Leita í fréttum mbl.is

Sturla Jónsson bílstjóri

skelleggur að vanda var á Útvarpi Sögu.

Hann benti á að dreifikerfi raforku á höfuðborgarsvæðinu myndi alls ekki ráða við raforkudreifinguna ef ætti í alvöru að fara að skipta út venjulegum bílum fyrir rafmagnsbíla.

Hann fór með sennilegar tölur í þessu sambandi sem ég náði nú ekki. En það má hver áætla fyrir sig. Meðalbíll 60 kw. 100.000 bílar. Allir að hlaða til viðbótar annarri notkun. 600.000 kw/h. 

Rafbílar sem eru að fara hækka stórlega í verði fljótlega meðan á að banna hina!

Er bullið ekki bara algert?

Ég held að það sé óhætt að hlusta eitthvað á Sturlu um leið og Katrínu.


« Síðasta færsla | Næsta færsla »

Athugasemdir

1 Smámynd: Ómar Ragnarsson

Hér þarf að nota viðeigandi mælieiningar og útreikninga og miða við meðalnotkun þar sem ekki er ekið allan tímann á hámarksafli. 

Talan 60 kw hjá Sturlu hlýtur að eiga við meðalafl hvers rafbíls, en sú tala og mælieiningin kw er ónothæf, því að þessum rafbílum er ekki ekið stanslaust á botn inngjöf, heldur eyða rafbílar að meðaltali í kringum 15 kwst á hverja 100 ekna kílómetra.

Að meðatali er akstur einkabíla um 12 þúsund kílómetrar á ári, sem samsvarar um 33 kílómetrum á dag, eða 500.000 kwst.

100.000 rafbílar myndu þá væntanlega eyða 500.000 kwst samtals á dag. 

Sýnist stór tala, en samsvarandi tala fyrir bílaflota bensínbíla sem eyða að meðaltali 10 lítrum á 100 km, er 350.000 lítrar á dag. 

Ca 250 tonn á dag eða sem svarar 35 bílförmum daglega á olíubílum með geymi fyrir 10.000 lítra hver. 

Ef Sturla Jónsson hefði verið uppi fyrir 70 árum hefði honum óað við því hve óframkvæmanleg sú framkvæmd væri að búa til innviði fyrir alla þá eldsneytisdreifingu, sem stefndi þá í fyrir fimmtánfalda fjölgun bílaflotans, sem þá var framundan.  

Ómar Ragnarsson, 18.12.2021 kl. 18:38

2 identicon

Það má reikna þannig að dreifikerfið ráði ekki við. Og þarf enga rafbíla til. En þá þarf að gefa sér aðstæður sem nær ómögulegt er að komi upp. Eins og að allir kveiki á öllum raftækjum samtímis. En rafbílar eru flestir hlaðnir þegar önnur aflfrek tæki eru almennt ekki í notkun. Réði dreifikerfið, fyrir daga sparpera og orkusparandi tækja, við laugardagsnotkun á eldavélum, þvottavélum og þurrkurum og Aðfangadag með öll ljós kveikt og hátíðarmat í öllum pottum þá verða rafbílar ekkert vandamál. Bara sparperurnar og kröfur um minni notkun rafmagnstækja skilur eftir meira en nóg pláss fyrir rafbílana.

Það má reikna þannig að dreifikerfið ráði ekki við. Og það má reikna sig á Útvarpi Sögu í forsetaembætti. En raunverulegar aðstæður taka lítið tillit til þess háttar reikningskúnsta.

Vagn (IP-tala skráð) 18.12.2021 kl. 19:12

3 Smámynd: Hallgrímur Hrafn Gíslason

Ómar,, Sturla hlitur að vera að tala um rafhlöðuna 60 kw/klst. Meðal bíll er að eyða um eða yfir  15 kw/klst. Þá mun meðal joninn hlaða bilinn 1x til 2x í viku Fer svolitið eftir hve mikil  eyðsla er í umferðarteppuni. Kanski 50 til 80 kw a viku.200 til 300 kw a mánuði

Hallgrímur Hrafn Gíslason, 18.12.2021 kl. 20:00

4 Smámynd: Hallgrímur Hrafn Gíslason

Fræðilega kemst rafbilinn dagsferðina a 5 kw/h en þá er miðað við 25 stiga hita og enga notkun á miðstöð eða öðrum raftækjum og engri umferðarteppu liklega er hann kominn í um 7kw/h i islenska veðurfarinu án raftækjanotkunnar og án umferðar teppu. Það gera um 50 kw/h á  viku. Ég hef svo enga hugmynd um hve mikið rafmagn eyðist i raftækin og umferðarteppuna.

Hallgrímur Hrafn Gíslason, 18.12.2021 kl. 20:57

5 Smámynd: Gunnar Heiðarsson

Ómar minn, ef meðalakstur einkabíla er um 12.000 km á ári og meðaleyðsla bensínbíla er um 10 lítrum á hundraðið, má allt eins nota tölurnar frá Sturlu sem sannleik.

Það skemmtilega við stærðfræðina er að af henni má hafa gaman. Forsendum má hagræða til að fá rétta niðurstöðu. Það breytir því ekki að meðalakstur einkabíla er nær 18.000 km/ári en 12.000 og meðaleyðsla bensínbíla er mun lægri en 10 l/100km. Þetta eru staðreyndir sem þú veist sjálfur.

Rafbílar eru hins vegar framtíðin, hvort sem fólki líkar betur eða verr. Og þeir þurfa orku. Þá orku þarf að framleiða og þeirri orku þarf að vera hægt að koma til skila. Sjálfur bý ég í húsi sem var gert allt upp um síðustu aldamót, meðtalið rafkerfi. Tvær íbúðir eru í húsinu en inntakið gæti ekki fóðrað nema mesta lagi tvo bíla, ef önnur notkun er í lágmarki. Ef íbúar annarrar íbúðarinnar eða beggja, ættu tvo rafbíla, er vandinn strax augljós. Jafnvel þó tekið yrði upp tímagjald á raforkuna, að erlendri fyrirmynd, til að jafna álagið.

Nú er búin að vera stefna stjórnvald um nokkuð skeið að rafvæða bílaflotann. Enn er þó ekki búið að breyta byggingareglugerð á þann hátt að inntök íbúðahúsnæðis geti annað þeim breytingum. Um þetta snýst vandinn, ekki hvort rafmagn eða bensín sé betri kostur fyrir okkur, heldur hitt hvort við getum yfirleitt nýtt þann kost sem er þjóðhagslega hagkvæmari.

Gunnar Heiðarsson, 18.12.2021 kl. 23:39

6 identicon

Vantar inn í þessa útreikninga að næturhleðsla er ekki á álagstíma. Gera má ráð fyrir að rafbílaeigendur hlaði minnsta kosti 75% hleðslu á þessum tíma.

Jósef Smári Ásmundsson (IP-tala skráð) 19.12.2021 kl. 10:37

7 Smámynd: Guðmundur Jónsson

Þetta er ekki stórt vandamál fyrir heimahleðslur. Aðlega vegna þess að Rafmagsbílar eru þeim kostum gæddir að geta geymt rafhleðsu. RB er eina tækið á flestum hemilum sem hægt er að nota/hlaða hvenær sem er, nema þegar verið er nota hann sem er að janaði minna en klukustund á dag.

Sem þýðir í raun að dreifikerfið er nógu stórt og gott betur en það ef RB er halðnir skipulega. 

Það sem er frekar vandmál er hraðhleðslur, sem allir þurfa að nota á sama tíma. og það er verið að leysa víða með enn meira af batteríum á hleðslustöðvunum sem er alla vega ekki umhverfisvænt.

Guðmundur Jónsson, 19.12.2021 kl. 12:59

8 Smámynd: Halldór Jónsson

Otal faktorar koma þarna inn,sem hafa áhrif á hvenæra menn vilja hlaða.Svo verðum við sem verðum á disilnum áfram ekki hættir að keyra

Halldór Jónsson, 6.1.2022 kl. 11:32

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Halldór Jónsson
Halldór Jónsson

verkfræðingur, flugdellukall, tennis-og badmintonspilari

-ekki góður í neinu af þessu-

Heimsóknir

Flettingar

  • Í dag (29.3.): 1
  • Sl. sólarhring: 5
  • Sl. viku: 44
  • Frá upphafi: 3417961

Annað

  • Innlit í dag: 1
  • Innlit sl. viku: 41
  • Gestir í dag: 1
  • IP-tölur í dag: 1

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband