Lausn á kvótamálinu.

Jón fiskur vinur minn kom með einfalda lausn á þessum eilífu kvótadeilum:

Gefum bara þorskveiðar frjálsar á morgun. Leyfum öllum að veiða eins og þeir vilja þetta árið. Ekkert kvótagjald, ekkert til að veðsetja.

Einfalt ?

Má ekki fresta kvótakerfinu á þennan hátt Jóns til þess að losna við þetta stöðuga röfl ? 

Ef það sýnir sig að vera verra þá getum við tekið það upp aftur. En þá er kvótinn í eigu þjóðarinnar.Eða eigum við ekki að segja stjórnmálamannanna og hreppapólitíkurinnar.

Athugasemdir

[Ómar Bjarki Smárason, 14.5.2009 kl. 23:45]

....og svo seljum við fiskinn fyrir evrur og allir verða ánægðir...  langbest að hafa þetta einfalt og vera ekki að flækja málin með einhverri pólitík...!!!

Og væri ekki hægt að bjóða þingstörfin út.  Lögfræðistofurnar hljóta að geta samið lögin á hagkvæmari og skjótvirkari hátt en Alþingi.  Á fjögurra ára fresti kjósum við svo lögfræðistofu frekar en flokka.... nú eða í stað lögfræðistofa mætti kannski fela verkfræðistofum stjórnina annað slagið eða kjósa þarna á milli..... Gefum þetta allt frjálst, Halldór, og þá hafa vinir þínir kommarnir ekkert lengur að gera, nema veiða fisk....og mikinn fisk!

[Halldór Jónsson, 15.5.2009 kl. 07:54]

Góður

Óli Valur sgaðist kannast við þig frá Eyrarbakka á Seltjarnarnesi, Eryrnabakka eða Eyrabakka.

Ég bauð í bankastjórastarf á dögunum, halfprice. En ég hef ekki fengið starfið ennþá. Það er víst bannað að bjóða undir lágmarkstaxta sem er milljón í laun  fyrir hvern tapaðan milljarð í útlánum

[Sigurður Þórðarson, 15.5.2009 kl. 12:02]

Gott hjá þér að halda á lofti fræðimanninum og vini okkar Jóni fisk. Hann á allan heiður af því að búa til fiskveiðikerfi Færeyinga sem hefur gagnast þeim vel.  Þess utan hefur hann verið Írum og Skotum innan handar í mörg ár varðandi samskipti þeirra við miðstýringuna í ESB.

[Björn Emilsson, 15.5.2009 kl. 13:50]

Einnig má líta á hvernig grænlendingar skipa málum. Sem sé ótakmarkaðar veiðar skipa undir 60 tonnum. Veðrið sér um stjórnunina. Nú og svo hafa færeyingar gott kerfi, skilst mér.

[Árni Gunnarsson, 16.5.2009 kl. 12:08]

Þegar saman koma lausnir þeirra Jóns Kr. og Halldórs þá sætti ég mig við útkomuna. Það fyrsta sem gæti orðið til þess að ég öðlaðist einhverja trú á þessa ríkisstjórn væri ef Hóla-Jón réði Jón Kristjánsson sem ráðuneytisstjóra í Sjávarútvegsráðuneytið.

[Halldór Jónsson, 17.5.2009 kl. 11:19]

Árni Gunnarsson

Ég styð tillögu þína um að Hóla-Jón tali við  Jón Fisk !