Nú freta "kommarnir " í Fréttablaðinu!

sem aldrei fyrr í takti við eigendaskiptin þegar Helgi Magnússon Hafskipslimur tók þar við ritstjórnarstefnunni.

Ein rödd heyrist í blaðinu í dag sem segja má að sé sögð af almennri skynsemi. Það er rödd Birnu Lárusdóttur sem segir svo m.a.:

Um það leyti sem rammaáætlun var að taka á sig endanlega mynd fyrir sex árum hafði þjóðþekktur baráttumaður fyrir náttúruvernd á orði að með áætluninni skapaðist „vitrænn og skipulegur farvegur“ til skoðanaskipta sem væri „grundvöllur siðaðs lýðræðisþjóðfélags“.

Þessi orð rifjast upp í þeirri miklu og óvægnu orrahríð sem nú er háð gegn uppbyggingu Hvalárvirkjunar og þeim sem að henni standa. Baráttan gegn Hvalárvirkjun er um leið atlaga gegn brýnni innviðauppbyggingu á Vestfjörðum. Því er meðal annars lýst yfir af náttúruverndarsamtökum að einskis verði látið ófreistað til að stöðva virkjunaráformin.

Helgar tilgangurinn mögulega öll meðul – bæði lögmæt og ólögmæt?

Aðferðafræði þeirra sem hæst láta felst helst í skæðadrífu órökstuddra fullyrðinga og aðdróttana sem ítrekað er vitnað til sem algildra sanninda með tilheyrandi tilfinningahita.

Slíkur hamagangur getur komið róti á hugi margra en verður seint talinn farsæll farvegur fyrir skoðanaskipti. Stærstu samtökin í þessum efnum, Landvernd, ganga síðan svo langt að saka virkjunaraðila um lögbrot. .."

Gegn þessu fara svo "kommarnir" í mörgum gerfum. Formaður Viðreisnar, hinnn margfaldi Ólympíufari Þorgerður Katrín sem hefur sjaldan hefur tekið nema rétta póla i hæðina og hefur inngöngu í hið deyjandi ESB sem sitt Alfa og Omega. Svipað og ruglingsleg skrif Óli Antons Bieltved þar sem hann lofsyngur ESB í sama blaði en nú undir yfirskyni trúar sinnar á nauðsyn hvalafriðunar.

Formaður Samfylkingarinnar fer svo um víðan völl án þess að hægt sé að skilja það óyggjandi. Helst er hann almennt á móti frekari vatnsaflsvirkjun og hlýtur þá að vilja ræða thoríum kjarnorkuver sem lítið fer fyrir enda eru Landsvirkjun þegar farin að selja slíka orku.

Steininn tekur þó úr þegar lesin er grein prófessors doktors Þorvaldar Gylfasonar: Glórulaus pólitísk heift og byrgja honum sýn í öllum málum eftir að gagnfræðaskólastíll hans sem hann kallar stjórnarskrárfrumvarp hans, var fellt í ystu myrkur því það er gersamlega óhæft.

Hér eru tilfærð sýnishorn af orðbragðinu sem Háskólamaðurinn telur sér sæma að nota um Donald J. Trump:

" Ég lýsti því hér fyrir viku hversu komið er fyrir tveim sögufrægum flokkum, bandaríska Repúblikanaflokknum sem situr nú og stendur eins og víðræmdur rasisti, hálfgildingsfasisti og hreint fífl – „stabílt séní“ kallar hann sjálfan sig – býður mönnum sínum og einnig fyrir brezka Íhaldsflokknum sem bíður þess að gera sams konar trúð að forsætisráðherra Bretlands. Við skulum nefna hlutina réttum nöfnum. Skófla heitir skófla eins og kaninn segir..."

Hvaðan kemur þessum Þorvaldi öll þessi óhenju vizka og sjálfsupphafning? Og þolinmæði til að hamra lygina um stjórnarskrármálið seint og snemma með útúrsnúningum.

Enn segir þessi Þorvaldur:

Það kom í hlut kommanna og AGS að reisa landið við. Þriðji flokkurinn Í miðju hruni reyndu sjálfstæðismenn að selja Ísland í hendur Rússa til að komast hjá neyðarhjálp frá AGS. Bandamenn Íslands í Nató – og kommarnir! – supu hveljur.

Af þeim sjö mönnum sem Rannsóknarnefnd Alþingis taldi hafa sýnt af sér vanrækslu í skilningi laga voru fjórir hátt settir sjálfstæðismenn. Enginn þeirra var þó látinn sæta ábyrgð, öðru nær.

Sá þeirra sem keyrði Seðlabankann í kaf heldur áfram að láta ljós sitt skína í Morgunblaðinu, fjármagnaður af útvegsmönnum. Sjálfstæðismenn hafa reitt sig á réttarkerfi sem þeir hafa mannað að miklu leyti sjálfir, refsileysi og fyrningu brota, eins og t.d. þegar álitlegur hluti gjaldeyrisforða Seðlabankans var sendur til Tortólu 6. október 2008 og bankinn komst í þrot."..

Þorvaldur snýr auðvitað öllu á haus. Vinstri stjórnin setti landið á hvolf, sló skjalborg um fjármálafyrirtækin,  skar upp herör gegn fjölskyldunum heimilunum svo að tíuþúsund manns missti heimili sín, mokaði milljörðum af skattfé í þjófa-og asnaveislur hjá Sjóvá, Byr,SPK og fleiri félögum. Og svo halda þeir kommarnir því fram að þeir hafi bjargað öllu?

Steingrímur gaf sér ekki tíma til að éta svo upptekinn var hann í montinu og því að halda það sjálfur að andi hans í fjármálum væri heilflaska meðan efnahagsvitið hans myndi ekki fylla meðalaglas af minnstu sort og hafi aldrei orðið stærra.

Kommarnir uppskáru eins og þeir  sáðu þegar þjóðin fékk loks tækifæri að segja sitt álit eftir Icesave svikin:

Leiðarhöfundur Morgunblaðsins lýsir þessu svo:

 

"...Skyndiinnganga í ESB var hástig dómgreindarleysis þeirrar ríkisstjórnar. Ríkisstjórn sundrungarleiðtoganna missti starfhæfan meirihluta sinn þegar kjörtímabilið var rétt hálfnað en hékk löskuð áfram og tafði endurreisnina sem því nam.

Fólkinu í landinu ofbauð og með tvöföldum Icesave-gerningi magnaðist fyrirlitningin. Í kosningum vorið 2013 átti fólkið loks leik.

Vinstristjórnin sem fengið hafði hreinan meirihluta 2009 fékk þá verstu útreið sem ríkisstjórn hefur fengið.

Fastagestir stjórnmálafræðinnar á „RÚV“ forðast eins og eldinn að rifja upp þennan sögulega hápunkt.

Ríkisstjórn hafði látið sjálfshólið ganga í fjögur ár og forkólfarnir þóttust þeir fyrstu sem tekið hefðu á því í ríkisstjórnarsögu landsins.

Gengið var með 34 þingmenn til kosninga en meira en helmingur þeirra tapaðist.

Átján þingmenn féllu og aðeins sextán lifðu nóttina af!

Hið innistæðulausa sjálfshól fann hvergi samastað nema hjá montrössunum sjálfum. Aðalástæða einstæðrar rassskellingar var ákvörðunin um að sundra þjóðinni þegar samheldni, samvinna og samhjálp hlutu að verða kjörorð hvers dags..."

Komminn Kolbrún Bergþórsdóttir bregst ekki í leiðarskrifi sínu gegn hverskonar virkjunum sem skemma fossa og fegurð náttúru þegar hún skrifar:

"....Ýmsir fulltrúar orkugeirans og kónar þeirra sem vara við raforkuskorti kunna greinilega ýmislegt fyrir sér í áróðri.

Þannig senda þeir skilaboð til almennings og tónninn er eitthvað á þessa leið:

„Eruð þið tilbúin til að fórna hluta af þægilegum lífsstíl ykkar og vera án orku í þó nokkurn tíma vegna þess að til er fólk sem er án jarðsambands og vill ekki sjá virkjanir? Sjáið þið til dæmis lætin út af Hvalárvirkjun sem er mikið framfaramál, en í stað þess að átta sig á því jarmar þetta sama fólk út af einhverjum fossum sem á að þurrka upp í þágu atvinnuuppbyggingar.“

Vitaskuld sjá ekki allir gegnum þennan blygðunarlausa og ósvífna áróður og sumir ganga honum glaðir á hönd..." 

Þorgerður Katrín Gunnarsdóttir formaður Viðreisnar, skrifa róskiljanlega grein til að hakka niður hugsjónir Óla Björns Kárasonar. Ekki er nein leið að fá nokkurn botn eða boðskap í grein hennar frekar en skrif Loga Más Einarssonar um orkumá nema að Logi segir:

"...Sífellt f eiri og sterkari raddir heyrast sem leggjast gegn gegndarlausum fórnum á landinu í þágu rafmagnsframleiðslu. Ekki er nóg með að slíkar fórnir séu oft óafturkræfar, þá spilla þær þeirri auðlind sem ósnortin náttúra er.

Þessar raddir tala fyrir mikilvægum sjónarmiðum. Við þurfum því að bregðast hratt við – ekki láta lögmálið um framboð og eftirspurn ráða alfarið. Það mun sundra þjóðinni og getur valdið óbætanlegu tjóni á íslenskri náttúru..."

Logi Már vill engar frekari hefðbundnar virkjanir. Logi er því heldur greinilegra afturhald en Þorgerður Katrín sem mælir nú  með inngöngu í ESB að vanda og dýrkun EES-samstarfsins með svohljóðandi skrúðmælgi:

"...Þó að þingmaðurinn tali ekki skýrt um hvað hann meinar með þessu má ætla að hann sé að tala gegn fjölþjóðasamvinnu en fyrir tvíhliða viðskiptasamningum í anda Brexit og Trumps.

Flestar þjóðir drógu þann lærdóm af kreppunni á fyrri hluta síðustu aldar að fjölþjóðasamvinna yrði að leysa tvíhliða viðskiptasamninga af hólmi til að tryggja sem mest viðskiptafrelsi..".

Það er erfitt að ímynda sér að frá Alþingi sem inniheldur þvílíka hjörð af sundurlyndu afturhaldsfólki geti komið eitthvað sem til framfara horfir á atvinnusviði landsins, virkjanir sem annað.  Enda fer tíminn þar í salnum í meiningarlaust karp og málþóf sem engu skilar nema samræmdu pólitísku sjálfsmorði þeirra sem ætla að samþykkja Orkupakka 3 þann 3. september.Almenningur er löngu hættur að botna í málum og verklagi á þeim bæ.

Hugsanlega kemur ekki neitt tækifæri fyrr en eftir næstu kosningar hvernig sem ´"óður eða ölur ber að" og hvernig sú brenna fer.

 

 

 

Athugasemdir

[Ómar Ragnarsson, 18.7.2019 kl. 16:32]

Orkan í gufuaflsvirkjunum HS orku á Suðurnesjum dvínar jafnt og þétt og reynt er að bæta það upp með vatnsafls- og vindorkuvirkjunum úti á landi. 

HS orka þarf alla orku Hvalárvirkjunar suður til þess að bæta sér upp þennan missi.