Bravó Þorsteinn Pálsson !

É vil lýsa sérstakri ánægju minni með leiðara Fréttablaðsins á mánudaginn, þar sem Þorsteinn Pálsson tekur fyrir þjóðarhöggin á Þingvöllum. Er það virkilega Björn Bjarnason sem er einn af ráðagreðarmönnum á bak við það að höggva barrtréin upp af því að þau hafi ekki vaxið þarna á söguöld ? Ég vil bara helst ekki trúa því sem ég heyri.

Það var heldur enginn minkur á Þingvöllum þá bendir Þorsteinn á í sínu skrifi. Það voru heldur engir bílar þar þá. Á þá ekki að banna bílaumferð aðra en ráðherrabíl Björns? Á ekki að banna nýbúum og hörundsdökkum Íslendingum að koma þarna þar sem þeir eru ekki orígínal í umhverfinu ? Og hvað með Þingvallavatn, sem er miklu stærra en þá af því að það er núna uppistöðulón fyrir virkjanir ? Og hvað með rafmagnsljós í Valhöll og Þingvallabæ ?Steinsteypu í Öxarárbrú ?

Er þetta ekki spaugilegt þangað til að maður sér vegsummerkin. Trjástubba þar sem áður stóðu há grenitré ? Þögul vitni um helförina sem hafin er þarna.

Ég mótmæli fyrir minn litla hluta í Þingvöllum sem ég kynni að eiga. Ef ég hef ekkert með þetta að gera heldur Björn Bjarnason og einhver Þingvallanefnd, þá spyr ég hver á Þingvelli ?  

Athugasemdir

[Ágúst H Bjarnason, 20.7.2007 kl. 03:04]

 Sæll frændi.

Fyrir tveim vikum ókum við hjónin um landið í nokkra daga með Dr. Bérard lækni og frú Annie Noel um landið. Komum m.a. við á Bergstöðum, en enginn var heima. Ekki einusinni Bergþór gamli. Faðir Bérard vann með Madame Curie að krabbameinslækningum. Hún með geisla, hann með hnífinn. Ein þekktasta læknafamilía í Frakklalandi og víðar.  Nokkrar myndir hér.

Stúfarnir á Þingvöllum vöktu athygli. Komu aftur til umræðu þegar við komum við í Skálholti ogf rifjuðum upp þá sem voru gerðir höfðinu styttri þar. Myndlíkingin þurfti ekki mörg orð, hvorki í frönsku né íslensku. Stúfar hér, og stúfar þar.

[Ágúst H Bjarnason, 20.7.2007 kl. 14:17]

Sæll aftur frændi, ég var víst einum of fljótur að smella á [senda], og gleymdi að botna söguna um vini okkar frá Frakklandi...

Auðvitað höfðum við öll í huga hina fornfrægu aðferð til að stytta mönnum aldur, sem sagt guillotine.  Læknirinn var auðvitað með gæsahúð, enda samrýmist slík hugsun ekki anda Hippokratesar.   Er meðferðin á Þigvöllum nokkuð annað en fjöldamorð, þó svo keðjusagir hafi verið notaðar í stað fallaxar?