18.3% fylgi

er nýjasta fylgi Sjálfstæðisflokksins míns gamla.

Hann virðist kominn í það að minnka um svo sem prósent á mánuði.Og það með þessa flottu forystusveit með ungar stelpur í framlínunni. Að maður tali ekki um flottasta formann allra flokka.

Styrmir Gunnarsson hefur áhyggjur af þessu. Hann segir í dag:

"Ný könnun MMR á fylgi flokka kallar á aðgerðir af hálfu Sjálfstæðisflokks, sem er í 18,3% fylgi skv. þeirri könnun.

Eðlileg fyrstu viðbrögð eru þau, að flokkurinn láti fara fram djúpa könnun á ástæðum fylgistaps flokksins. Nú má vel vera að slík könnun hafi verið gerð, þótt ekki hafi verið skýrt frá því opinberlega. En hafi það ekki verið gert er ástæða til að framkvæma slíka könnun nú og byggja síðan aðgerðir til þess að snúa þessari þróun við á niðurstöðum hennar."

Verður að gera aðgerð á mér til að hífa upp fylgið? Ég hef ekki skilið snilldina til fulls sem fylgdi samstilltu þriðja orkupakkamálinu. Það er skömm að því að almennir flokksmenn skuli vera með múður þegar forystan veit sannleikann. 

Það verður að fara í djúpa könnun á því hvernig eigi að leiðrétta kompásinn hjá þessari bévítans grasrót flokksins sem kann ekki gott að meta. 

Nýkjörinn ritari flokksins, Jón Gunnarsson, alþingismaður, er sá eini úr forystusveit Sjálfstæðisflokksins, sem hefur lýst opinberlega áhyggjum af fylgisþróun flokksins.

Vonandi beitir hann sér nú fyrir slíkum fyrstu aðgerðum."

18.3  % er samt bara heilmikið fylgi fyrir lítinn og huggulegan flokk sem ætlar að stofna þjóðarsjóð og setja hann í banka í Asíu, stofna ný ríkisfyrirtæki og einkavæða flugstöðina og líka bankana aftur og leggja á nýja skatta.  

Athugasemdir

[Hrossabrestur, 23.9.2019 kl. 18:30]

það er aldeilis hvað þú mærir þetta flotta lið, en duga flottheitin, er ekki aðalmálið innrætið og hvað er á milli eyrnanna?

kv. hrossabrestur.

[GÍSLI HOLGERSSON - ICELAND (IP-tala skráð) 24.9.2019 kl. 14:44]

"Afturgöngurnar" deyjandi stjórnmála flokkar eru á uppleið samkvæmt könnunum. Það hryggir marga. Hópurinn,sem dásamar allt í Brussel virðist á uppleið og erlendir auðmenn kaupa enn meira af Landinu OKKAR. 

Ég spái ofurflokki við næstu Alþingis-kosningar, sem vinna fyrir Landið okkar og sameiginleg auðæfi. Þjóðernissinnar, Sagan, Ritstörf, Landafundir og Kristnir siðir eru STÓRMÁL ÍSLENDINGA. Sama gildir um Reykjavíkurborg.