Leita í fréttum mbl.is

Vantar nokkuð?

til að endurreisa WOW?

"Þetta er fólkið á bak við skúla – þau vilja stofna nýtt flugfélag

5. apríl 2019
12:34
Fréttir & pistlar

Í gær var greint frá því að Skúli Mogensen stefni að því að endurreisa WOW air undir nýju nafni. Nýja flugfélagið hefur ekki fengið nafn en hefur gengið undir nafninu NewCO, sem merkir New Company eða nýtt fyrirtæki. Áætlað er að Skúli verði forstjóri nýja félagsins og aðrir helstu stjórnendur verða Sveinn Ingi Steinþórsson, Jónína Guðmundsdóttir, Arnar Már Magnússon, Daníel Snæbjörnsson, Snorri Pétur Eggertsson, Páll Borg og Svanhvít Friðriksdóttir.

Hringbraut lék forvitni á að vita hverjir þetta eru sem standa á bak við Skúla.

Sveinn Ingi Steinþórsson

\

Sveinn Ingi starfaði sem yfirmaður á sviði viðskiptagreindar og sem yfirmaður fjárhagsáætlana og fjárhagsgreininga hjá WOW air síðastliðin þrjú ár. Þar áður hafði hann unnið í tæp tólf ár hjá Air Atlanta. Sveinn Ingi er viðskiptafræðingur að mennt og hefur í frístundum lagt stund á CrossFit.

Jónína Guðmundsdóttir

\

Jónína starfaði sem framkvæmdastjóri mannauðssviðs hjá WOW air í tæp fjögur ár. Hún hefur áður starfað hjá Advania á mannauðssviði. Hún er með meistaragráðu í mannauðsstjórnun í ferðaþjónustu frá Strathclyde háskólanum í Glasgow.

Arnar Már Magnússon

\

Arnar Már starfaði hjá WOW air síðastliðin fimm ár og sinnti hinum ýmsu störfum. Hann starfaði sem flugstjóri, flugmaður, flugrekstrarstjóri og nú síðast hafði hann umsjón með viðgerð og viðhaldi flugvélaflota flugfélagsins. Arnar Már var áður flugstjóri hjá breska flugfélaginu Ryanair um sex og hálfs árs skeið.

Daníel Snæbjörnsson

\

Daníel starfaði sem verkefnastjóri hjá WOW air, þar á meðal á sviði viðskiptaþróunar. Hann er með meistaragráðu í flugumferðarstjórnun frá Cranfield háskólanum í Bedford á Englandi.

Snorri Pétur Eggertsson

\

Snorri Pétur starfaði sömuleiðis hjá WOW air. Snorri Pétur starfaði áður hjá Sabre Airline Solutions sem yfirmaður viðskiptagreiningar. Hann nam rafmagns- og tölvuverkfræði við Háskóla Íslands. Snorri Pétur nýtur útivistar.

Páll Borg

\

Mynd: Sigurjón Ragnar / Mbl.is

Páll starfaði sem yfirmaður viðskiptaþróunar hjá WOW air í sex og hálft ár. Hann sá þar m.a. um tryggingamál flugfélagsins og að semja um flugrekstrarleyfi fyrir það. Hann er einn af stofnendum Primera Air, sem varð gjaldþrota síðasta haust.

Svanhvít Friðriksdóttir

\

Svanhvít starfaði sem upplýsingafulltrúi WOW air allt frá stofnun flugfélagsins til endaloka þess við góðan orðstír og þykir afar fær í sínu fagi. Áður starfaði hún hjá almannatengslafyrirtækinu Góðum samskiptum og hefur auk þess starfað fyrir Kaupþing og Baug Group.Svanhvít er með meistaragráðu í almannatengslum og almannasamskiptum frá háskólanum í Westminster í Lundúnum.

Ljóst er að Skúli sækir því ekki vatnið yfir lækinn og heldur sig við samstarf helstu stjórnenda WOW air í áætlun sínum um endurreisn flugfélagsins."

Þarna er valinn maður í hverju rúmi, Skúli búinn að sýna hvað hann var flinkur að reka lággjaldaflugfélag með því að gefa þúsundkalla með hverjum miða.Þetta félag byrjar á því að gefa 1000 miða segir í fyrstu auglýsingunni. 

Vantar eitthvað í þetta dæmi sem gerir það vænlegra til rekstrar en WOW var til þess  að hætta við að setja ríkisábyrgð á Icelandair og veðja á Play? Er flugskýli Icelandair og tæknihliðin ekki þáttur í að reka flugfélag? 

Skyldu það annars vera bara peningar sem vantar og vantaði í svona fallegt rauðmálað dæmi?

 

« Síðasta færsla | Næsta færsla »

Athugasemdir

1 Smámynd: Þorsteinn Siglaugsson

Já, þetta er spurning Halldór. En hvert á flugfélagið að fljúga þegar landið er lokað? Til Akureyris bara?

Þorsteinn Siglaugsson, 31.8.2020 kl. 14:23

2 Smámynd: Sigurður I B Guðmundsson

 Jú, það vantar t.d. Pálma Haraldsson og Andra Má til að fullkomna þetta!!

Sigurður I B Guðmundsson, 31.8.2020 kl. 15:47

3 identicon

WOW var nafnið. Í pípunum er NewCO?. Af hverju ekki IceCAP, sem minna á ÍSLAND?. Margir eru orðnir leiðir á "companium".

ICELANDAIR skiljum við og móðurinn meiri fyrir áframhaldandi farþega og cargo flugi með flugvélum í ÍSLENSKU fána litunum.

GÍSLI HOLGERSSON (IP-tala skráð) 31.8.2020 kl. 20:06

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Halldór Jónsson
Halldór Jónsson

verkfræðingur, flugdellukall, tennis-og badmintonspilari

-ekki góður í neinu af þessu-

Heimsóknir

Flettingar

  • Í dag (18.5.): 586
  • Sl. sólarhring: 972
  • Sl. viku: 5462
  • Frá upphafi: 3196912

Annað

  • Innlit í dag: 536
  • Innlit sl. viku: 4503
  • Gestir í dag: 486
  • IP-tölur í dag: 473

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband