Leita í fréttum mbl.is

Hverjar eru hugsjónir Framsóknarflokksins ?

Þegar Sjálfstæðisflokkurinn var stofnaður 1926 var stefnu hans lýst í tveimur atriðum

1. Að vinna í innanlandsmálum að víðsýnni og þjóðlegri umbótastefnu, byggðri á einstaklingsfrelsi og atvinnufrelsi, með hagsmuni allra stétta fyrir augum.

2. Nafn flokksins skýrir hitt áhersluatriðið.

Það er þessi grunnþáttur sem hefur fengið meira en þriðjung þjóðarinnar til að fylgja þessum flokki fremur en öðrum. Sagna hefur svo sem ekki verið dans á rósum. Í innbyrðis átökum milli manna sem eftir forystu sækjast, hafa menn sakað hvern annan um svik við málstaðinn og eiginhagsmunapot.

Flokkurinn hefur líka iðullega raðað sínum uppgjafamönnum á jöturnar þannig að ímynd flokksin hefur beðið skaða af útávið. Gefið utanflokksmönnum tilefni að segja, þið eruð ekkert betri en aðrir þegar kemur að bitlingunum. Þeim sem aldrei hafa étið flokksbrauð, (kannske bara af því að þeim bauðst það aldrei), oft kölluð grasrótin,  sárnar þetta . Þeir vilja að flokkurinn sé hreinn og silfurtær eins og lindin, og trúr hugsjónum sínum í gegnum þykkt og þunnt.

Auðvitað er alltaf vandamál með þá menn sem eytt hafa ævinni í lítt arðgæf stjórnmál og reynt þannig að hjálpa öðrum fyrr en sjálfum sér. Það hefur verið svo á Íslandi, að ekki bara ríkir menn hafa farið í pólitík, sem betur fer. En þetta er ótryggur atvinnuvegur.  Þegar kjörfylginu linnir er að fáu að hverfa fyrir þessa menn, eins og allir vita sem hafa vit á því hvenær kennitölur verða eitraðar. Það er sjálfsagt að reyna að hjálpa þessu fólki. En það má helst ekki ganga fram af grasrótinni með ofeldi.

Nú er flokksþing Framsóknar búið að hlusta á formanninn Guðna lýsa því, hvernig flokksmenn hafi brugðist innanfrá. Þessu  verði að linna og flokkurinn verði að stefna hátt.

Þá er það spurningin sem ég velti fyrir mér. Hvernig hljóðar grunnheimspeki Framsóknarflokksins ?

Í hugum margra  hljóðar hún einfaldlega ; ég um mig frá mér til mín. Flokkurinn hefur verið mjög þekktur fyrir sérgæsku á ýmsum sviðum . Haft hagsmuni flokksmanna ofar en annrara. Það er erfitt að mótmæla þessu sannfærandi. Þessvegna er það rétt hjá Guðna, að flokkurinn verður að reyna að brjótast út úr þessu nú þegar aðeins eyðimörkin blasir við og öngvir kjötkatlar sjánlegir til að beita á.

Og það er ekki bara Framsóknarflokkurinn sem þarf að huga að grasrótinni og velsæmismörkum hennar. Spyrja fyrst hvað menn  geti gert fyrir land sitt áður en þeir spyrja hvað landið geti gert fyrir þá. 


« Síðasta færsla | Næsta færsla »

Athugasemdir

1 Smámynd: Halldór Jónsson

Takk fyrir þetta Viðar

Já ég fdeili með þér áhyggjunum um fjölmenninguna og ofurveldi Baugs. Þetta fyrirtæki er með íslenzku þjóðina í spennitreyju

samkeppnisleysis. Nú á að taka til efnislegrar meðferðar í héraðsdómi hvort þessir feðgar gátu virkilega notað fjármuni almenningshlutafélagsins Baugs til að taka það yfir fyrir sig. Eftir frávísunina missti ég algerlega trú á það, að íslenzkt réttarkerfi réði við stærri mál en innbrot í sjoppur og þessháttar.

Fjölmenningu þolir ekkert ríki. Það er ekkert pláss fyrir íslamskt samfélag á Íslandi né á það erindi við íslenzka menningu eins og við þekkjum hana.

Útlendingar semji sig að íslenzkum siðum og lögum eða fari ella. Íslenzk menning er ekki fjölmenning heldur íslenzk menning með kosti sína og galla. Það er ekkert pláss fyrir neitt annað á þessu landi.

Halldór Jónsson, 12.6.2007 kl. 22:26

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Halldór Jónsson
Halldór Jónsson

verkfræðingur, flugdellukall, tennis-og badmintonspilari

-ekki góður í neinu af þessu-

Heimsóknir

Flettingar

  • Í dag (28.3.): 3
  • Sl. sólarhring: 9
  • Sl. viku: 50
  • Frá upphafi: 3417958

Annað

  • Innlit í dag: 3
  • Innlit sl. viku: 47
  • Gestir í dag: 3
  • IP-tölur í dag: 3

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband