Ómar á villigötum

sem og oft áður í orkumálum, rafhjólahugsjón og CO2 dellunni.

Ómar Þ.Ragnarsson skrifar fjálglega um þessi mál en bara út frá röngum forsendum:

"

Nú nýlega ræddi David Attenborough um tölur sem varða lífmassa jarðarinnar. Þær voru sláandi og komu á óvart. Ef ég man rétt eru maðurinn sjálfur og þau dýr sem hann lifir á, 80 prósent af lífmassanum sem í þessu formi er til á jörðinni. 

Maðurinn hefur nýtt sér hugvit sitt til þess að búa til efnahagskerfi, sem byggjast á veldisvaxandi hraða svonefnds hagvaxtar, en stærstur hluti hans er ósjálfbær, það er, rányrkja eins og það heitir á góðri íslensku. 

Tegundum dýra, fugla og annarra lífvera fækkar með vaxandi hraða í takt við fjölgun mannanna, sem hver um sig þarf æ meira umleikis í bruðli og neyslu til þess að viðhalda skammtímagræðginni og hagvextinum. 

Þótt trúarbrögð heimsins séu með meginstef um frið og náungakærleika, finna öfgatrúarmenn afmarkaðar setningar í trúarritunum, sem snúið er í andhverfu trúarbragðanna, ófrið, átök, manndráp og eyðileggingu. 

Helstu stórveldin, sem stóðu að upphafi og drápsrekstri Fyrri heimsstyrjaldarinnar, voru kristin og sendu unga menn hundruðum þúsundum saman út í opinn dauðann í nafni réttlætis og undir söngvum á borð við "Áfram, Kristmenn, Krossmenn!"

Í Seinni heimsstyrjöldinni margfaldaðist grimmdin og illskan hjá sömu stórveldum og fyrr. 

Óþarfi ætti að vera að minnast á skelfilegustu ógnina, sem oft hefur verið fjallað um hér á síðunni, MAD (Mutual Assured Destruction); á íslensku GAGA ( Gagnkvæm Altryggð Gereyðing Alls). 

Aðeins nokkrir dagar síðan því var lýst yfir, að aðeins 10 mínútum hefði munað, að ráðist hefði verið á Íran vegna eins dróna, og að ef úr slíkri árás yrði, myndi hún fela í sér "gereyðingu Írans". 

Íransmegin telja öfgafullir klerkar flest réttlætanlegt fyrir sinn mikla Allah.

Minnisverð er ein athugasemd hér á síðunni fyrir nokkrum misserum, að fyllilega réttlætanlegt væri fyrir þá jarðarbúa, sem nú fara með völd á jörðinni, að gera hvað sem þeim sýndist og með hvaða afleiðingum, sem væri, vegna þess að "kynslóðir framtíðarinnar eru ekki til." 

Í gær var frétt um þá nauðsyn okkar Íslendinga að verða "Kúveit norðursins" í því æ hraðara kapphlaupi um neyslu orku, sem keyrð er áfram þrátt fyrir allt talið um að taka í taumana. 

Kúveit framleiðir víst 7 prósent af allri olíuorku jarðar, og öll vatnsorka og jarðvarmaorka Íslands er langt innan við eitt prósent af því. 

Samt er talað um að við stefnum sem óðast að því að verða stórveldi í að seðja óseðjandi orkuhungur jarðarbúa með því að fara út í stórfellda framleiðslu vindorku upp á þúsundir megavatta. 

Það mun væntanlega þýða að allt landið verði þakið vindmyllum. 

Að sjálfsögðu, því að í vaxandi eftirsókn eftir orku, sjá menn aðeins þá lausn að auka framleiðslu hennar með veldishraða en sýnast ekki detta í hug gera neitt til þess að ráðast að réttum enda á vandamálinu og minnka neysluna og bæta nýtingu orkugjafanna. "

Öll þessi framtíðarsýn er byggð á sandi þar sem forsenduna vantar.

 

Vandamálið er stjórnlaus fólksfjölgunin.

Ef ekki tekst að stöðva hana er allt annað unnið fyrir gíg.

Eitt og eitt gereyðingarstríð duga hvergi til að leysa málið.

Það verður að gera eitthvað til að stöðva brjálæðið sem stefnir í að fjölga mannkyni og örbirgðinni um milljarða á næstu árum.Allt útblásturstalið og olíubrennsla er píp ef það tekst ekki.

Mannkynið stefnir beint til glötunar og allar umhverfisráðstafnir eru gagnslausar ef ekki tekst að ná böndum  á mannfjölguninni.

Þreföldun fjölda mesta villidýrsins á 70 árum gengur ekki upp og Ómar ætti að velta þeirri villigötu mannkyns fyrir sér.

Athugasemdir

[Ómar Ragnarsson, 29.6.2019 kl. 00:21]

Stjórnlaus mannfjölgunin með veldishraða er algerlega af sama toga og allt annað sem ég nefni í pistlinum. Um mannfjölgunina er ég alveg sammála þér. Krafan um endalausan hagvöxt er fylgifiskur þess að sífellt þurfi að auka neysluna. 

[Jónas (IP-tala skráð) 29.6.2019 kl. 10:03]

Þú ert sannarlega hluti af vandanum Ómar, enda áttu fullt af börnum.

[Hörður Þormar (IP-tala skráð) 29.6.2019 kl. 15:23]

Það er ekki einungis út af loftslagsmálum sem brýnt er að þróa og stórauka nýtingu á sjálfbærum og heimafengnum orkugjöfum.

Ef íbúar Afríku gætu framleitt sína sólarorku, hver fyrir sig, gætu þeir stórbætt lífskjör sín, menntun og sjálfstæði.

Í Marokkó er unnið að byggingu sólarorkuvera og það hafa komið fram hugmyndir um að "flísaleggja" stór svæði í Sahara eyðimörk með sólarsellum.

Áhrif olíufursta og auðhringa sem byggja völd sín á olíu eru gríðarleg og tengjast auk þess vopnasölu. T.d. hafa Bandaríkjamenn og Sádi-Arabar gert með sér viðskiptasamning um olíu og vopn sem er svo hár að Bandaríkjamenn hafa ekki efni á að rifta honum.

Þau eru ótalin stríðsátökin og hörmungarnar sem tengjast ásókn í olíuna.

Væri ekki heimurinn friðsælli ef hann væri óháður olíunni?

Eða er það bara útópía?

[Valdimar Samúelsson, 29.6.2019 kl. 22:30]

Halldór góð grein.Þótt þetta sé ekki í takt þá langar mér að sína þetta.  

Hér er dálítið merkileg grein um áróður ESB í Tékkóslóvakíu á sínum tíma Eigin kona mesta áróðurspólitíkus fékk stöðu áróðursdeildar ESB þar í landi Er ekki þetta að ske á Íslandi. https://www.brugesgroup.com/media-centre/papers/8-papers/786-federalist-thought-control-the-brussels-propaganda-machine?fbclid=IwAR0ZBaOb2NNkaox_YilN-w_pj2u2uiOeNf-os8Xp1cWDVihJVGKr6Gv5kzU

þetta er hreint ótrúlegt en sama og manni grunaði. Geymið greinina í hið minnsta.

[Jón Valur Jensson, 30.6.2019 kl. 03:55]

Nei, kumpánar, "stjórnlaus fólksfjölgun" er EKKI mesta vandamál heimsins, og raunar er hún alls ekki stjórnlaus. Vesturlandamönnum og Bandaríkjamönnum þykir alveg nauðsynlegt að hafa stjórn á hlutunum, og þeir verstu þeirra reyna það á þessu sviði með óhugnanlegum mannvígum á ófæddum börnum og borga "læknum" há laun fyrir þá óhæfu (á sama tíma og refsað er fyrir stund á skjaldbökueggi með fangelsisvist og stórsektum!) -- og hafa einnig þreifað fyrir sér með því að narra fólk í 3. heiminum til ófrjósemisaðgerðar. En náttúran sér um sinn gang sjálf: Fæðingartíðnin hefur farið jafnt og þétt lækkandi, giftingaraldur hækkað og betri afkoma fólks (já, jafnvel í 3. heiminum og í Kína) og betri læknishjálp leiðir til þess, að foreldrar telja sig ekki lengur þurfa að tryggja sig í ellinni með eins mörgum barneignum og áður.

Ómar endar þarna á einhverri abstrakt hugsun um "kröfu um endalausan hagvöxt", en sú krafa er allsendis fjarri fólki í 3. heiminum. Þið eruð báðir einfaldlega að tjasla hér upp einhverjum módelum um ykkar ranghugmyndir.

[Jón Valur Jensson, 30.6.2019 kl. 03:58]

(á sama tíma og refsað er fyrir stuld á skjaldbökueggi ...

[Halldór Jónsson, 30.6.2019 kl. 09:33]

Jón minn Valur

Fósturdráp eru allt annars eðlis en að stuðla ekki aðm fækkun fæðinga. Mér finnst þú ekki beita rökhyggju þinni í þessu máli rétt:

Hannes Pétursson segir;

"Íbúafjöldi t.d. Nígeríu er rúmar 200 milljónir í dag og spár S.Þ gera ráð fyrir tvöföldun íbúa þess lands fyrir miðja öldina og verður þetta vanþróaða Afríkuríki þá orðið fjölmennara en Bandaríkin.

Íbúfjöldi álfunnar er núna um 1.3 milljarðar og mun tvöfaldast á næstu 30 árum gangi spár S.Þ. eftir. Íbúafjöldi sumra Asíuríkja stækkar líka ört, áætlar S.Þ. að íbúafjöldi Pakistan verði um 400 milljónir um miðja öldina. Það hljóta allir að sjá að í óefni stefnir.

Mig grunar að pólitísk rétthugsun Vesturlandabúa hindri umræðu og gagnrýni á þessa þróun - þú gagnrýnir ekki fólksfjölgum í 3ja heiminum. Hvernig á að fæða og klæða 9.7 milljarða árið 2050 og á sama tíma draga úr eldsneytiseyðslu mannkyns?

Aukin landnýting, auknar fiskveiðar, auknir vöruflutningar og aukin eldsneytiseyðsla er sennilegri þróun.

Flóttamannastraumurinn til Evrópu mun trúlega margfaldast og verða stjórnlaus eins og fólksfjölgunin.

 

Mikið er fjallað um áhrif mannanna á náttúruna í fjölmiðlum og á meðal stjórnmálamanna á Vesturlöndum. Það er hins vegar eins og menn forðist að fjalla um mannfjölda sprengjuna og hvaða afleiðingar hún mun hafa."

 

Þetta finnst mér spaklegt hjá Hannesi og spyr hvernig þú mótmælir þessu Jón minn Valur?

 

[Halldór Jónsson, 30.6.2019 kl. 14:27]

Húsari,

geturðu ekki umskrifað innsneda athugasemd þína. Hún er allof rætin til að ég geti birt hana, því miður

[Jón Valur Jensson, 30.6.2019 kl. 20:15]

Fósturdráp stuðla vissulega að fækkun fæðinga, Halldór. Barn, sem drepið er í móðurkviði, fæðist ekki. En þetta má ræða nánar.

Afríka er mjög auðug að náttúruauðlindum og stór svæði hennar vel fallin til landbúnaðar og matvælaframleiðslu. Hún getur leikandi borið miklu fleira fólk en 1,3 milljarða.

[Valdimar Samúelsson, 30.6.2019 kl. 20:50]

Ég held að menn ættu ekki að skipta sér af mannfjölgun en þessi afskipti gera ekkert annað en að trygglyndu vesturlöndin hætti að eiga börn en svokölluðu vanþróuðu löndin munu engu breyta og valtra svo yfir okkur enda eru þau komin með reynsluna sem við sjáum allstaðar.   

[Sigurður Kristján Hjaltested, 30.6.2019 kl. 21:11]

Athugasemd #3.

Jónas..!

Sjaldan séð eins ömurlega og vanþroska athugasemd

sem þú settir hér inn hjá Ómari.

Ef eihver á heiður skilið fyrir að reyna að fjölga

Íslendingum, þá er það Ómar.

Greinilegt er af þinni athugasemd, að þú hefur

ekki það kaliber til að gera slíkt hið sama.

Vonlausari sál/bloggara er varla hægt að finna

eins og í þessari athugasemd þinni.

[Sigurður Kristján Hjaltested, 30.6.2019 kl. 21:14]

Halldór minn, ég mislas athugasemdina og

tók þetta fyrir síðu Ómars.

En mín skoðun á þessari athugasemd stendur.

M.b.kv. ávallt.

[Halldór Jónsson, 1.7.2019 kl. 07:08]

Jón minn Valur

Hversvegna er betra að Afríkubæuum fjölgi´æistaðþess að gera það ekki?

Það eru ákveðin gæði í boði. Deilt með hærri tölu þýir minnaí hvers hlut. Með lægri tölu meira í hvers hlut. 

Tvöfaldaðu íbúa fjölda Íslands með innflutningi frá Afríku og þú hlýtur að sjá að við töpum þá helmingi velferðar okkar á hvert mannsbarn,

Hvervegna viltu fjölga Afríkubúuun ef hægt er að komast hjá því?.Margfaldist og uppfyllið jörðina?

[Jón Valur Jensson, 1.7.2019 kl. 16:29]

Það er mannauður í hverju barni, Halldór, að Afríkubörnum meðtöldum, þau eru Guðsbörn eins og þú og ég og eiga það ekki skilið að vera deydd í móðurkviði eða öðruvísi. En það mun draga stórlega úr fæðingum í Afríku, eins og annars staðar hefur gerzt með aukinni menntun (sem seinkar giftingaraldri og fækkar þar með fæðingum) og bættum lífskjörum. Og það er, þvert á móti spám manna um 1960, engin almenn hungursneyð í Afríku þrátt fyrir mikla fjölgun.