Af hverju að borga Brown núna ?

Af hverju eigum við að borga Brown núna ? Af hverju að skrifa undir það að selja börnin okkar í ánauð ? Hversvegna þessi asi ?

Ef  við förum okkur hægt og ræðum málin  áfram, tölum um dómstólaleiðir, gerðardóma eða hvað sem er, þá breytist margt.  Gerum hinsvegar ekki neitt eins og ríkisstjórnin okkar flinkust  við að gera. Gerist þá eitthvað strax  sem er verra fyrir okkar þjóð ?

 ESB, (Þjóðverjar, Bretar, Hollendingar), kunna að fara að hóta að setja  á okkur viðskiptabann. Þeir reyna hugsanlega að svelta okkur til hlýðni. Það verður erfitt.  Við látum AGS gefast upp á okkur, þeir halda hvort sem er fyrir okkur lánunum.  Við bara gerum eitthvað annað.  Þeir þreytast eins og aðrir.

Engin meiri  lán . Vöruskiptajöfnuðurinn er hagstæður bara núna um 1.2 milljarð á sólarhring. Við skeggræðum bara  fram og aftur og búum okkur undir  stríðið.  Andstæðingurinn þreytist líka . Gordon Brown mun þurfa að fást við almenning sinn. Angela og Sarkozy líka ? Þýzk þjóðarsál unir því ekki lengi að vera stimpluð árásaraðili á smáríki. 

Við Íslendingar höfum nægan tíma. Svo grípum við til aðgerða þegar við getum ekki þvælt málin lengur. Markaðir munu sjálfsagt lokast einhversstaðar tímabundið. En við höfum tíma til að undirbúa okkur. Getum meira að segja þóst vera að sækja um aðild að ESB. Getur ástandið hjá okkur nokkuð versnað við höft og atvinnuleysi  þó að við förum okkur  eins hægt og við getum ?

 Rússland er þarna.Vöruskiptin geta komið aftur.  Kína  á næga peninga til að lána okkur. Og svo Bandaríkin ef þeim þykir vænt um NATO. Kanada er þarna líka.

Hversvegna erum við tilbúin  núna að taka við þúsund milljörðum á 5.5 % vöxtum í dag þegar  húsnæðisvextir eru 2.2 % í Bretlandi ? Hvað liggur á ? Er AGS að reka á eftir ?

 Ég held að við verðum að athuga þá leið að borga hægt og illa. En vera alltaf að borga eitthvað lítið. Og tala mikið og fallega. Við getum nefnilega seiglast og þæft málin.   Við erum þjóð í greiðsluerfiðleikum. Það erum hinsvegar við sem getum stjórnað ferðinni, Ekki rukkararnir. Við getum líklega ekki heldur borgað  kúlulánið hans Gunnars Thor frá 1980 sem er á gjalddaga bráðum.  Segjum við umheiminn  að  við verðum að taka okkur meiri umhugsunarfrest í málinu. Verður nokkur stórsprenging  ?

Setti Brown hryðjuverkalög á USA þegar Lehmann Bros féllu og milljarðarnir streymdu frá Bretlandi til USA ?. Af hverju létu Kanarnir  Lehmannfalla ? Það var af því að útlendingar en ekki  þeir sjálfir töpuðu. Þeir björguðu bara sínu fólki innanlands. Af hverju er okkur svona umhugað að semja strax  um Icesave ? Liggur okkur nokkuð á ?

Við þurfum stjórnkænsku um þessar mundir. Ekki heilaga einfeldni heldur refsskap.  Af hverju skyldi okkur liggja svona á í utanríkismálum þegar okkur liggur ekkert á í innanríkismálum ?

Af hverju að borga Brown núna ?

Athugasemdir

[Ómar Bjarki Smárason, 6.6.2009 kl. 23:24]

Mikið rétt hjá þér Halldór.  Okkur liggur akkúrat ekkert á, sérstaklega ef ekki á nú að byrja að borga fyrr en eftir 7 ár.  Það ætti því að vera hægt að þæfa málin í alla vega 1 - 2 ár.....

[Sigurður Þórðarson, 6.6.2009 kl. 23:40]

Samfylkingunni liggur á að komast í ESB, liggur það ekki ljóst fyrir? Þetta lið verður komið frá völdum og Jóka á elliheimili áður en skuldasnaran af kúluláninu herðist.

[Pétur Steinn Sigurðsson, 7.6.2009 kl. 00:41]

Þakka þér Halldór fyrir góða grein, við höfum aldrey átt að greiða krónu v/Icesave reikninga, Bretar gátu bara hirt þessar eignir sem þar voru og við hefðum getað með þeirra hjálp komið eignum þessara "útrásarmanna" (pengingum) í Breska lögsögu og málið dautt, en að fara að samþykkja greiðslu þessa til margra ára og skuldsetja þóðina  NEI TAKK!!!!

[Júlíus Björnsson, 7.6.2009 kl. 03:40]

Það er vissulega [efnahags]stríðsástand í gangi við þjóðin eru ekki árasaraðilinn heldur ES:EU með Breta í forustu. Ef það á að búa til fordæmi fyrir því að Ríkið [sameign þjóðarinnar] gangi í ábyrgð fyrir einkaframtakið eða glæpamenn á kostnað frelsis almennings hluta þjóðarinnar. Þá vil ég ekki sjá meira einkaframtak hér á landi, heldur handstýrt smásmugulegt regluveldi. Ábyrgðalaust einkaframtak er það versta sem til er. Þetta kallast New-Sósíalismi. Geld hugmyndafræði.

[Predikarinn - Cacoethes scribendi , 7.6.2009 kl. 16:58]

Tek undir það sem þú skrifar í þessum pistli Halldór.

Kúlulánið hans Gunnars Thoroddsen greiddi ríkisstjórn Þorsteins Pálssonar eða Davíðs Oddsonar upp í topp þegar hagstæð kjör buðust. 

Ríkissjóður er búinn að vera tæknilega skuldlaus við útlönd um margra ára skeið, þ.e. skuldir ríkissjóðs voru minni ern gullfótur ríkisins sem er í hryðjuverkagæslu Gordons grimma og Elskunnar, sem og gjaldeyrisforði í Seðlabankanum. 

 Tek undir þetta að við skulum ekkert vera að flýta okkur að ganga frá skuldum óreiðumanna sem almenningur ber ekki ábyrgð á. Það mun koma að því að verðmæti þau sem böðlarnir áttu skila sér á einhvern hátt í buddu skilanefnda og þá verður það að duga þessum rukkurum.

[Jakob Þór Haraldsson, 7.6.2009 kl. 22:46]

Ef Alþingi íslendinga samþykkir þennan fáranlega nauðarsamning þá er eflaust um "stórasta klúður” sem sést hefur í þessu stjörnukerfi síðan JÚDAS (XS) misskildi rómverska hermenn (UK) með þeim skelfiegum afleiðingum að félagi Júdas tók sitt líf. Verði þessi gjörningur að veruleika þá má í raun segja að verið sé að taka íslensku þjóðina (Jesús) af lífi á mjög lúmskan & ósmekklegan hátt...!"

 

Kv. Heilbrigð skynsemi 

[Ragnar L Benediktsson, 8.6.2009 kl. 23:21]

Rétt er nú þetta Halldór. Þarna erum við þó sammála

Kvernig væri að taka upp evruna án þess að taka hana upp ? Það er hægt með því að fastsetja gengi krónunnar gagnvart evrunni og bjóða viðskipti í evrum og krónum. Sem sagt ef þú ferð út í búð þá bara borgar þú annaðhvort í evrum eða krónum. Þú getur svo valið um það hvort þú fáir til baka í evrum eða krónum. Ég er viss um að krónan verður tiltölulega fljót að fasast út og við verðum með evruna sem gjaldmiðil áður en við vitum af án þess að taka hana upp.

[Halldór Jónsson, 9.6.2009 kl. 08:04]

RFagnar minn góður,

Íslendingar hafa ekki þroska til að hafa annan gjaldmiðil en krónu sem stjórnvöld geta fellt. Þjóðfélagið er gegnsýrt af bófaflokkum sem taka börn í gíslingu til að fá fram gersamlega óraunhæfar "kjarabætur-eða leiðréttingar " sér til handa , gersamlega úr takti við ummheiminn.Og viðsemjendur  láta alltaf undan þeim eftir svona hálfsmánaðar umsátur staðinn fyrir að bjóða uppá tveggja ára verkfall.

Þú sem ellibelgur gast á Davíðstímanum  bara átt þínar evrur á bankareikningi og verslað fyrir þær. Hættu að rugla um þetta evrópubandalag og evrur, þetta er bara útópískt mýrarljós

[Ragnar L Benediktsson, 10.6.2009 kl. 13:16]

Ok. því ekki að taka upp á því að hafa $ samhliða liðónýtri krónunni. Ungliðarnir úr súpergaggó á melonum ættu að geta útfært þetta svona fyrir hádegi einhvern daginn. Gleymum bara ESB-inu og verslum í vestur

[Júlíus Björnsson, 10.6.2009 kl. 14:09]

Reynsla mín af ebay segir USA besta markað í heimi. Dollar ganga alsstaðar. 

Lítið sem ekkert um Evru. Annað en að ES hluti Evrópu pantar drasl frá ASíU.

Reynsla mín af ES sem vini borið saman við USA síðasta áratug  segir mér að allt sem er gott er betra en það sem skást. Vindar úr vestri eru svalari en þeir að austan. New-sósíalismi. Einkafyrirtæki með ríkisábyrgð. Það annað orð yfir Sovét kommúnisma. Það er eðlilegt að sá sem á beri ábyrgð. Það er góð Íslenska. Því má treysta. Ég auglýsi eftir flokk sem lýtur á heimilið sem hornstein þjóðfélagsins. Flokk sem eflir tækifæri allra einstaklinga til þess sem þeir gera best. Sker niður elítuna heldur frelsisskerðingu: það er  skattheimtu í lágmarki. Peningar gefa frelsi til orðs og æðis í nútíma samfélögum.