Enn ein upptuggan um loftslagið

kemur fram í Fréttablaðinu í dag.

Þar þenur leiðtogi Samfylkingarinnar  Logi Már Einarsson síbyljuna um hlýnun af mannavöldum vegna útblásturs gróðurhúsaloftegunda sem sé samstofna einangrunarhyggju og sundurlyndis.

Sem sé auðvitað  andstæða skipulags og regluverks Evrópusambandsins,

"Í gær birtust andlit 272 ungmenna í opnuauglýsingu í Fréttablaðinu undir yfirskriftinni „Ekki spila með framtíðina okkar!“

Ungt fólk úr öllum áttum finnur sig knúið til að verja sig og sína framtíð gegn einangrunarhyggju og sundurlyndi. Þau eiga það sameiginlegt að telja opið, frjálst og alþjóðlegt samfélag líklegast til lausnar á aðsteðjandi vandamálum.

Undanfarna mánuði hefur ungt fólk einnig farið í loftslagsverkföll til að þrýsta á miklu róttækari aðgerðir í loftslagsmálum.

Þetta er kynslóðin sem mun bera uppi íslenskt samfélag næstu áratugina, fólkið sem þarf að taka til eftir okkur. Nýjustu rannsóknir sýna að á næstu árum ræðst hvort mannkyninu tekst að stemma stigu við loftslagsbreytingum eða við þurfum að fást við skelfilegar afleiðingar þeirra.

England og Skotland hafa þegar lýst yfir neyðarástandi í loftslagsmálum og ljóst er að fleiri þjóðir fylgja í kjölfarið, Ísland líka. Yfirlýsing ein og sér dugar þó skammt.

Henni þarf að fylgja eftir með róttækri, skýrri stefnumótun, tímasettum aðgerðum, mælanlegum markmiðum og verulegu fjármagni.

Ísland á að vera fyrirmynd í loftslagsmálum. Við þurfum að ráðast í aðgerðir sem krefjast breytinga á samfélagsskipan og hegðun okkar til framtíðar – í því felast vissulega áskoranir en líka tækifæri.

Við þurfum grænan samfélagssáttmála þar sem enginn getur skorast undan. Hvorki stjórnvöld, sveitarfélög, fyrirtæki eða einstaklingar.

Ungt fólk hefur fundið á eigin skinni hversu mikilvægt það er að eiga í náinni samvinnu við vinaþjóðir okkar í Evrópu og því finnst óhugsandi að vera án þeirra ómældu lífsgæða og tækifæra sem EES hefur fært okkur. Það áttar sig á að við þurfum á öðrum þjóðum að halda ef framtíðarsamfélag okkar á að vera spennandi og fjölbreytt.

Og að baráttan gegn loftslagsbreytingum krefst enn nánara alþjóðasamstarfs, eins og aðrar áskoranir nútímans.

Hlustum á ungt fólk og tökum þátt í því að tryggja þá framtíð sem það kallar eftir. Byggjum upp betra, opnara, frjálsara, grænna og alþjóðlegra samfélag."

Satt að segja gef ég almennt lítið fyrir stjórnmálaboðskap þessa leiðtoga Evrópusinna og fullveldissinna.

Öll umhverfismál  eru bardagi við vindmyllur ef stjórnlaus mannfjölgun á að halda áfram sem hingað til.

Það sem fer hinsvegar í taugarnar á mér er að Logi Már sem er tæknimenntaður maður og ætti að hafa fengið þjálfun í rökrænni hugsun skuli láta svona gagnrýnislausa upptuggu trúarsetninga lofstlagshlýnunarsinna frá sér í þeim pólitíska tilgangi að koma Íslandi í Evrópusambandið.

Setning eins og þessi er að mínu viti rökleysa og áróður:

"Ungt fólk hefur fundið á eigin skinni hversu mikilvægt það er að eiga í náinni samvinnu við vinaþjóðir okkar í Evrópu og því finnst óhugsandi að vera án þeirra ómældu lífsgæða og tækifæra sem EES hefur fært okkur." 

Ég var til fyrir EES, dvaldi í Evrópu árum saman  og stundaði nám þar. og ferðaðist um Evrópu að vild. Átti viðskipti við Evrópuríki án hindrana.

Svona slagorðaruna þjónar engum tilgangi öðrum en að blekkja ungt fólk til fylgis við einhvern boðskap Loga og ESB sinna um það að ekkert líf hafi verið fyrir EES.

ESB er tollabandalag gegn afganginum af heiminum. Það á ekkert skylt við ómæld lífsgæði og tækifæri, hvað þá frelsishugsjónina sem er æðst hugsjóna margra frá Jóni Sigurðssyni talið til okkar daga.

Þarna er á ferðinni samsett blekking byggt á rakalausu trúboði hans um aðgerðir í loftslagsmálum þegar hann segir:

"Henni þarf að fylgja eftir með róttækri, skýrri stefnumótun, tímasettum aðgerðum, mælanlegum markmiðum og verulegu fjármagni. "

Skattlúkan er aldrei langt undan þegar kemur að sál kratismans. Skattleggjum og eyðum er alþjóðlegur boðskapur kratismans.

Auðvitað heldur Logi Már að hann nái atkvæðum frá þessum villuráfandi ungmennum sem mörgum finnst ganga gagnrýnislaust afturhaldinu og einangrunarsinnum ESB á hönd með birtingu þessarar auglýsingar.

Engin mótrök, engar efasemdir bara trúarkenningar um ósannaða hluti í pólitísku blekkingarskyni.

Logi er ágætur arkitekt það ég hef séð. Því sorglegra finnst mér það að hann skuli leggjast svona lágt í stjórnmálaáróðri sínum með málflutningi sem hvergi  sæmir tæknimenntuðum manni eins og honum.

Enn ein upptuggan um hin ósönnuðu loftslagsvísindi sem í tísku eru á hinu pólitíska sviði er þessi grein Loga Más Einarssonar formanns Samfylkingarinnar.   

Athugasemdir

[Grímur (IP-tala skráð) 21.5.2019 kl. 10:56]

Það var líka fyndið að hlusta á Þorgerði Katrínu tala um í sambandi við þessa auglýsingu að hún hefði áhyggjur af því að hversu auðvelt væri að skrumskæla og afvegaleiða umræðuna frá því  sem henni finnst satt sem er nú allt sem kemur frá ESB og svo toppaði hún sjálfan sig með að vísa í að ef vitleysan er endurtekin nógu oft þá fer fólk að trúa því að það sé satt.

Í títtnefndri auglýsingu er sagt að þau hafi kostað auglýsinguna sjálf - afhverju ætti maður að trúa því?

[Þorsteinn Briem, 21.5.2019 kl. 13:59]

Mér sýnist þú tuða einna mest um loftslagið og hefur greinlega fengið þetta lag á heilann ásamt öðrum öfgahægrikörlum, Halldór Jónsson.

Held að þú ættir að taka þátt í næstu Eurovision og gapa þar um Orkupakkann fyrir hönd Miðfótarflokksins og Fokks fólsins.

[Valdimar Samúelsson, 21.5.2019 kl. 16:12]

Halldór þetta eru framtíðar kjósendur og það er slegist um á í öllum flokkum. semsagt þetta snýst ekki um loftslag heldur kjósendur ...No return...

[Ómar Ragnarsson, 21.5.2019 kl. 21:21]

Eftir sem áður mun olían og aðrar auðlindir rányrkju ganga til þurrðar á næstu áratugum. Þess vegna eru Norðmenn með olíusjóðinn stóra. 

Hvaða leyfi höfum við til þess að spila með þeu verðmæti á kostnað komandi kynslóða?

[Valdimar Samúelsson, 21.5.2019 kl. 23:15]

Ómar þú ert ekkert barn. Hvað skipta þessi vermæti nokkru máli. Það eru til orka í milljónir ára svo hvaða sönnun hefir þú og líkt þenkjandi fyrir að framtíðar hópar manna fari að reyna að spara orkuna. Þú veist að við höfum thoríum og aðra orkugjafa svo jarðhitan þangað til að slokknar á jörðinni þá hita frá sólinni þangað til að það slökknar á henni. Hvesvegna sprettur upp svona -öfga öfga hópar upp á Íslandi. Við gætum keyrt alla bíla á repjuolíu og metangasi. Nei það má ekki. Segð mér hversvegna ekki.

[GÍSLI HOLGERSSON - ICELAND (IP-tala skráð) 23.5.2019 kl. 14:44]

Valdimar Samúels ályktar rétt með repjuolíuna og metangasið fyrir bíla og togaraflotann. ÍSRAEL notuðu repjuolíuna fyrir flugsveitina og herinn og enginn skyldi snylld Ísraelsmanna. 

Loftslagsgrúppa AlGore á Alþingi og fylgifiskar í ríkisstjórn sitja við að "stjórna og leggja skatta á almenning"af þessari "loftslagsímind". Horfum BETUR og LÆRUM af Leiðtoga USA.