Stjórnlagaþing nýs Alþýðulýðveldis ?

Nú virðast kommúnistar og taglhnýtingar þeirra ætla að boða til stjórnlagaþings fyrir Ísland.  Þangað skilst mér eigi að handvelja fulltrúa   sem eiga að setja íslenzka lýðveldinu hæfilegan stjórnlagaramma.

Er þetta bara ekki samskonar ráðagerð og tékkneskir kommúnistar framkvæmdu á sínum tíma og dugði þeim til hálfrar aldar kúgunar.   Verður þetta stjórnlagaþing notað til að tryggja réttu fólki völdin til framtíðar ?  Smíða ramma að þeirra geðþótta utanum Alþýðulýðveldið Ísland ?

Fyrir utan hversu þetta er  illa undirbúið og í trássi við vilja Alþingis,   þá er ráðgerður kostnaður uppá fleiri milljarða bæði svívirðing fyrir þjóð í kreppu: Til viðbótar niðurlægingunni að láta þolendurnar borga fyrir eigin aftöku eins og í Alþýðulýðveldum tíðkast.  

Athugasemdir

[Jón Valur Jensson, 16.3.2009 kl. 14:11]

Kommúnistar gera þetta jafnan eftir sínu höfði. Sjái þeir fyrir, að kringumstæðrnar og þess vegna niðurstöðurnar geti orðið þeim að skapi, keyra þeir áfram á málið, eins og gert var í Tékkó. Sjái þeir fyrir andstöðu, loka þeir hins vegar stjórnlagaþinginu á staðnum með valdi, rétt eins og átti sér stað í Rússlandi 18.–19. janúar 1918, enda áttu bolsévikar þar einungis 175 af 707 þingsætum. Kosið hafði verið til þingsins snemma í nóvember 1917, og það átti að koma saman 11. desember, en Lenín vann sér inn mikilvægan tíma með því að fresta því til 18. janúar og treysti sig og flokkinn í sessi í millitíðinni með tilskipunum og valdbeitingu. (Sjá t.d. R.H. Bruce Lockhart, The Two Revolutions – An eye-witness study of Russia 1917, London 1957, s. 110–112; mjög áhugaverð úttekt á þessu, en Lochart var aðalkonsúll Breta í Moskvu 1915–1917 og varakonsúll þar frá 1911, þá aðeins 24 ára. Hann var handtekinn af bolsévikum 1918.)

[Magnús Guðjónsson, 16.3.2009 kl. 14:34]

Góðan dag

Er nú ekki barasta allt í lagi hjá ykkur? Hafið þið nokkra hugmynd um það hverjir hafa verið við völd undanfarin ár?  Það er Sjálfstæðisflokkurinn sem er búinn að koma okkur hingað sem við erum, á hausnum með stór lastað mannorð sem þjóð og hafi hann og hans stefna skömm fyrir.

Kveðja

Magnús

[Jón Valur Jensson, 16.3.2009 kl. 15:22]

Ég var ekkert að fjalla um Sjálfstæðisflokkinn né hvítþvo hann. Hins vegar hef ég gaman af sagnfræði og lærdómum sögunnar.

[Predikarinn - Cacoethes scribendi , 17.3.2009 kl. 10:04]

H. Pétur Jónsson :  Þú ert mjög yfirlýsingaglaður maður og tekur djúpt í árinni.

Það kom fram kostnaðarmat frá fjármálaráðuneyti Steingríms á fundi sérnefndar um stjórnarskrármálið. Þar voru meginniðurstöðurnar eftirfarandi:

Stjórnlagaþing sem starfar í 10 mánuði: 1.176 milljónir króna.

Stjórnlagaþing sem starfar í 18 mánuði: 1.731,6 milljónir króna.

Stjórnlagaþing sem starfar í 24 mánuði: 2.148 milljónir króna.

Sundurliðun á þessu kom fram í fréttatímum sjónvarpsstöðvanna.

[Predikarinn - Cacoethes scribendi , 17.3.2009 kl. 10:08]

Sjá ruv :

Fyrst birt: 16.03.2009 18:24

Síðast uppfært: 16.03.2009 20:16

Þingfulltrúar fengju 650 m í laun

Launakostnaður vegna þingfulltrúa á stjórnlagaþingi verður tæplega 650 milljónir króna, samkvæmt áætlun Fjármálaráðuneytisins, starfi stjórnlagaþingið í allan þann tíma sem því er heimilt.

Gert er ráð fyrir í frumvarpi ríkisstjórnarinnar um málið að þingið komi saman 1. desember á þessu ári.  Kostnaðaráætlunin gerir ráð fyrir að 200 milljónir kosti að kjósa 41 stjórnlagaþingfulltrúa.

Launakostnaður verður 27 milljónir á mánuði eða 660.000 á mann.

Gert er ráð fyrir að 20 starfsmenn verði ráðnir og njóta þeir svipaðra kjara.

Greiddur verður ýmis kostnaður svo sem húsnæðis-, dvalar og ferðarkostnaður fyrir þá þingfulltrúa sem búa utan höfuðborgarsvæðisins.

Sérfræðiaðstoð bæði fyrir þingið sjálft og svo þingfulltrúana mun kosta 7 milljónir á mánuði. 

Einnig er gert ráð fyrir að þingfulltrúarnir sjálfir geti leitað sér sérfræðiaðstoðar á kostnað skattborgara og að það muni kosta tæpar 50 milljónir.   114 milljónir kostar 2000 fermetra húsnæðið undir starfssemina.  Vinnustöðvar fyrir fulltrúana, starfsfólk, annar búnaður og ófyrirséð útgjöld áætlar ráðuneytið að kosti rúmar 160 milljónir króna. Þá kostar það  200 milljónir að kjósa fulltrúana á þingið og síðan þarf þjóðin að borga 160 milljónir fyrir að kjósa um frumvarp að nýrri stjórnarskrá. 

Heildarkostnaður við stjórnlagaþing, starfi það í 10 mánuði, er tæplega einn komma tveir milljarðar, starfi það í þá 18 mánuði, eins og gert er ráð fyrir í frumvarpinu, kostar það 1 milljarð og 730 milljónir króna en nýti það sér heimild í frumvarpinu um að lengja starfstímann í tvö ár mun heildarkostnaðurinn verða tveir milljarðar og eitt hundrað og fimmtíu milljónir króna.   

Það má segja að lýðræðið sé dýrt nú þegar skórinn kreppir. Heildarkostnaðurinn getur því orðið tæpir tveir milljarðar og hundrað og fimmtíu milljónir króna.  Til samanburðar  má geta þess að á þessu ári stendur til að skera niður á Landspítalanum fyrir um 2,6 milljarða króna

 

[e-mail]

[Halldór Jónsson, 17.3.2009 kl. 16:45]

Jón Valur,

Ég held að þú lýsir þessu eins og þeir hugsa sér þetta. Spurnig láta hinir teyma sig eins og lömb til slátrunar ?