og taka leigubíl í vinnuna - allt á kostnað Alþingis. Öskra svo yfir flísinni í auga annarra en sjá aldrei brot sín á siðreglum fyrir bjálkanum í sínu eigin auga.

[Þorsteinn Briem, 17.5.2019 kl. 13:29]

Sjálfstæðisflokkurinn er í ríkisstjórn, sem hefur samþykkt að ráðast í gerð Borgarlínunnar og að Landspítalinn verði áfram við Hringbraut.

[Þorsteinn Briem, 17.5.2019 kl. 13:46]

"Seltjarnarnesið er lítið og lágt.
Lifa þar fáir og hugsa smátt.
Aldrei líta þeir sumar né sól.
Sál þeirra er blind einsog klerkur á stól.

Konurnar skvetta úr koppum á tún.
Karlarnir vinda segl við hún.
Draga þeir marhnút í drenginn sinn.
Duus kaupir af þeim málfiskinn."

[Þorsteinn Briem, 17.5.2019 kl. 14:10]

Hvað er á Seltjarnarnesi?!

Nærri því ekki neitt.

Ekki einu sinni miðbær.

Einungis verslunarmiðstöð við bæjamörk Seltjarnarness og Reykjavíkur.

Þar var ekki einu sinni pláss fyrir nýja Bónusverslun, þannig að ný verslun var opnuð á Grandagarði í Reykjavík í stað þeirrar sem lokað var á Seltjarnarnesi.

Hversu stór höfn er á Seltjarnarnesi og hversu miklu er landað þar?!

Höfnin í Kópavogi er meira að segja stærri.

Seltirningar sækja nær alla þjónustu til Reykjavíkur og enginn framhaldsskóli, banki eða pósthús er á Nesinu.

[Ómar Ragnarsson, 17.5.2019 kl. 17:22]

Reiknað er með að íbúum á höfuðborgarsvæðinu fjöldi um 50 þúsund til 2030. Það þýðir 40 þúsund viðbótar einkabíla, heldur stærri en nú eru ef marka má auglýsingar og sölutölur. 

Hvar á að finna fjármagn og ekki síður pláss fyrir öll þau samgöngumannvirki, breiðar stofnbrautir, mislæg gatnamót og bílastæði, sem duga fyrir þennan gríðarlega vöxt?

[GÍSLI HOLGERSSON - ICELAND (IP-tala skráð) 18.5.2019 kl. 00:06]

Eitthvað lánleysi er á Landinu OKKAR og það versnar. VISTIN með ESB hrellir 100% kjósenda,sem sjá það óréttlæti að logandi ESB lönd,sem ekki ráða við eigin rekstur í Evrópu, vilja nú ná yfirráðum yfir ÖLLUM AUÐ ÍSLENDINGA á láð og legi. Hópur Alþingis manna samþykkir ORKUPAKKANN og sæstreng og "allt" sem ESB óska sér nema MIÐFLOKKURINN, sem segir  N E I  fyrir ÍSLAND.

ALÞINGI hefur leift stór sölur á ÍSLANDI-Landinu OKKAR til erlendra auðkýfinga og hugsanlega erlendra þjóða. 

Reykjavíkurborg uppfull af "eins"íbúðarhúsum,sem engin kaupir eða leigir vegna OKURverða. BRANDARABORGIN í regn- bogalitum í stanzlausri kæti á að eiga nóg rekstrarfé.

Lækkum verðin á gististöðum og matsölustöðum. Signum trúna, söguna,ÍSLAND,Víkingana,Landafundi og Ritstörf, en þannig höldum við andlitinu og FYLLUM Landið okkar af góðum erlendum ferðamönnum.    

[Elló (IP-tala skráð) 18.5.2019 kl. 09:37]

NASA:  Kólnun í vændum

Eins gott að búa þjóðir undir því kuldi drepur langtum fleiri en hiti
https://www.express.co.uk/news/science/1114503/weather-forecast-long-range-nasa-noaa-news-solar-minimum-space-weather

A weaker sun could reduce temperatures by half a degree.

 

Froðubatterí SÞ:

IPCC reports assume that recent solar activity is insignificant for climate change, and that the same will apply to activity in the near future.

https://phys.org/news/2017-03-sun-impact-climate-quantified.html

[Halldór Jónsson, 18.5.2019 kl. 12:06]

Eru til tölur um þetta eða er þetta ekki bara slagorð?

"Sífellt fleiri hjóla á höfuðborgarsvæðinu og auðvelt verður að hjóla frá Kársnesi í Kópavogi að háskólunum á Vatnsmýrarsvæðinu, þar sem nú er verið að byggja bæði atvinnu- og íbúðarhúsnæði, til dæmis fyrir nemendur háskólanna.

Hjóla- og göngustígar hafa verið lengdir verulega á höfuðborgarsvæðinu undanfarin ár, enda nota þá sífellt fleiri."

[GÍSLI HOLGERSSON - ICELAND (IP-tala skráð) 19.5.2019 kl. 13:36]

ÍSLENDINGAR þakka fyrir það ÖRYGGI,sem við enn eigum gagnvart Evrópu löndum. Aukning ferðamanna verður ÖRUGG á ÍSLANDI. Hvetjum ferðamenn til að BORÐA íslensk matvæli meðan þeir stoppa á ÍSLANDI, eins og FARFUGLARNIR til að hlýfa ómengaðri náttúrunni og blávatninu.

Vonandi getum við tengt Hjóla og Göngustígana við glerhúsið í BRUSSEL Halldór, en þar er nóg rými. Þar hefur ÍSLAND ekkert að gera með sitt fullveldi,lýðveldi og ORKUNA alla.

ÍSLAND er eftirsótt af heiminum vegna ómengaðrar og ólyfjaðrar framleiðslu okkar. "sleppum ALÞJÓÐAAÐSTOÐ".....

Reykjavíkurborg og Loftslagsfólkið býður upp á endalausa "stjórnun" og skatta á fámennu landinu okkar. Við köllum eftir reyndum atvinnu KÖRLUNUM og KERLINGUM, sem hafa unnið fyrir sér í lífinu og FÆKKUM í "RÍKISKERFINU".