Sannleikurinn um Trump

er eins og Gunnar Rögnvaldsson orðar það í pistli sínum:

"Á sama tíma og pólitísku ofsóknirnar á hendur Donald J. Trump fyrir að vera Trump og tala eins og Trump náðu hámarki, eru af sama "góða fólki" engar spurningar settar við það, að erfiðara er að fá réttar og gagnlegar upplýsingar um krónískar útflutningsdrepsóttir Kína, en það var að fá réttar upplýsingar um bráðdrepandi hungursneyðar hins sama alblóðuga kommúnisma í Sovétríkjunum og hjálendum þeirra á sínum tíma

Enginn þorði að setja fingur á Kína, nema Donald J. Trump. En nú eru allir menn með heila sammála honum þar - og í Miðausturlöndum líka þar sem Vesturbakkinn og sendiráð í Jerúsalem reyndust á engan hátt mikilvæg atriði fyrir friðsamlegri sambúð þjóðanna þar. Sleggja í óhlutfallslegri stærð bíður Írans haldi það sér ekki á mottunni, og það veit Íran núna. Hið sama gildir um Evrópu sem –áður en Trump kom, sá og sagði– heimtaði að Bandaríkin hefðu meiri og dýpri frumskyldum að gegna þar, en Evrópa hefði gagnvart sjálfri sér. Þar reif hann í eyru manna, öskraði þetta er bullshit í þau, og allir eru sammála um að þess var fyllilega þörf

Það kostar mikið að vera hugrakkur eins og Trump. Þess vegna eru svo fáir sem eru það. Borgaralegt hugleysi er því næstum allsráðandi. Huglaust fólk ofsækir þá hugrökku fyrir það eitt að vera hugrakkir

Lögmálið um hugleysi er þannig að fólk sem er huglaust þolir ekki fólk sem er hugrakkt, því að hugrakkir menn fá hugleysi þess sjálfs til að skera sig úr í augum þess sjálfs, og annarra. Þannig fólk virðist enn fremur hafa tilhneigingu til að verða auðveldara háð andúð og jafnvel hatri á hugrökkum mönnum en það verður háð eiturlyfjum

Það mun aldrei renna af þannig fólki varðandi Donald J. Trump, ekki frekar en það rann aldrei af mönnum hér heima varðandi Davíð Oddsson. Þeir menn eru fullir og tapaðir enn"

Sóðaskapurinn og svínaríið í Kína er ógn við almannaheilsu í heiminum. Þar eru framleidar flestar pestir heimsins sem yfir okkur ganga. Sú nýjasta stendur yfir.  Hvort verður eitthvað hægt að gera í þeim málum veit maður ekki. Vonandi finna vísindastofnanir heimsins einhver svör áður en mikið lengra líður.

Pólitískt hugrekki er það sem virðist vera á undanhaldi á Vesturlöndum dagsins. Ef menn hlaupa saman í múg og mótmæla þá gera stjórnmálamenn gjarnan í buxurnar. Líti menn til Frakklands og Macrons. Hvar er forysta hans stödd?

Það er helst að mamma Merkel hafi sýnt pólitískan kjark þegar hún hleypti innflytjendastraumnum inn með röngu eða réttu. Viktor Orban hefur sýnt kjark og meira að segja Danir hafa sýnt kjark. Og Pólverjar hafa líka tekið af skarið með meira afgerandi hætti.

Hjá okkur er safnað undirskriftum gegn löglegum aðgerðum í útlendingamáli og ekki stendur á því að lögum og reglum sé breytt og alveg eins afturvirkt. Auðvitað þarf vissan kjark til slíks, hvort sem er rétt eða rangt pólitískt séð.

Nú er annað mál á leiðinni hér á Íslandi þar sem erlend stórfjölskylda vill ekki fara úr landi vegna dagaspursmáls. Hvað skal gera? 

Hvað á embættismannakerfið okkar að komast lengi upp með slugs sem leiðir til slíkra mála? 

Mótsett þessu hefur Trump oft á tíðum sýnt ótrúlegan kjark í mörgum málum. Hvernig hann hefur haldið gegn straumnum og vinsældum. Beitt afli til að knýja fram niðurstöður en ekki sífellt slegið undan. Niðurstöðurnar eru ekki alltaf augljósar strax og fordómarnir eru fljótir á kreik. En í heildina hefur honum betur farnast en hitt.Hann hefur gert meira gott en illt. Og ég held að hann eigi margt gott ógert í embættinu.

 

Ég er sammála Gunnari Rögnvaldssyni um að sannleikurinn um Donald J. Trump sé hinn óvenjulegi kjarkur sem hann sýnir þegar á ríður .

 

Athugasemdir

[Ragnhildur Kolka, 9.2.2020 kl. 13:24]

Sammála ykkur!

[GÍSLI HOLGERSSON - ICELAND (IP-tala skráð) 9.2.2020 kl. 14:33]

LEIÐTTOGINN og Forseti USA DONALD J.TRUMP er löngu ljós. Bækur voru skrifaðar og sannir Kristsmenn litu á KAPPANN, sem næsta FORSETA AMERIKU mörgum árum fyrir Kosningaárið 2016. ILLT tal sýnir "öfund og ÓTTA" við sannleikann. HANN hefur breytt USA í viðskiptum til góðs og útrýmt atvinnuleysi. Mexico,Kanada,Kína og BREXIT og fjármögnun NATO er orðið skíljanlegt. SUMIR Demokratar í HVÍTA HÚSINU eru hættir að stela af skattfé almennings og ERLENDIS í miljónum og biljónum dollara í eigin þágu. ÓTTI Demókrata er í hæstu hæðum við DÓMSVALDIÐ og TUKTHÚSVIST??.

TRUMP felur EKKI trú sína fyrir LANDSMÖNNUM og leyfir stór fundi BÆNAFÓLKS innan Hvíta HÚSSINS fyrir AMERIKUMENN og ALLA MEÐSTJÓRNENDUR. "SPÁMENN" telja "DYNASTY" TRUMP eignast stjórnun AMERIKU með Jr.Donald TRUMP og unga BIRON.

BÆNIR færu vel í ALÞINGISHÚSINU með Sr. Geir Waage fyrir Landið OKKAR og Stjórnmálin og SJÁLFSTÆÐI. Frásagnir og BÆNIR Sr. Geirs takast vel í REYKHOLTI.