Einkareknir leikskólar

eins og einkareknar heilsugæslustöðvar eru möguleg lausn ef þeim er lagður til raunkostnaður opeinbers rekstrar. 

Það er þyngra en tárum taki að lesa raunatal Sólveigar Önnu um hvernig farið er með leikskólakennarana.

" Þetta hefur afleiðingar. Það hefur afleiðingar að nýta fólk til vinnu og borga því ekki laun sem duga fyrir framfærslu. Það hefur afleiðingar að hafa fólk í líkamlegri og andlegri erfiðisvinnu og láta það lifa við endalausar áhyggjur. Það hefur afleiðingar að hlusta ekki þegar fólk segir frá aðstæðum og kjörum. Grafalvarlegar.

Heilsu fólks hrakar sem látið er þola endalausar fjárhagsáhyggjur til viðbótar við mikið starfsálag. Konur á mínum aldri sem starfað hafa við erfið umönnunarstörf eiga á hættu að missa heilsuna. Fjölgun þeirra sem fá örorkumat er mest í hópi kvenna um fimmtugt. Kvenna sem unnið hafa erfið störf fyrir smánarleg laun og hafa einnig, eins og við allar, þurft að axla mikla ábyrgð á sínum eigin heimilum og fjölskyldum. Í kvennaparadísinni eru það láglaunakonurnar sem þjást.

Hvernig getur manneskja ákveðið að hlusta ekki á aðra manneskju sem að segir frá lífi sínu og tilveru? Ég skil það í alvöru ekki. Til hvers að sækjast eftir völdum ef að þú ætlar ekki að nota þau til að lyfta þeim upp sem mest þurfa á því að halda? Til hvers að sækjast eftir völdum ef að fólkið sem minnst hefur milli handanna hefur það ekki betra ef að þú ert við völd?

Hver er hugsjónin? Hvernig er það ásættanlegt að arfleifðin sé áframhaldandi og algjör undirgefni við samræmda láglaunastefnu, kerfisbundið og grimmilegt vanmat á virði hefðbundinna kvennastarfa?

Ég skil ekki þessa forherðingu. Hef aldrei skilið hana og mun aldrei gera það. Ég er þakklát fyrir það."

Eina leiðin til að frelsa þetta fólk er einkavæðing. Leikskólakennarar gerist sjálfs sín herrar og hætti að þurfa að skríða fyrir harðsvíruðu auðvaldi Dags B. Eggertssonar og hans nóta. Leikskólagjöld væru meira að segja í hættu á því að lækka ef einkareknir leikskólar yrðu gerðir mögulegir.

Athugasemdir

[GÍSLI HOLGERSSON - ICELAND (IP-tala skráð) 17.2.2020 kl. 18:01]

Það fylgir því mikil hamingja að eignast BÖRN. FJÖLGUM okkur sjálfir ÍSLENDINGAR. Ríkið greiði mæðrum og hjónum með fyrstu 3 BÖRNUM "3 miljónir" með hverju barni, sem tryggt verður á vöxtum til seinni ára. Mamman,Pabbinn sinna og kenna BÖRNUNUM heima við fyrstu 5 árin. Þarna SKAPAST SÉRFRÆÐINGAR!, sem kunna að lesa og skrifa, þegar skólagangan hefst. 

Einkareknir LEIKSKÓLAR eru betri en RÍKISREKIÐ og meiri "vinnu friður". 

[GÍSLI HOLGERSSON - ICELAND (IP-tala skráð) 19.2.2020 kl. 16:40]

BÖRN til sveita tala skýrt fagurt MANNAMÁL. Þau tala máli afa, ömmu og foreldra. ÍSLENSK gildi, sagan og menning skila sér fallega til fjöldans. TAKIÐ VIÐTÖL VIÐ "BÖRNIN" frá sveitunum.

Styrkjum SVEITINA með ÍSLENDINGUM og ÓMENGAÐRI framleiðslu ÍSLENDINGA. HÆTTUM að vera ALÞJÓÐLEG og STYRKJUM SJÁLFSTÆÐI FÁMENNRAR ÞJÓÐAR.