Þjóðarsjóður

til hvers?

Af hverju á ég að taka minn sparnað, sem ég geymi til dæmis í Landsvirkjun,og geyma hann handa einhverju fólki sem ég ekki þekki og mun aldrei kynnast?

Af hverju á ég að hossast á ónýtum vegum og eyðileggja bílinn minn til þess að eitthvað fólk sem ég þekki ekki og mun aldrei kynnast geti tekið þennan sparnað minn og malbikað fyrir sig?

Af hverju á ég ekki að taka þennan sparnað minn og byggja virkjun fyrir hann núna sem lækkar rafmagnið hjá mér eftir 3 ár sem ég á sjans á að lifa?

Af hverju á ég að taka þennan sparnað minn og leggja í einhvern banka í Asíu svo að einhver ungur maður geti fengið atvinnu af að fylgjast með? Sjái u að ég fái ca. 5 % á ári í ávöxtun að greiddum kostnaði eftir 5 ár héðan frá. 15 % eftir 5 ár ef ég er heppinn og unglingurinn hefur engu tapað?

Hversvegna vil ég ekki fá að leggja sparnaðinn í arðbærar framkvæmdir strax hér innanlands sem ég get notið meðan ég lifi? Hvað veit ég hvað dellu kjósendur eru reiðubúnir að gera eftir 5 ár? Af hverju á ég að taka minn sparnað og leggja í hendurnar á þeim fíflum? Geta þau bara ekki séð um sig sjálf? Af hverju á ég að sjá fyrir þeim? Ætla þau ekkert að gera?

Af öllu þessu er þessi hugmynd um þjóðarsjóð fyrir mér algerlega galin og sem ég styð aldrei svo óskynsamsöm mér finnst hún.Hvar væri hlutur Sturlu Sighvatssonar eða Jóns Loftssonar ef þeir hefðu átt að leggja fram í varasjóð þjóðarinnar sem nýttist Steingrími J. Sigfússyni og Jóhönnu  í hruninu 2008?

Þjóðarsjóður er ekki hugmynd sem mér hugnast því ég vil fá eitthvað meðan ég lifi en ekki í eilífðinni.

 

  

Athugasemdir

[Grímur (IP-tala skráð) 24.9.2019 kl. 15:43]

Þjóðarsjóðurinn á að vera í höndum snillinga sem fjárfesta erlendis.

Ef slíkur sjóður hefði verið til á dögum IceSave þá hefði hann verið gerður upptækur vegna "mistaka" þessara snillinga

[Vagn (IP-tala skráð) 24.9.2019 kl. 22:04]

Eitthvað fólk sem þú ekki þekkir og munt aldrei kynnast er nú þegar að borga þér ellibæturnar og heilbrigðisþjónustu. Það er náttúrulega galið. Getur þú bara ekki séð um þig sjálfur? Af hverju á annað fólk að sjá fyrir þér? Það er ekki eins og þú gerir eitthvað gagn. Þú ert bara baggi á vinnandi fólki.

[Halldór Jónsson, 24.9.2019 kl. 22:12]

Þú ert sjúkur maður Vagn sem skilur ekki á hverju þjóðfélag gengur. Hver mun sjá fyrir þér?

[Vagn (IP-tala skráð) 25.9.2019 kl. 01:07]

Þú átt við að eitthvað fólk sem við þekkjum ekki og munum aldrei kynnast á að sjá fyrir okkur en að það sé galið að það á einhvern hátt fái eitthvað frá okkur. Gettu hver lítur út fyrir að vera sjúkur. Hver er svo upptekinn af því að passa að hann geri ekkert og borgi ekkert sem öðrum gæti gagnast? Hver er svo heltekinn af eiginhagsmunagæslu og frekju að jaðrar við geðsýki?

[Halldór Jónsson, 26.9.2019 kl. 16:07]

Mér finnst að lýsingin eigi við einhverja Kerru sem sést öðru hverju.