Leita í fréttum mbl.is

Fundur með forystu

Sjálfstæðisflokksins með Þórdísi Kolbrúnu Reykfjörð Gylfadóttur varformanni og Bjarna Benediktssyni formanni Sjálfstæðisflokksins var áferðarfallegur á netinu í dag.

Enginn flokkur finnst mér eiga glæsilegra forystufólk og meira traustvekjandi en þessi tvö og margt sögðu þau vel um almenn stefnumál flokksins.

Persónulega varð ég einskis vísari um þau stefnumál sem ég hef mesta áhuga fyrir um þessar mundir, afstöðu til hælisleitendamála og afstöðu til EES og ESB. Þau bíða þá betri tíma því að ég hef ekki trú á að aðrir flokkar geri neitt betra né skynsamlega heldur en Sjálfstæðisflokkurinn þegar hann tekur á þeim málum. 

Bjarni lýsti áhuga sínum á breytingum á kjördæmaskipun sem ekki voru fráhverfar mínum smekk. En það verður líklega torsótt leið að fullum jöfnuði atkvæða landsmanna í stað jöfnuðar milli flokka.

En það er óneitanlega gaman að sjá forystu flokksins snúa sér að kjósendum sem hungrar og þyrstir í  nánari samskipti og leiðsögn  við þetta glæsilega fólk   Væntanlega er sígandi sókn með forystunni í þessa átt að hefjast með þessum fundi.

 


« Síðasta færsla | Næsta færsla »

Athugasemdir

1 Smámynd: Ómar Geirsson

Blessaður Halldór minn.

Eiginlega hélt ég ekki að þú værir kominn á það stig að rökvísi þín og lífsskoðanir yrðu þurrkuð út með ljósku.

En ef þú ert kominn á það stig, þá er Þorgerður Katrín fullorðin manneskja, fjölgáfuð, í alla staði frambærileg.

Hún er hvorki barn eða dúkka.

Kveðja að austan.

Ómar Geirsson, 23.2.2021 kl. 19:16

2 identicon

Þau stefnumál sem þú hefur mestan áhuga fyrir eru neðarlega á lista Sjálfstæðisflokksins og kalla ekki á neina áherslu og ekki neinar sérstakar breytingar.

Það verður sennilega aðallega Miðflokkurinn sem fer þá lýðskrumsleið að treysta á grunnhyggni og lægstu hvatir, ala á tilfinningu öryggisleysis, höfða til ótta og fordóma og þú munt finna samhljóm hjá.

Vagn (IP-tala skráð) 23.2.2021 kl. 20:31

3 Smámynd: Halldór Jónsson

Það vekur furðu mína Ómar að þú áttar þig ekki á hver Þorgerður er? Fullveldisfransalssinni sen vull ganga í ESB og taka upp Evru.

Ég hélt að þú værir þjóðernissinni. En þú ert þá genginn í landsöluliðið. Þú veldur mér vonbrigðum.

Halldór Jónsson, 23.2.2021 kl. 21:49

4 Smámynd: Halldór Jónsson

Hvað skyldi Kerran kjósa í haust?

Halldór Jónsson, 23.2.2021 kl. 21:50

5 Smámynd: Ómar Geirsson

Blessaður Halldór.

Þorgerður er fjölgáfuð, falleg og með eindæmum sköruleg.

Barnið sem þú mærir, vann ötullega að útbreiðslu lyga og rangfærslna um Orkupakka 3, og hann er endalok sjálfstæðis þjóðarinnar í orkumálum, ásamt að staðfesta að EES samningurinn er æðri lögum þjóðarinnar.

Ég hélt að þú hefðir lesið Davíð um þetta allt saman.

Barnið, og athugaðu það Halldór, að ég fór ekki að kalla hana barn fyrr en eftir málafylgju hennar í orkupakkamálinu, taldi það skömmina skárra en að benda á  nautheimsku hennar, barðist síðan fyrir frjálsu flæði kóvid veirunnar til Íslands, beit höfuð af skömminni, og hefði farið létt með að bíta mörg höfuð ef hún til dæmis væri marghöfða þurs, með því að ybba gogg við það fræðifólk sem varaði við heimskunni af opnun landamæranna í sumar.

"Ég tel ávinninginn meiri" sagði hún þvert gegn öllum rökum, og allir vita hvernig sú sjóferð endaði, engir ferðamenn, þjóðfélag í viðjum sóttvarna, ótímabær dauðsföll á annað tug samlanda okkar.

En blessað barnið var ekki bara barnaleg, heldur líka gerði hún heiðarlega tilraun til að koma í veg fyrir lokun landamæranna í tíma síðla sumars, eitthvað sem ógnaði beint lífi þínu Halldór.

Er nú ekki von þó ég spyrji þig hvort eitthvað annað líffæri en heilinn stjórni pólitískri dómgreind þinni þessa dagana??

Eða varstu bara að djóka þegar þú ákallaði bóluefni og bauðst þig fram sem tilraunaviðfang??

Eða þjáist þú að kommaheilkenninu sem Solzhenitsyn útskýrði svo vel þegar hann skrifaði bækur sínar um Gúlagið, þegar hann talaði um hana Galönu verkstjóra sem var vond við samfanga sína, enda taldi hún sig vera að vinna ötullega að framgangi 5 ára áætlunarinnar, sanntrúuð í kommúnisma sínum, örlög hennar var vondum mönnum að kenna, ekki kerfinu eða kerfisbundnum ofsóknum flokksins, enda trúði hún því einlægt að ef Stalín aðeins vissi, þá yrði hún frelsuð.

Vona samt ekki Halldór, tel betur að önnur líffæri hafi tekið yfir.

En þá skaltu mæra alvöru manneskju, þá einu sem flokkurinn ól af sér og hafði styrk til að taka við af Bjarna.

Ekki barn eða dúkkulísu sem stendur fyrir það sama.

En þjónar því hlutverki að blekkja þig og þína, á meðan öllum völdum er komið til Brussel.

Ég deili ekki sömu lífsskoðunum eða pólitískri sýn og Þorgerður, guð hjálpi mér hvað það varðar.

En  hún er sá eina á þingi sem hefur einhverjar tær þar sem Bjarni hefur hælana.

Það er bara svo.

Kveðja að austan.

Ómar Geirsson, 23.2.2021 kl. 22:33

6 Smámynd: Helga Kristjánsdóttir

Ég tek undir glæsileika þeirra sem þig heilla; En þau villtust af leið og hafa aldrei rætt það. spyrjirðu hvaða leið? Leiðina til sjálfstæðis! > Segja skilið við ESB,Shengen, pakka uppboðið og öll yfirráð yfir stjórn Íslands. Hefurðu tekið eftir að vinna stjórnarflokanna í kjörtímabilinu hverfist meira um pukrið,leyndina á meðan þau látast vera að gera allt annað, þótt ósanngjarnt sé að segja þau hangsi yfir frumhugmyndum sínum sem aðstoðarmenn þeirra ganga frá. Æ,vertu sæll!

Helga Kristjánsdóttir, 24.2.2021 kl. 02:29

7 Smámynd: Halldór Jónsson

Ómar hvernig geturðu kosið Þorgerði Katrínu og ekki viljað fylgja henni í ESB og upptöku EVRU? Verðurðu ekki að fylgja stendu Viðreisnar ef þú ætlar að fylgja henni og flokknum í kosningunum?

Halldór Jónsson, 24.2.2021 kl. 12:53

8 Smámynd: Ómar Geirsson

Halldór minn, hvernig í fjandanum dettur þér í hug að ég kjósi Viðreisn, það myndi ég aldrei gera, ekki jafnvel óver mæ ded boddí, ekki þó það væri eini flokkurinn í boði, en það breytir því ekki að Þorgerður er trúverðugur og glæsilegur stjórnmálaforingi.

En ef þið ætlið að fyrirgefa stelpunum, jafnvel mæra þær eins og ekkert hefur gerst, þá er flokkurinn ykkar dauður innan frá.

Þá er hægt að gera hvað sem er í nafni ykkur, og þið gangið gæsaganginn með.

En hvað kýs ég Halldór?, í mínum huga snúast kosningarnar aðeins um eitt, sjálfstæði þjóðarinnar, og fyrst þú hleypir langhundum mínum í gegn, því ekki kann ég að tjá mig í stuttu máli, þá ætla ég að vitna í sjálfan mig í nýlegri athugsemd;

"Langar að vísa í vísdómsorð;

"Þegar til kastanna kom var OP3 innleiddur með þingsályktun en ekki formlegu lagasetningarferli. Látið var að því liggja í umræðum innan og utan þings að samningsbundið neitunarvald Íslands væri aðeins gilt í orði en ekki á borði. Sú skemmri skírn sem málið fékk á Alþingi varð til þess að stjórnskipulegir varnaglar um aðkomu forseta lýðveldisins voru sniðgengnir og málið var aldrei borið undir hann til samþykktar eða synjunar, sbr. ákvæði 26. gr. stjórnarskrárinnar nr. 33/1944. ..... Við stöndum m.ö.o. frammi fyrir því að Alþingi hefur gengið svo langt að viðurkenna að útilokað sé að þaðan komi minnsta breytingartillaga við efni slíkra tilskipana. Ef Alþingismenn nálgast innleiðingu EES-réttar með slíku hugarfari, þ.e. að Ísland hafi í reynd ekki neitunarvald, þá er veruleikinn sá að við getum breytt öllum lögum sem eru í gildi hérlendis, nema þeim sem eiga stoð í EES-samningnum, vegna þess að við höfum engan aðgang að því valdi sem setur reglur á grundvelli EES. " (Arnar Þór Jónsson)

Við erum ekki lengur sjálfstæð, og í raun er það eina mál næstu kosninga því þegar á reynir þá eru allir flokkar valdaflokkar, með sömu stefnu, þá stefnu að gera það sem ætlast er til af þeim.

Þetta er stóra ástæða þess að ég er að skrifa um meðvirki hér að ofan og hvernig menn eyða sínum eigin trúverðugleika með því að vera ekki sjálfum sér samkvæmur.

Því fólk án trúverðugleika fær ekki varið sjálfstæði þjóðarinnar, tilvist hennar og tilverugrundvöll.".

Og ef öldungarnir verja ekki sjálfstæði þjóðarinnar, hverjir gera það þá??

Kveðja að austan.

Ómar Geirsson, 24.2.2021 kl. 13:26

9 Smámynd: Halldór Jónsson

Þorgerður er fjölgáfuð, falleg og með eindæmum sköruleg.

Öllum þessum lýsingarorðum stendur hún undir og ekki hvað síst því í miðjunni.

En hvernig greidii hún atkvæði í Orkupakkamálinu? Lepur hún ekki allt hrátt sem kemur frá Brussel?

Stelpurnar eru þó Sjálfstæðisflokknum sem vill sjálfstætt Ísland þó að Biggi Ármanns hafi prakkað Op3 í gegn með svikum. 

Ég held að stelpurnar vilji ekki í ESB eða taka upp Evru. En hver veit um Bjarna fyrir víst? 

Barnið sem þú mærir, vann ötullega að útbreiðslu lyga og rangfærslna um Orkupakka 3, og hann er endalok sjálfstæðis þjóðarinnar í orkumálum, ásamt að staðfesta að EES samningurinn er æðri lögum þjóðarinnar.

Gerði Þorgerður eitthvað annað?

Halldór Jónsson, 24.2.2021 kl. 16:11

10 Smámynd: Ómar Geirsson

Núna fatta ég þetta Halldór, þú hefur ekki lesið fyrstu setningu fyrstu athugasemdar minnar, þegar ég benti þér á að fyrst að þú værir að mæra fólk sem sveik stefnu flokksins og hugsjónir, lýtur vilja Brussel í einu og öllu, að þá ættir þú að velja alvöru manneskju, þú fórst greinilega strax að lesa lýsingu mína á Þorgerði.

Auðvitað er hún allt þetta Halldór minn, en hún er ekki í felum með þær skoðanir sínar.

Svo er hún fullorðin, alvöru.

Sem ekki er beint hægt að segja um stelpurnar sem flokkurinn þinn hampar og eru hannaðar af auglýsingastofu.

En pointið var að þið sjálfstæðissinnar í Sjálfstæðisflokknum eigið ekki að láta bjóða ykkur svikin, og snúast til varnar.

Ef menn gera það ekki fyrir sjálfstæði þjóðarinnar, hvenær gera menn það þá??

Kveðja að austan.

Ómar Geirsson, 24.2.2021 kl. 16:22

11 identicon

Ég mæli með fækkun stjórnmálaflokka á Alþingi. Ég óska þess, að eitt kjörtímabil sætu föðurlandssinnaðir heiðarlegir ÍSLENDINGAR í hægri ríkisstjórn á Alþingi og hjá Reykjavíkurborg.

Minnkum embættismanna kerfið og ríkisrekstur - lækkum skatta og reglufargan fyrir almenning, sem berst áfram á eigin vegum. 

Verjum okkar eigin landamæri og ómældan innflutning flótta og hælisleitenda. Sendiráðin okkar erlendis eiga að sjá um innflutning erlendra til ÍSLANDS.

NATO er yfirnóg fyrir ÍSLAND, sem hefur hjálpað okkur óspart. USA byggði upp Keflavíkurflugvöll og gáfu okkur síðar með öllum húsakosti.

Alþjóða "reksturinn" er hættulegur fámenni okkar. Landið okkar og öll annnes er ekki lengur til sölu erlendra auðkýfinga og stórþjóða.

Berjumst fyrir SÖGUNNI og tungumálinu hjá SÖGUÞJÓÐINNI ásamt Kristnum siðum.  

Gísli Holgersson (IP-tala skráð) 24.2.2021 kl. 17:36

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Halldór Jónsson
Halldór Jónsson

verkfræðingur, flugdellukall, tennis-og badmintonspilari

-ekki góður í neinu af þessu-

Heimsóknir

Flettingar

  • Í dag (29.3.): 0
  • Sl. sólarhring: 4
  • Sl. viku: 43
  • Frá upphafi: 0

Annað

  • Innlit í dag: 0
  • Innlit sl. viku: 40
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband