Hver stal 28 BYRmilljörðum ?

Það er deginum ljósara að allir helstu stórþjófar landsins úr bankahruninu  ganga lausir og hafa það fínt. Þeir rífa jafnvel kjaft opinberlega og fárast yfir því að fólk sé að fetta útí þá fingur. Þetta var ekkert þeim að kenna heldur mönnum útí heimi. Og svo auðvitað Davíð Oddssyni.

Nú síðast er tilkynnt um að BYR hafi tapað 28 milljörðum sisvona. Í tilefni af því  er Kastljós með langt viðtal við sparisjóðsstjórann sem er með allar lagaskýringar á hreinu. Áhugi fréttamannsins beinist bara að því að arðgreiðasta 2007 hafi numið sömu upphæð og nú er beðið um frá ríkinu vegna tapsins síðasta árs. Stjóri segir þetta alls óskyld mál. 

 Fréttamaðurinn spyr ekki hversvegna 28 milljarða tapið varð.  Hver hafi stolið peningunum ?

Það skiptir greinilega engu máli hver þessara þjófa  var að verki því það var áreiðanlega einn eða fleiri  úr þeim sama hópi. og setti Ísland á hausinn.  Aðrir fengu ekki lán nema setja tryggingar eins og venja var í bönkum í gamla daga. 

Það er dylgjað með að Jón Ásgeir hafi haft tögl og hagldir í stjórn BYR. Hann er þekktur að því að fá lán án trygginga til dæmis úr almenningshlutafélaginu BAUGi.    En sparisjóðsstjórinn harðneitar því og þekkir ekki þann mann. Enda er hann ekki í stjórninni eins og allir geta séð.

Á heimasíðu BYR er gefið upp að eftirtaldir menn séu í stjórninni:

    Jón Kristjánsson, formaður

• Jóhanna Waagfjörð, ritari
• Ágúst Már Ármann
• Birgir Ómar Haraldsson
• Jón Kr. Sólnes

Skyldi enginn af þessu fólki vita neitt um það hvernig farið var að því að setja BYR svona kyrfilega á hausinn að það er bara stórmínus í varasjóðnum ?  Þekkir enginn þeirra þennan Jón Ásgeir frekar en sparisjóðsstjórinn  ? Er þetta allt bankaleynd eins og Sigurður Einarsson krefst að gildi um hans mál í ragnarökum Kaupþings ?

Sem stofnfjáreigandi í BYR, sem skulda GLITNI vegna stofnfjárkaupanna 2007,   þá krefst ég þess að að stjórnin upplýsi hvernig hún fór að því að tapa þessum peningum. MÍNUM PENINGUM !

Þetta eru einföld atriði sem málið snýst um fyrir mér :

1.Fóru þessar lánveitingar í gegnum lánanefndir ?

2. Af hverju voru fullnægjandi  ekki tryggingar teknar ?

3. Hverjir eru þeir aðilar sem tapinu valda ?

4. Finnst þessum  stjórnarmönnum þeir verðskuldi endurkjör á næsta aðalfundi ?

Nei, auðvitað fæ ég engin  svör. Enginn af þessum mönnum getur sagt annað en BANKALEYND , BANKALEYND  Hvað er sosum 28 milljarðar milli vina ? Ekki þætti þetta mikið í Kaupþingi.   

Hvenær verður aðalfundur BYR ?  Ætli Guðmundur Oddsson stórkrati verði fenginn að venju til þess að brjóta fundarsköp á sinn hátt á þeim fundi ?

Eigum við ekki stofnfjáreigendur bara að mæta til að horfa á sýninguna  og láta ljúga okkur fulla  ?

Athugasemdir

[Jakob Þór Haraldsson, 19.3.2009 kl. 21:48]

Alveg hárrétt athugasemd hjá þér, atriði sem ég hef ítrekað komið inn á, þ.e.a.s ekki bara var borgaður út "bilaður arður" heldur var einnig séð til þess af nýjum eigendum að lánað var til fára útvaldra aðila sem ætluðu aldrei að greiða tilbaka það sem þeir fengu lánað....

Mér finnst þannig BYR bankinn hafa verið "arðrændur tvisvar sinnum" af nýjum eigendum og þetta sjónarmið reyndi ég að útskýra í netpóstum til 5 núverandi ráðherra.  Ég vil að ríkið taki fyrir BYR, ekki inn í myndi að þeir fái krónu úr ríkiskassanum, hvers konar fábjána samfélag er Ísland eiginlega orðið???  Ef hægt er að "arðræna fyrirtæki á þennan hátt" og segja svo RÍKINU að koma með fé inn í tóma sjóði, þá er bara best að forða sér af þessu skeri, þetta er siðblinda á hæðsta stig..!

kv. Heilbrigð skynsemi

[Jón Arvid Tynes, 20.3.2009 kl. 00:02]

Sæll Halldór.

Mér þótti það slæm örlög þegar ég einn veðurdag var orðinn viðskiptavinur Byrs og SPK allur. Fann strax fyrir breytingum. Settu á full pover og fínan skurð og renndu í þá. Fylgist spenntur með.

Kveðja JAT

[Bjarni Kjartansson, 20.3.2009 kl. 09:14]

Jón, hann Dóri er svo gamall, að það voru ekki framleiddar svoleiðis skrúfur í USA (draumalandi hans) Varible pitch var að vísu til í Alte Fatherland en ekki í USA .

Þannig að Dóri (Piper cub) verður bara að taka í karbratorhitarann og troða throtlunni í borð og vona að allt reddist.

Annars.

He´r er koin ástæða þess, að Árni efsti maður á SF listanum í Kraga vill alls ekki láta afnema þá þægilegu og mjúku bankaleynd.

Ef mig misminnir ekki var nú ekkert tekið voða vel í þá hugmynd mína á Landsfundinum fyrir síðustu kosningar.  Þa´var það talið barnaskapur, að ,,fjárfestar" vildu festa fé sitt hérlendis ef bankaleyndar --traustrar--nyti ekki við.

Ég sagði aftur á móti, að erlendir ,,fjárfestar væru vart til, heldur væru þetta spekuleringar í innlendum fjárglæframönnum og löglegum þjófum.

Miðbæjaríhaldið