Stjórnarskrárbull vinstraliðsins

er orðið að síbylju á Útvarpi Sögu. Einhver vinstri kona Katrín Oddsdóttir er búinn að úthluta sér einkaleyfi á að setja þjóðinni stjórnarskrá og er studd af allskyns furðufólki með ranghugmyndir um hvað slíkt plagg þýðir og gerir.

Þeir vinstri menn eru með einhverja skoðanakönnun í gangi sem á að neyða Alþingi til að afsala sér löggjafarvaldinu og fela það Útvarpi Sögu og Þorvaldi Gylfasyni svo einhverjir spekingar séu til nefndir.

 

Þessar 30 þúsund undirskriftir sem sagðar eru komnar á plaggið  eru áreiðanlega mest frá kommunum og góða fólkinu til vinstri. Hægri menn nenna ekki að taka þátt í svona fáránlegri könnun.

Enda hvað þýðir að skrifa undir svona plagg?

Við vorum 80 þúsund sem skrifuðum undir bæn um að Reykjavikurflugvöllur yrði látinn í friði.Dagur B. og vinstra hyskið hans gaf skít í þetta og heldur ótrautt áfram að eyðileggja völlinn með Salami aðferðinni, byggja hér og girða hér.

 

Stjórnarskrártillögur sem stjórnlagaklúbburinn með fanatíkerum og hálfkommum skrifaði 2012, sem er fullt af göllum og er samfelld hrákasmíði í allt of löngu máli sem enginn heilvita maður vill sjá né heyra vegna þess hversu lélegt það er. Það  er núna í umræðu kommanna og Péturs á Sögu jafngilt fullskapaðri stjórnarskrá sem þeir segja að hafi verið samþykkt í þjóðaratkvæði og eigi bara að taka upp óbreytta. Alþingi eigi bara að stimpla þetta rugl og halda sér saman.

 

Auðvitað er það Alþingis og aðeins Alþingis að koma með tillögur um breytingar á Stjórnarskrá.Ekki Péturs á Sögu eða  þaðan af síður Þorvaldar Gylfasonar sem er löngu orðinn að athlægi fyrir fanatík og blekkingar sem hann þrástagast á. 

 

Stjórnarskrá verður ekki sett fram í tillöguformi nema af Alþingi en ekki skrílssamkomu eins og var sett á 2012 .

Pétur á Sögu bullar daglega um eitthvað beint lýðræði. Sem leiðir ekki nema beint í skrílræði því það er bara fávísasti og vinstrisinnaðasti hluti þjóðarinnar um leið sem nennir að hlaupa og taka þátt í svona skoðanakönnunum. En Pétur prédikar að lítill minnihluti á að mega kveðja til bindandi skoðanakannana til við allskyns tækifæri um hvaða dægurflugu sem er. Í Sviss nennir meirihlutinn ekki á kjörstað og þetta þjóðaratkvæði sem Pétur kallar beint lýðræði er löngu hætt að virka þar af einhverju viti.

Þvílíkt stjórnarskrárbull og það sem er í gangi er til að eyðileggja alla vitræna  umræðu um það mál enda mörg meira aðkallandi sem ríður á að klára.