Is it true ?

Leigupenninn Guðmundur Andri Thorsson túlkar Júróvisjónsigur Jóhönnu Guðrúnar á sinn hátt í Baugstíðindum dagsins. Með mikilli lyrik og orðsnilld sér hann Jóhönnu syngja útfararstef yfir Sjálfstæðisárunum átján sem þjóðin liggur í móral yfir meðan Jóhanna eldri reynir að bjarga þjóðmálunum.

Orðkynngi rithöfundarins um atburðinn þar sem fjarskablái kjóllinn með fjöðrunum minnir á flug til ævintýrahallanna þar sem höfrungarnir kátu leika sér allan daginn og þangað sem seglskipin sigla þöndum seglum, er beinlínis hrífandi. Skilaboð lagsins og flutningurinn eru  skýr frá laginu eins og skáldið sér  það fyrir sér.   Þetta lag og flutningur þess er iðrunarbæn niðurlægðrar þjóðar sem ber ábyrgð á helför Sjálfstæðisflokksins. Gjaldeyrishallaþjóð sem er rúin  trausti veraldarinnar í gjörgæslu AGS.  Söngkonan stóð þarna í bláum og fiðruðum kjól og opnaði faðminn til að hleypa út sorgunum í auðmjúkri afsökunarbeiðni fyrir glæpum  Sjálfstæðisflokksins og sök okkar þjóðar gufaði upp með hverju orði sem rann fram af hennar munni , sveif burt með seglskipunum stóru í bláan fjarskann þar sem höfrungarnir dansa við kátar öldur...

Og þjóðinni var fyrirgefið vegna þessarar auðmjúku bænar og er nú með lófafylli af fyrirheitum frá Jóhönnu eldri sem er að greiða úr óreiðunni.

 Is it true ? Klúðruðum við  öllu ? 

Hvar varst þú í átján ár  fagra og yndislega Jóhanna  ? Þú varst dásamleg í bláa kjólnum að  syngja þig inní hjarta veraldarinnar. 

Is it true ? 

Blátt er líka litur Sjálfstæðisflokksins. 

 

Athugasemdir

[B Ewing, 18.5.2009 kl. 09:49]

Nú hefur höfundurinn skotið laglega framhjá ?

Átti Jóhanna (yngri) ekki að tákna blanka útrásarvíkinginn ?  Skýjaborgin og (sjóræningja)skipið að undirstrika þá túlkun ?  Svo mátti mögulega tákna bláa litinn sem aukennistákn þeirra stjórnmálaafla sem studdu hvað best við "útrásina sem sprakk"...  Niii,  blái hefur bara átt að tákna himininn....

[Árni Gunnarsson, 18.5.2009 kl. 13:48]

Mér fannst nú þessi túlkun Guðmundar Andra alveg bráðskemmtileg og hrífandi. Og ég sá þetta alveg sömu augum og hann enda eiginlega augljóst hverjum manni!

Ekki reyna að skemma þetta fyrir mér.

En svona í alvöru talað þá var þetta skemmtilegur pistill hjá G.A. eins og oftast og auðvitað er það út af fyrir sig gott að frá þessari smáðu þjóð komi fulltrúi sem hrífur milljónir fólks með ljúfum söng og ósjúskuðum þokka.

Öllu merkilegri er þó lítil grein eftir Jón Kristjánsson fiskifræðing sem hefur lengi orðið Hafró og LÍÚ til leiðinda með því að segja sannleikann um tortímingu íslenskra fiskistofna undir merkjum vísinda. Og að því er virðist til þess eins að halda uppi verði á kvóta sem er það eina sem stórútgerðir hafa getað treyst á svo eigendur nái einhverjum aurum "fyrir sig!"

Greinin hans Jóns hefur þann eina galla að vera öllum skiljanleg auk þess að vera sönn og óhrekjanleg í öllum efnum. Jón var hrakinn frá Hafró vegna þessara skoðana og var þá nokkru síðan fenginn til að verða Færeyingum til ráðgjafar eftir að þeir voru búnir að prófa íslenska kerfið ofan á efnahagshrunið fræga og nú eru þeri búnir að ná sér up úr þessari tvíþættu martröð. Enn fá þeir þó af og til martraðir og það er þegar íslenska kvótakerfið birtist þeim í draumi.

[Halldór Jónsson, 18.5.2009 kl. 16:48]

Það skilur væntanlega enginn hvað ég vildi segja með þessu.

Kommatitturinn fabúlerar um það að stúlkan sé að biðja heiminn afsökunar á framferði Sjálfstæðisflokksins alla ævi söngkonunnar.  Hennar sorgaróður.

Þvílík afspyrnu vitleysa. 

[Halldór Jónsson, 18.5.2009 kl. 16:49]

Jón Kristjánsson er með einu vitrænu lausnina á kvótakerfinu. Svo einfalt er það.

[Árni Gunnarsson, 18.5.2009 kl. 20:11]

Auðvitað skildi ég þig Halldór. Ég er bara hjátrúarfullur og trúi því að það boði mér ógæfu ef ég sleppi tækifæri til að stríða sjálfstæðismanni!!!

En ég verð að bæta því við að Sjálfstæðisflokkinn vantar fyrst og fremst fleiri menn eins og þig.

[Baldur Hermannsson, 18.5.2009 kl. 21:52]

Svei mér þá ef ég er ekki bara sammála hrekkjusvíninu honum Árna Gunnarssyni. Ég held að þessu kommagerpi sé ekki of gott að níðast á íhaldinu þar sem það liggur blóðgað utan garðs. Hvenær eiga fólar að sparka í mann - ef ekki einmitt þegar hann liggur ósjálfbjarga í blóði sínu?

[Halldór Jónsson, 18.5.2009 kl. 22:21]

Ekki vil ég verða þér til ógæfu Árni minn, endilega haltu áfram að stríða mér, það er alltaf kjarngott sem frá þér kemur. Ég vona að þér finnist þér að ég styrki flokkinn frekar en að gera hann að skemmtilegra stríðnisviðfangi !

Baldur, þetta var nú fallega skrifað kjá kommatiittinum þó niðurstaðan væri afspyrnuheimskuleg.

Ég geri ráð fyrir að þú sért að tala um leigupennann en ekki hann Árna okkar Gunnarsson sem kemur nú mér hvorki fyrir sjónir sem kommagerpi né sérstakt hrekkjusvín þó glettinn sé.

Við liggjum ekkert í blóði okkar Baldur, við höfum kjaftinn ennþá fyrir neðan nefið-BÁÐIR ! Hvað sem þeir reyna að sparka þá spörkum við á móti.

[Baldur Hermannsson, 18.5.2009 kl. 22:34]

Nei hann Árni - það skiptir eiginlega engu máli hvar hann er í pólitík, ég leiði ekki einu sinni hugann að því, því hann er í hæstu hæðum, situr þar hærugrár á sínum gullna Tindastóli og horfir angurvær yfir leikvöll örlaganna. Ég held að lífsreynslan hafi gert hann svona því hann var ekki orðinn svona vitur þegar ég kynntist honum fyrst.

[Árni Gunnarsson, 18.5.2009 kl. 23:02]

Þetta er misskilningur hjá þér Baldur. Ég hélt bara þá að þú værir "utan þjónustusvæðis."