Hvað gengur Jóhannesi til?

með Samherjamálinu?

Hefur svona mikla réttlætiskennd gagnvart namibísku þjóðinni að hann vill láta Samherja skila henni hagnaði sínum? Hvenær urðu þau sinnaskipti hjá honum eftir áralangt starf í hina áttina?

Hversvegna fer hann að hata sinn gamla vinnuveitanda og fyrrum samstarfsmenn svo mjög að hann leggur í þessa vegferð?

Hverjir eru svo reiðir út í hann að vilja hann feigan svo að hann þarf að leigja sér 13 lífverði? Eru það menn í Namibíu eða á Akureyri?

Hversvegna byrjaði Jóhannes á þessu máli og hvað gengur honum raunverulega til? 

Athugasemdir

[Þorsteinn Siglaugsson, 12.12.2019 kl. 11:10]

Held að þú hittir naglann á höfuðið þegar þú spyrð hvort það séu namibíumenn eða akureyringar sem vilji koma Jóhannesi fyrir kattarnef. Namibíumenn þekki ég ekki, en eins og við vitum eru akureyringar viðsjárverðir :)

[Ragnhildur Kolka, 12.12.2019 kl. 11:42]

Hvað Jóhannesi gengur til skiptir ekki máli núna. Hitt er að vilji Namibíumenn fá fé sitt til baka, þá er ekki við Samherja að sakast. Þeir greiddu uppsett verð fyrir veiðiréttinn og aðrar sporslur sem því fylgdu. Sannist að sporslurnar hafi verið mútur þá þarf að sækja þær til mútuþeganna. Hafi Samherji brotið íslensk (alþjóðleg) lög verður þeim stefnt fyrir íslenskum dómstól.

[Kolbrún Hilmars, 12.12.2019 kl. 16:51]

RÚV og Jóhannes eru búin að gera þetta að "almannamáli", svo eðlilegt er að almenningur velti því fyrir sér.  En samkvæmt öllum upplýsingum eru rúm þrjú ár síðan maðurinn starfaði síðast fyrir Samherja og segist hafa verið milligöngumaður um meintar mútugreiðslur.
Hver tók við af honum í starfi þá og mútuhlutverkinu?   Hefur sá verið spurður?

[Halldór Jónsson, 12.12.2019 kl. 17:47]

https://www.mbl.is/frettir/innlent/2019/12/12/johannes_fullur_idrunar_vegna_simtals/

Ég verð að segja að það læðist að mér sá grunur að undir Samherjamálið falli dýpri vandamál heldur en menn hafa áttað sig á á.Maður sem lætur annað eins út úr sér við eiginkonu sína eins og Jóhannes gerir við þetta tækifæri, fullur eða ófullur,  bendir ekki til þess að hann sé skýrari en aðrir í þessu Namibíuimáli eða jafnvel fleiri málum.

Það er frekar sorglegt fyrir minn smekk þegar menn hóta öðrum lífláti og fara svo í sjónvarpið og kvarta yfir því að setið sé um líf þeirra sjálfra.