Leita í fréttum mbl.is

Blaðursilfur

var borið á borð fyrir okkur nú um hádegið.Þar er að vanda smalað saman fólki sem á það sameiginlegt að vera ekki í Sjálfstæðisflokknum og vera vinstra megin við miðju.

Þarna var Björt Ólafsdóttir sem var eiginlega óstöðvandi í málæði sínu án þess að segja nokkurn skapaðan hlut. Sem var eiginlega sameiginlegt einkenni á umræðunum. Þær sögðu manni ekki neitt sem menn vissu ekki áður.

Andrés Ingi hættur í kommeríinu án þess að nokkur maður láti sig það nokkru varða svo ég hafi tekið eftir.  Bjarkey Olsen bunaði innihaldslausa frasa um um umhverfismál sem ég er hundrað prósent ósammála sem órokstutt fleipur umhverfisráðherrans sem enginn kaus.

Kommeríið vill fá ríkisstyrki í gjaldþrota útgáfur sínar. Þorsteinn Víglundsson fimbulfambaði um ekki neitt sem ég gat fest hendur á og erfitt reyndist fyrir Sigmar að stöðva fleiprið í Björtu Ólafsdóttur sem sagði akkúrat ekki neitt.

Til hvers er verið að smala saman svona svo áhrifalausu fólki sem engin pólitísk áhrif hefur. Þessi Silfurþáttur skildi akkúrat ekkert eftir sig sem neinum gagnast. Það á að rannsaka Samherjamálið ofan í kjölinn segir Bjarkey.

Um hvað snýst málið í raun? Þýðir textinn ráðgjöf og húsaleiga ekki það sem stendur heldur þýðir textinn Mútur? Hvernig ber Alþingi sig til að skera úr um þetta atriði? Það á að moka peningum í rannsókn til að sanna glæpi á Samherja án viðskiptasjónarmiða. Það er búið að gefa sér sakfellinguna um mútur og spillingu. Það vantar bara að sæma Jóhannes skýrara stórriddarakrossi með stjörnu og helst að bjóða honum á Klaustrið upp á fríbjór.

 

Viðtalið við Árna Gunnarsson um flugvöll í Hvassahrauni er auðvitað svo absúrd að engum nema Degi B. Eggertssyni gæti dottið svona vitleysa í hug. Það sér hver meðalsnotur maður að enginn fer að byggja nýjan Keflavíkurflugvell við hliðina á þeim fyrri. Þetta er ömurlegt að menn skuli komast upp með það að myrða fjármuni  í þessa vitleysu þegar þjóðin vill yfirgnæfandi hafa Reykjavíkurflugvöll á sínum stað.

Sigmari mistókst gersamlega að stjórna þessum þætti sem er best gleymdur sem fyrst.

Þetta var ömurlegt Blaðursilfur í einu orði sagt enda er hrikalegt hversu þátttakendur eru alltaf valdir aðeins af vinstri kanti stjórnmálanna.

 


« Síðasta færsla | Næsta færsla »

Athugasemdir

1 Smámynd: Hrólfur Þ Hraundal

Ég sá ekki þennan þátt Halldór, en af ágætri lýsingu þinni er eins og mig rámi í að hafa séð aðra svipaða.

En í dag þá var framsóknar nautið á tali við fréttamann og ætlaði hann að senda hjörð vitringa í að finna upp aðferð til að gera Hvassa hraun að samþykkjanlegu flugvallar stæði, því að af honum mátti heyra að Reykjavíkur flugvöllur færi úr Vatnsmýri hvað sem tautaði.

Mitt álit er að verði flugvellinum okkar í Reykjavík hent, þá verður engin flugvöllur byggður í grend við Reykjavík, en mögulega við Selfoss og svo mætti byggja þar Landspítala og flytja alþingi þangað líka.

 


Hrólfur Þ Hraundal, 1.12.2019 kl. 23:03

2 Smámynd: Halldór Jónsson

Já það er von að þér detti ýmislegt í hug ágæti Hrólfur

Halldór Jónsson, 2.12.2019 kl. 09:38

Bæta við athugasemd

Hver er summan af átta og nítján?
Nota HTML-ham

Höfundur

Halldór Jónsson
Halldór Jónsson

verkfræðingur, flugdellukall, tennis-og badmintonspilari

-ekki góður í neinu af þessu-

Heimsóknir

Flettingar

  • Í dag (11.12.): 1012
  • Sl. sólarhring: 1042
  • Sl. viku: 4780
  • Frá upphafi: 2735589

Annað

  • Innlit í dag: 837
  • Innlit sl. viku: 3985
  • Gestir í dag: 745
  • IP-tölur í dag: 703

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband